پرەزيدەنت قاسىم-جومارت توقاەۆ ينسپەكتور سۇندەتوۆ ورىنبەكتىڭ ۇزاق جىلدارى بويى قورشاعان ورتانى قورعاۋعا, براكونەرلىك پەن زاڭ بۇزۋشىلىققا قارسى كۇرەسكە كۇش-جىگەرىن جۇمساپ, ەلىمىزدىڭ تابيعي بايلىعىنىڭ ساقتالۋى مەن مولايۋىنا ۇلكەن ۇلەس قوسقانىن ەرەكشە اتاپ ءوتتى.
ورىنبەك سۇندەتوۆ ون التى جىل بويى اتىراۋ ءوڭىرىنىڭ فلوراسى مەن فاۋناسىن قورعاۋدا. ول ەڭبەك جولىن ورال-كاسپي وبلىسارالىق باسسەيندىك بالىق شارۋاشىلىعى باسقارماسىنان باستاپ, بۇگىندە اتىراۋ وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ تەڭىز ينسپەكتسياسىندا باس مامانى قىزمەتىن اتقارۋدا.
مەملەكەت باسشىسىنىڭ تاپسىرماسىمەن 2019 جىلى براكونەرلىك ءۇشىن جازانى قاتاڭداتۋ بويىنشا قىلمىستىق, قىلمىستىق-پروتسەستىك كودەكستەرىنە وزگەرتۋلەر ەنگىزىلىپ, تابيعات قورعاۋ ينسپەكتورلاردىڭ قۇزىرەتى كەڭەيىپ, قاجەتتى ماتەريالدىق-تەحنيكالىق بازاسى جاڭارتىلۋدا.
«تابيعاتتى قورعاۋعا بار كۇش-جىگەرىن ايانباي جۇمسايتىن ورىنبەك كەنجەعالي ۇلى سەكىلدى ازاماتتاردىڭ ارقاسىندا قازاقستاننىڭ جانۋارلار مەن وسىمدىكتەر دۇنيەسى ساقتالۋدا», - دەپ اتاپ ءوتتى اسحات قايناربەكوۆ.
