ايماقتار • 06 ماۋسىم، 2020

قاراعاندى وبلىسى: 33 ادامنان COVID-19 انىقتالدى

113 رەت كورسەتىلدى

قاراعاندى وبلىسىندا سوڭعى تاۋلىكتە كوروناۆيرۋس ينفەكتسياسىن 33 ادامنىڭ جۇقتىرعانى زەرتحانالىق نەگىزدە راستالدى، دەپ حابارلادى وبلىس اكىمىنىڭ ءباسپاسوز قىزمەتى.

ناۋقاستاردىڭ اراسىندا قاراعاندىنىڭ 27 تۇرعىنى بار. ءۇش ادام جەزقازعان قالاسىنان. سونداي-اق، اۋىرعاندار قاتارىندا تەمىرتاۋ مەن ساران قالالارىنان جانە بۇقار جىراۋ اۋدانىنان ءبىر-ءبىر ادامنان بار.

COVID-19 جۇقتىرعان ناۋقاستار بۇرىن اۋىرعان ادامدارمەن جاقىن بايلانىستا بولعانداردى تەكسەرگەندە جانە سكرينينگ جاساۋ كەزىندە انىقتالدى.

قازىرگى ۋاقىتتا ناۋقاستاردىڭ جاعدايى قاناعاتتانارلىق دەڭگەيدە. ينفەكتسيا وشاقتارىندا زارارسىزداندىرۋ ءىس-شارالارى جۇرگىزىلدى.

سوڭعى تۇسكەن مالىمەتتەرگە سۇيەنسەك، قاراعاندى وبلىسىندا كۆي جۇقتىرۋدىڭ 1 105 وقيعاسى تىركەلگەن. ونىڭ ىشىندە 405 ناۋقاس اتالعان اۋرۋدان ايىعىپ شىقتى. وكىنىشكە قاراي، بەس ادام ىندەتتىڭ قۇربانى بولدى.

 

 

قاراعاندى وبلىسى

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار