ايماقتار • 06 ماۋسىم، 2020

كاسىپوداقتار فەدەراتسياسىنىڭ باسشىسى كاسىپورىنداعى جاعدايمەن تانىستى

11 رەت كورسەتىلدى

قازاقستان رەسپۋبليكاسى كاسىپوداقتار فەدەراتسياسىنىڭ توراعاسى ساتىبالدى داۋلەتالين «قازاقستان Paramount Engineering» جشس-دە بولىپ، جۇمىس ورىندارىن كورىپ، كاسىپورىن جۇمىسشىلارىمەن سويلەسىپ، ۇجىمدىق شارتپەن (جۇمىس بەرۋشىنىڭ الەۋمەتتىك مىندەتتەمەلەرىن ورىنداۋ)، سونداي-اق ءوندىرىس پروتسەسىندەگى قاۋىپسىزدىك (جۇمىسشىلاردىجقق قامتاماسىز ەتۋ) جانە ەڭبەكتى قورعاۋ شارالارىمەن تانىستى.

«قازاقستان پاراماۋنت ينجينيرينگ» جشس (KPI جشس) -  مەملەكەت پەن ارنايى كۇشتەردىڭ قورعانىس قابىلەتىن قامتاماسىز ەتۋگە ارنالعان زاماناۋي بروندى دوگەلەكتى ماشينا (بۇدان ءارى - بدم) شىعاراتىن ورتالىق ازياداعى ەڭ ءىرى كاسىپورىن.  زاۋىت جىل سايىن 120 ۆاگون شىعارادى. «KPI» جشس باس ديرەكتورى ەربول ءسالىموۆتىڭ ايتۋىنشا، جۇمىسشىلاردىڭ جالپى سانى 250 ادام، ولاردىڭ بارلىعى كاسىپوداق ۇيىمىنىڭ مۇشەلەرى.

قركف توراعاسى ءىسساپاردىڭ ماقساتى تۋرالى ايتا كەلە، ءساۋىر ايىنىڭ سوڭىنان باستاپ جۇزدەگەن قازاقستاندىق كاسىپورىندار قالىپتى ءوندىرىس پروتسەسىنە ورالدى جانە وسىعان بايلانىستى الەۋمەتتىك ارىپتەستەر الدىندا جۇمىسشىلاردى قاۋىپسىز ەڭبەك جاعدايلارىمەن قامتاماسىز ەتۋ بويىنشا جاۋاپتى مىندەتتەر تۇرعانىن اتاپ ءوتتى.

«پاندەميا قاۋىپسىزدىك - ءوندىرىستىڭ قالىپتى جۇمىسىنىڭ نەگىزگى فاكتورلارىنىڭ ءبىرى ەكەندىگىن كورسەتتى. بۇگىنگى تاڭدا جۇمىس بەرۋشىلەر مەن جۇمىسشىلاردىڭ بىرلەسە ارەكەت ەتۋى ماڭىزدى. جۇمىس بەرۋشىلەر مەن جۇمىسشىلاردىڭ وزدەرى دە جۇمىس ورنىنا اۋرۋدان امان-ەسەن ورالۋدى قامتاماسىز ەتۋدە باستى ءرول ويناپ، كوروناۆيرۋستىق ينفەكتسيانىڭ تارالۋىن توقتاتۋدا قول جەتكىزىلگەن ناتيجەلەردى كۇشەيتۋلەرى قاجەت.   قاۋىپسىز ەڭبەك جاعدايلارى قامتاماسىز ەتىلمەگەن جەردە ادام دەنساۋلىعىنا جانە بيزنەستىڭ تۇراقتىلىعىنا قاۋىپ تونەدى»، - دەدى قركف توراعاسى.

«KPI» جشس باس ديرەكتورى ەربول ءسالىموۆ كاسىپورىنداعى الەۋمەتتىك جانە ەڭبەك قاتىناستارى تۋرالى ايتا وتىرىپ، قازاقستاندا ەكى ايعا سوزىلعان توتەنشە جاعداي كەزىندە زاۋىت ۇجىمى تولىقتاي 100% جالاقىسى ساقتالاتىن دەمالىسقا جىبەرىلگەنىن اتاپ ءوتتى.

«كاسىپورىن قايتا ىسكە قوسىلعاننان كەيىن ءبىز ۇجىمدىق كەلىسىم بويىنشا بارلىق تسەحتاردىڭ جۇمىسشىلارىنا كۇنىنە ءۇش رەت تەگىن تاماق بەرۋدى جالعاستىردىق. بارلىق سانيتارلىق نورمالار ساقتالعان.  اتاپ ايتقاندا، كىرەبەرىستەگى دەزينفەكتسيالاۋ تۋننەلىنەن باستاپ، مىندەتتى تۇردە مەديتسينالىق ورتالىققا بارۋ جانە مەديتسينالىق ماسكا مەن  قولعاپ  الۋ،  وندىرىستىك پروتسەس بارىسىندا الەۋمەتتىك قاشىقتىقتى ساقتاۋ جانە بارلىق جەردە سانيتارلىق تازارتقىشتار ورناتىلعان.  ماشينالاردى قايتا وڭدەۋ جانە دەزينفەكتسيالاۋ جۇمىستارى دا ارنايى كەستە بويىنشا جۇرگىزىلۋدە»، - دەدى ەربول ءسالىموۆ.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار