"قازاقستان رەسپۋبليكاسىنىڭ كەيبىر زاڭنامالىق اكتىلەرىنە تسيفرلىق تەحنولوگيالاردى رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭ جوباسى پرەزيدەنت ق.ك. توقاەۆتىڭ 2019 جىلعى 2 قىركۇيەكتەگى قازاقستان حالقىنا جولداۋىن ىسكە اسىرۋ ماقساتىندا ازىرلەنگەن.
قۇجات تسيفرلىق تەحنولوگيالاردى پايدالانۋ نەگىزىندە تۇرعىندارعا قولايلى جاعداي جاساۋعا, ازاماتتاردىڭ جەكە مالىمەتتەرىنىڭ قورعالۋىن قامتاماسىز ەتۋگە جانە كۇشەيتۋگە باعىتتالعان. وسى ماقساتتا اتالعان سالاعا جاۋاپتى ۋاكىلەتتى ورگان انىقتالىپ, ونىڭ نەگىزگى فۋنكتسيالارى بەلگىلەنەدى.
سونىمەن قاتار اتالعان زاڭ جوباسىندا اقپاراتتىق-كوممۋنيكاتسيالىق ينفراقۇرىلىم سالاسىنداعى جوبالاردى ىسكە اسىرۋعا جاعداي جاساۋ, ۇشقىسسىز باسقارىلاتىن ۇشۋ اپپاراتىن قاۋىپسىز پايدالانۋ مەحانيزمدەرىن ايقىنداۋ جانە ەلىمىزدە روبوتتاردى قولدانۋ ۇلەسىن ارتتىرۋ قاراستىرىلعان.
وتىرىستا سەنتورلار "قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۇتىنۋشىلاردىڭ قۇقىقتارىن قورعاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭ جوباسىن دا تالقىلادى.
بۇل قۇجاتتىڭ نەگىزگى ماقساتتارى – تۇتىنۋشىلاردىڭ قۇقىقتارىن قورعاۋ سالاسىنداعى قۇقىقتىق قارىم-قاتىناستى ودان ءارى جەتىلدىرۋ, تۇتىنۋشىلىق داۋلاردى سوتقا دەيىن رەتتەۋ ينستيتۋتىنىڭ ءرولىن ارتتىرۋ, مارتەبەسىن كوتەرۋ, سونداي-اق بيزنەستىڭ تۇتىنۋشى الدىنداعى الەۋمەتتىك جانە ماتەريالدىق جاۋاپكەرشىلىگىن ارتتىرۋ.
قۇجات قازاقستان رەسپۋبليكاسى ۇكىمەتىنىڭ جانىنان تۇتىنۋشىلاردىڭ قۇقىقتارىن قورعاۋ جونىندەگى ۆەدومستۆوارالىق كەڭەس قۇرۋعا جانە وسى سالادا بىرىڭعاي اقپاراتتىق جۇيە قالىپتاستىرۋعا مۇمكىندىك بەرەدى.
زاڭ جوبالارى پالاتا قاراۋىنا جولداندى.
