وسىعان بايلانىستى قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگىنىڭ كولىك كوميتەتى جىل سايىن 1 ماۋسىمنان 31 تامىزعا دەيىن «سكۋتەر» رەسپۋبليكالىق اكتسياسىن وتكىزەدى.
شارا ماقساتى - شاعىن كولەمدى كەمەلەردى قاۋىپسىز پايدالانۋدى قامتاماسىز ەتۋ, ەلدىڭ سۋ ايدىندارىندا اپاتتىق جاعدايلار مەن ەكولوگيالىق قاۋىپ-قاتەردى بولدىرماۋ, جازاتايىم وقيعالار مەن ادامداردىڭ قازا بولۋىن ازايتۋ.
وسى ءىس-شارالاردى وتكىزۋ بارىسىندا شاعىن كولەمدى كەمەلەردى قاۋىپسىزدىك تالاپتارىنا سايكەستىگىن تەكسەرۋ جوسپارلانىپ وتىر. اتاپ ايتقاندا, قۇتقارۋ قۇرالدارىنىڭ بولۋى, جۇرگىزۋ قۇقىعى بار تۇلعالاردىڭ كەمەلەردى باسقارۋى, تىركەلگەن كەمەلەردى پايدالانۋ جانە ت.ب. تەكسەرىلەدى.
«سكۋتەر» اكتسياسى - سۋ كولىگىن قاۋىپسىز پايدالانۋدى قامتاماسىز ەتۋ ماقساتىندا كولىك كوميتەتى جۇزەگە اسىراتىن 2020 جىلعا ارنالعان فلوتتاعى اپاتتىڭ الدىن الۋ جونىندەگى ic-شارالار جوسپارىنىڭ بولىگى. كولىك كوميتەتىنىڭ اۋماقتىق ورگاندارىنىڭ تەكسەرۋلەرىمەن قاتار, شاعىن كولەمدى كەمەلەردىڭ قاۋىپسىز پايدالانىلۋىن رەتتەيتىن زاڭناما تالاپتارىن ءتۇسىندىرۋ ماقساتىندا كەمە يەلەرىنە, شاعىن كولەمدى كەمەلەر مەن دەمالىس ورىندارى يەلەرىنە ارناپ پروفيلاكتيكالىق جۇمىستاردى جۇرگىزۋ جوسپارلانىپ وتىر.
سونىمەن قاتار كولىك كوميتەتى دەمالىس كەزىندە سۋ قويمالارىندا قاۋىپسىزدىك ەرەجەلەرىن ساقتاۋ ماڭىزدى ەكەنىن ەسكە سالادى. كوپشىلىك دەمالاتىن ورىنداردا:
- بالالاردى ەرەسەكتەردىڭ قاراۋىنسىز شومىلۋعا جول بەرمەۋ;
- موتورلى, ەسكەكتى قايىقتارعا جانە باسقا دا ءجۇزۋ قۇرالدارىنا جاقىن جۇزۋگە;
- وسى ماقساتتار ءۇشىن بەيىمدەلمەگەن قۇرىلىستاردان سۋعا سەكىرۋگە;
- ماس كۇيىندە شومىلۋعا;
- بورەنەلەردە, تاقتالاردا, جاتىقتاردا, اۆتوموبيل كامەرالارىندا, ۇرلەنگەن ماتراتستاردا جۇزۋگە;
- ەسكەرتۋ جانە تىيىم سالۋ بەلگىلەرى مەن جازۋلارى بار قالقاندار قويىلعان ورىنداردا شومىلۋعا;
- قۇتقارۋ كەۋدەشەسىز شاعىن كولەمدى كەمەلەرگە وتىرۋعا تىيىم سالىنادى.
ەگەر سۋ كولىگىندەگى قاۋىپسىزدىك ەرەجەلەرى بۇزىلعان وقيعالاردىڭ كۋاگەرى بولساڭىزدار, كولىك كوميتەتىنىڭ احۋالدىق ورتالىعىنىڭ تاۋلىك بويى جۇمىس ىستەيتىن سەنىم تەلەفونىنا حابارلاسۋىڭىزدى سۇرايمىز: 98-35-35, سونداي-اق فوتو جانە بەينە ماتەريالداردى What'sApp messenger ارقىلى 8-708-088-08-00 نومىرىنە جىبەرۋگە بولادى.
