قازاقستان • 04 ماۋسىم، 2020

قازاقستاندا بىلتىر 381 كومباين جانە 895 تراكتور شىعارىلدى

11 رەت كورسەتىلدى

ماشينا جاساۋ - وتاندىق ونەركاسىپتىڭ سەرپىندى دامىپ كەلە جاتقان سالالارىنىڭ ءبىرى. ەلىمىزدە وتكەن جىلى ماشينا جاساۋ ءوندىرىسىنىڭ كولەمى 1370 ملرد تەڭگەنى قۇراپ، 2018 جىلمەن سالىستىرعاندا 20،9% ارتتى، دەپ حابارلادى يدم ءباسپاسوز قىزمەتى.

2019 جىلدىڭ قورىتىندىسى بويىنشا اۋىل شارۋاشىلىعى ماشينالارىن جاساۋ ءوندىرىسىنىڭ كولەمى 41،2 ملرد تەڭگەنى قۇراپ، 381 كومباين جانە 895 تراكتور شىعارىلدى. 2010 جىلدان باستاپ وسى باعىتتاعى ءونىم جەلىسىن كەڭەيتۋ باستالدى. اۋىل شارۋاشىلىعىنىڭ قاجەتتىلىكتەرىنە ارنالعان اسپالى جابدىقتار مەن تەحنيكانىڭ تۇرلەرىن ءوندىرۋ ىسكە قوسىلدى. تراكتورلار مەن كومبايندار ءوندىرىسى ارتتى.

اۋىل شارۋاشىلىعى ماشينالارىن جاساۋ باعىتىنداعى نەگىزگى كاسىپورىن – «سەماز» جشس. زاۋىت ماماندارى قازاقستاندا العاشقىلاردىڭ ءبىرى بولىپ دانەكەرلەۋ مەن بوياۋدى قامتيتىن تولىق تسيكلدى اۆتوجيناۋدى ەنگىزدى. وندا جۇمىس كورەيانىڭ Daewoo Bus Global Corporation كومپانياسى اۆتوبۋستارىن شىعارۋدان باستالدى. 2006 جىلى سەمەيدە بۇرىننان تۇرىپ قالعان ارماتۋرا زاۋىتى ورنىنا اۆتوقۇراستىرۋ ءوندىرىسى قۇرىلدى. جوباعا باستاپقى كەزەڭدە قۇيىلعان ينۆەستيتسيالار كولەمى 9 ملن اقش دوللارىن قۇراپ، ونىڭ ىشىندە 7 ملن. وندىرىستىك الاڭدى كۇردەلى جوندەۋگە باعىتتالدى.

اۆتوقۇراستىرۋ زاۋىتىندا 300-دەن استام جاڭا جۇمىس ورنىن اشىلدى.  رەسپۋبليكانىڭ قاتاڭ كليماتى ءۇشىن ارنايى ازىرلەنگەن جاڭا ءونىم - Daewoo Bus جاڭعىرتىلعان سەريالى اۆتوبۋستار شىعارىلىپ، باسقا دا كوپتەگەن ماشينا جاساۋ باستامالارى ءۇشىن الاڭعا اينالدى. مىسالى، «سەماز» جشس تسەحتارىندا بۇگىندە 25 توننالىق Shacman جانە جوعارى ءوتىمدى «ورال» جۇك كولىكتەرىن، Foton از توننالىق جۇك كولىكتەرىن قۇراستىرۋ جۇمىستارى جۇرگىزىلۋدە. 2009 جىلى «كازاگروفينانس» ۇلتتىق كومپانياسى» اق بىرلەسىپ قارجىلاندىرۋىنىڭ ناتيجەسىندە «سەماز» جشس بەلارۋستىڭ «مينسك تراكتور زاۋىتى» رەسپۋبليكالىق ءبىرتۇتاس كاسىپورنىنىڭ اۋىل شارۋاشىلىعى ماشينالارىن قۇراستىرۋ جەلىسىن ىسكە قوستى. بۇل ينۆەستيتسيالىق جوباعا وتاندىق ينۆەستور 1،03 ملرد تەڭگە سالدى. ەندى سەمەيدە «بەلارۋس» توعىز موديفيكاتسيالى تارتقىش كۇشى 0،2-دەن 5 تونناعا جەتەتىن تراكتورلار شىعارىلادى. مۇندا ولار ءۇشىن ءتۇرلى اسپالى جابدىقتار دا جاسالادى. وندىرىستىك قۋاتى جىلىنا 3 مىڭ بىرلىكتى قۇرايدى.

سەمەيدە جينالعان ماشينالار سۇرانىسقا يە. «قازاگروقارجى» ۇك ليزينگ شارتتارى بويىنشا اۆتوكولىكتەردى ساتۋدى ۇيىمداستىرىپ، زاۋىتقا جۇيەلى تۇردە قولداۋ كورسەتەدى. وتاندىق تراكتورلاردى رەسەي جانە موڭعوليانىڭ تاپسىرىس بەرۋشىلەرى ساتىپ الادى. بۇل «تەمىر تۇلپارلار» -  ورمان، كوممۋنالدىق شارۋاشىلىق، قۇرىلىس جانە ونەركاسىپتە تاپتىرماس قۇرال.

ايتا كەتۋ كەرەك، زاۋىتتا تاپسىرىس بەرۋشىنىڭ قالاۋى بويىنشا كەز كەلگەن تۇردەگى تەحنيكانى قۇراستىرۋعا بولادى. وعان ءار مودەلگە سايكەستىك سەرتيفيكاتتارى دالەل بولادى. زاۋىتتا شىعارىلاتىن اۆتوبۋستار مەن تراكتورلار جىل سايىن قر تاۋەلسىز ساراپشىلارىنىڭ سىناعىنان وتەدى. زاۋىتتىڭ ساپا مەنەدجمەنتى جۇيەسى ISO 9001: 2008 حالىقارالىق ستاندارتىنا سايكەس سەرتيفيكاتتالعان.

«سەماز» ونىمدەرىنىڭ جوعارى ساپاسى ەلەۋسىز قالمادى. 2010 جىلى قازاقستاننىڭ اۆتوموبيل جانە ماشينا جاساۋ ونەركاسىبىن دامىتۋعا قوسقان ۇلەسى ءۇشىن «التىن بەلگى» التىن مەدالىمەن ماراپاتتالدى، 2018 جىلى كومپانيا پرەزيدەنتتىڭ «التىن ساپا» سىيلىعىن «وندىرىستىك ماقساتتاعى ۇزدىك كاسىپورىن» نوميناتسياسى بويىنشا يەلەندى. الداعى ۋاقىتتا «سەماز» جشس وتاندىق قۇرامداۋىشتار، اككۋمۋلياتورلار مەن مەتالل قۇرىلىمدارىن وندىرۋشىلەرمەن تىعىز وندىرىستىك كووپەراتسيانى جولعا قويۋدى جوسپارلاپ وتىر. بۇل قازاقستاندىق قامتۋ ۇلەسىن، ياعني سەمەي اۆتوموبيلدەرى مەن تراكتورلارىنىڭ باسەكەگە قابىلەتتىلىك دەڭگەيىن ايتارلىقتاي ارتتىرادى.

 

سوڭعى جاڭالىقتار

شىعىس قازاقستاندا جەر سىلكىندى

ايماقتار • بۇگىن، 15:15

باس قالا تاريحى قامتىلعان كورمە

رۋحانيات • بۇگىن، 13:36

260 ناۋقاس رەانيماتسيادا جاتىر

قازاقستان • بۇگىن، 11:50

شەكارادا شەكتەۋ بار

قازاقستان • بۇگىن، 11:13

ۇقساس جاڭالىقتار