«2014 جىلدان باستاپ قازاقستان حالىقارالىق اۋە كولىگى قاۋىمداستىعى (IATA) تاعايىنداعان نۇر-سۇلتان اۋەجايىنىڭ ءۇش ارىپتىك كودىن وزگەرتۋ بويىنشا بەلسەندى جۇمىس جۇرگىزدى.
بۇكىل الەم بويىنشا اۋەجايلارعا ءبىر رەت جانە تۇراقتى نەگىزدە كود بەرۋ جونىندەگى IATA قاعيدالارىنا قاراماستان, قازاقستاندىق تاراپ بۇل باعىتتا وڭ ناتيجەلەرگە قول جەتكىزدى.
IATA وكىلدەرىمەن بىرلەسىپ اۋەجايلاردىڭ كودتارىن تاعايىنداۋ جانە وزگەرتۋ بويىنشا IATA تاسىلدەرىنە وزگەرىس ەنگىزۋ تۋرالى شەشىم قابىلداندى.
بۇل وزگەرىستەر 2019 جىلدىڭ 14 قازانىندا ۆارشاۆا قالاسىندا (پولشا) IATA-نىڭ بارلىق مۇشەلەرىنىڭ قاتىسۋىمەن جولاۋشىلار تاسىمالى ستاندارتتارى (Passenger Standards Meeting) كەزدەسۋىندە قولداۋ تاپتى.
ناتيجەسىندە, 2020 جىلدىڭ 8 ماۋسىمىنان باستاپ نۇرسۇلتان نازارباەۆ حالىقارالىق اۋەجايىنا NQZ جاڭا كودى بەرىلدى, ول بارلىق برونداۋ جۇيەلەرىندە, وتىرعىزۋ تالوندارىندا, باگاج بيركالارىندا جانە اقپاراتتىق تابلودا كورسەتىلەتىن بولادى», - دەلىنگەن حابارلامادا.
