بۇل رەتتە جامبىل وبلىسىنىڭ اكىمى بەردىبەك ساپارباەۆ جوبالىق-سمەتالىق قۇجاتتامانى ازىرلەۋ شارالارىن جەدەلدەتۋدى تاپسىردى. "مەن جوبالىق-سمەتالىق قۇجاتتامالاردى دايىنداۋ بارىسى بەس-التى جىلعا سوزىلاتىنداي ەشقانداي ايتارلىقتاي سەبەپ كورىپ تۇرعان جوقپىن. تەك جەرگىلىكتى جەرلەردە ناقتى جۇمىس جۇيەسى قالىپتاسپاعان", - دەدى ول.
سونىمەن قاتار بەردىبەك ساپارباەۆ دايىن تيپتىك جوبالاردى قولدانۋدى جانە ءبىر ۇلگىلەگى جوبالىق-سمەتالىق قۇجاتتامانى ازىرلەۋگە ارتىق اقشا جۇمساماۋدى دا اتاپ ءوتتى. سونداي-اق جامبىل وبلىسى اكىمى اپپاراتىنىڭ باسشىسى الماس ماديەۆتىڭ حابارلاۋىنشا, وبلىستىق باسقارمالار, تاراز قالاسى مەن اۋدان اكىمدىكتەرى وبلىس اكىمىنىڭ كەيبىر تاپسىرمالارىن ۋاقىتىلى ورىنداماعان. "مەملەكەت باسشىسى قاسىم-جومارت توقاەۆتىڭ "حالىق ۇنىنە قۇلاق اساتىن مەملەكەت" تۇجىرىمداماسى ازاماتتاردىڭ وتىنىشتەرىنە جەدەل جانە ءتيىمدى جاۋاپ بەرۋدى كوزدەيدى. تۇرعىنداردىڭ ماسەلەلەرىن شەشۋ جولىنداعى مەن جۇكتەگەن ناقتى مىندەتتەر ۋاقىتىلى ورىندالۋى ءتيىس", - دەدى بەردىبەك ساپارباەۆ. سونداي-اق اعىمداعى جىلدىڭ قىركۇيەك ايىنا دەيىن وبلىستاعى بارلىق مەكتەپتەردىڭ عيمارات ىشىندەگى جىلى دارەتحانالارمەن جانە بەينەكامەرالارمەن قامتاماسىز ەتىلۋ كەرەكتىگى دە ايتىلدى.
جامبىل وبلىسى
