تاعايىنداۋ • 05 ماۋسىم، 2020

«جەتىسۋ» تەلەارناسىنا جاڭا باسشى تاعايىندالدى

128 رەت كورسەتىلدى

الماتى وبلىسىنىڭ اكىمى اماندىق باتالوۆتىڭ شەشىمىمەن بەلگىلى تەلەجۋرناليست، پۋبليتسيست، زەرتتەۋشى سەرىك ابىكەن ۇلى الماتى وبلىستىق «جەتىسۋ» تەلەارناسىنىڭ ديرەكتورى قىزمەتىنە تاعايىندالدى. بۇل تۋرالى «جەتىسۋ» تەلەارناسىنىڭ ءباسپاسوز قىزمەتى Facebook پاراقشاسىندا جاريالادى.

 

«سەرىك ابىكەن ۇلى سارىباي «نتك»، «31 ارنا» سەكىلدى تەلەكومپانيالاردا باس رەداكتور، ديرەكتوردىڭ ورىنباسارى قىزمەتتەرىن اتقارعان. تەلەجۋرناليستيكاداعى ەڭبەك جولىن 1998 جىلى «تەلەفابريكا» سەرىكتەستىگىندە باستاپ، «اناۋ-مىناۋ»، «ايتپاقشى» باعدارلامالارىن شىعارۋعا اتسالىسقان. 2000-2003 جىلدار ارالىعىندا «وڭتۇستىك استانا» تەلەارناسىندا باس رەداكتورلىق قىزمەتتە ءجۇرىپ، «سويىل» اتتى تۇڭعىش تەلەجوباسىن جارىققا شىعاردى. «31 ارنانىڭ» «ينفورمبيۋرو» جاڭالىقتار قىزمەتىندە 6 جىل جەتەكشىلىك ەتىپ، وسى ارنادا «تاريح بەزبەنى»، «تۇجىرىم»، «… كىم؟»، «ەل سويىلى» سىندى جوبالاردى ەلگە ۇسىندى. «تىلساقشىسى»، «پىكىرلەر پيراميداسى»، «تاريح تارازىسى»، «تاعدىر مەن تۇلعا»، «مونولوگ»، «بولمىس»، «تىڭداشى، اينالايىن» باعدارلامالارى «قازاق حاندىعىنا – 550 جىل» 40 سەريالى دەرەكتى تسيكلىنىڭ جانە تاعى باسقا كوپتەگەن حابارلاردىڭ اۆتورى. 2014 جىلدان وسى كۇنگە دەيىن «جەتىسۋ» تەلەارناسى ديرەكتورىنىڭ ءبىرىنشى ورىنباسارى بولدى.

ايماقتىق ارنانىڭ جاڭا باسشىسىن ۇجىمعا وبلىس اكىمىنىڭ ورىنباسارى باتىرجان بايجۇمانوۆ تانىستىردى»، - دەلىنگەن جازبادا.

سوڭعى جاڭالىقتار

تۇركىستان جاسىل قالاعا اينالۋدا

وڭتۇستىك قازاقستان • كەشە

ۇقساس جاڭالىقتار