ەرىكتىلەر ازاماتتارعا ءموبيلدى ازاماتتار بازاسىندا ءوز بەتىنشە تىركەلۋگە, ەتسق الۋعا, حالىققا قىزمەت كورسەتۋ ورتالىعىنا كەزەكتى برونداۋعا, سونداي-اق egov.kz پورتالىندا ەلەكتروندىق قىزمەتتەردى الۋعا كومەكتەسەدى دەپ جوسپارلانىپ وتىر.
ماڭعىستاۋ وبلىسى بويىنشا 25 ەرىكتى قالا مەن اۋدانداعى حالىققا قىزمەت كورسەتۋ ورتالىقتارىندا وقۋدان ءوتىپ قازىرگى تاڭدا ماماندارمەن بىرگە ورتالىققا كەلگەن تۇرعىندارعا كەڭەستەرىن بەرىپ قول ۇشىن سوزۋدا.
"اقتاۋ قالاسىنداعى 15 شاعىن اۋدان جانە مامانداندىرىلعان حقكو-دا ەلەكتروندىق قىزمەتتەر بۇدان بىلاي كورسەتىلمەيدى. ولاردى اكىمدىكتەردە, ساۋدا جانە ويىن-ساۋىق ورتالىقتارىندا, مەديتسينالىق ۇيىمدار مەن ۋنيۆەرسيتەتتەردە جانە ت.ب. جەرلەردە ورنالاسقان ارنايى egov بۇرىشتارىنان الۋعا بولادى. قازىرگى ۋاقىتتا قازاقستاندا 600-دەن استام وسىنداي بۇرىش بار. ال اقتاۋ قالاسى بويىنشا 30 بۇرىش بار. ەرىكتىلەر ازاماتتارعا سول جەرلەردە دە كەڭەس بەرەدى دەپ جوسپارلانعان. سونداي-اق قىزمەتتەردى ءوز بەتىنشە الۋ بويىنشا كەڭەستەر حالىققا قىزمەت كورسەتۋ عيماراتىنىڭ كىرەبەرىسىندە جانە تسيفرلى حالىققا قىزمەت كورسەتۋ ورتالىقتارىندا كورسەتىلەدى", -دەيدى "ازاماتتارعا ارنالعان ۇكىمەت" مەملەكەتتىك كورپوراتسياسى" كە اق" ماڭعىستاۋ وبلىسى بويىنشا فيليال ديرەكتورى ەربول بايجىگىت.
ماڭعىستاۋ وبلىسىنىڭ ۆولونتەرلار كورپۋسىنىڭ جەتەكشىسى مۇقاش ورالباي "جىل باسىندا "ازاماتتارعا ارنالعان ۇكىمەت" مەملەكەتتىك كورپوراتسياسى" كوممەرتسيالىق ەمەس اكتسيونەرلىك قوعامى" ماڭعىستاۋ وبلىستىق فيليالى وڭىردەگى كورپوراتيۆتىك ۆولونتەرلىك قىزمەتتى دامىتۋ جانە ازاماتتارعا ەلەكتروندىق نىساندا مەملەكەتتىك قىزمەتتەر كورسەتۋدى قامتاماسىز ەتۋ بويىنشا ءوزارا ارەكەتتەستىك جانە ىنتىماقتاستىق جونىندە مەموراندۋمعا قول قويعان ەدىك. بۇگىندە اتالعان مەموراندۋم اياسىندا "ازاماتتارعا ارنالعان ۇكىمەت" مەملەكەتتىك كورپوراتسياسى" كوممەرتسيالىق ەمەس اكتسيونەرلىك قوعامى" ماڭعىستاۋ وبلىستىق فيليالىنىڭ ماماندارى "ۆولونتەرلار كورپۋسى" ۆولونتەرلارىن ازاماتتارعا ەلەكتروندىق نىساندا مەملەكەتتىك قىزمەتتەر كورسەتۋدى قامتاماسىز ەتۋ بويىنشا وقىتۋ جۇرگىزىلۋدە. وقىتۋدان وتكەن ۆولونتەرلار اقتاۋ قالاسىنىڭ تۇرعىندارىنا, ونىڭ ىشىندە, مۇمكىندىگى شەكتەۋلى جانە جالعىزباستى ازاماتتارعا ەلەكتروندىق نىساندا مەملەكەتتىك قىزمەتتەر الۋ مۇمكىندىگىن ۇيرەتىپ باستادى. اتالعان ناقتى اتقارىلىپ جاتىرعان جۇمىس - وڭىردەگى كورپوراتيۆتىك ۆولونتەرلىك دامۋىنىڭ جاڭا ساتىسى دەپ ەسەپتەيمىن", - دەيدى.
