ايماقتار • 03 ماۋسىم، 2020

شىعىس قازاقستان: كوكپەكتى اۋدانىندا مىڭعا جۋىق تۇرعىن جارىقسىز قالدى

200 رەت كورسەتىلدى

ادام شىعىندارى مەن زارداپ شەككەندەر جوق.

كوكپەكتى اۋدانىندا قاتتى جەلدىڭ اسەرىنەن بىرنەشە اۋىل جارىقسىز قالدى.

ك

داۋىلدان زارداپ شەككەن كوكپەكتى، تاسساي، كوكجايىق جانە ۇلگىلىمالشى اۋىلدارىندا 8 الەۋمەتتىك نىساننىڭ، 30-دان استام جەكە تۇرعىن ءۇيدىڭ شاتىرىن جەل ۇشىرىپ كەتتى.

ە

بۇل تۋرالى اۋدان اكىمى اپپاراتىنىڭ توتەنشە جاعدايلار جانە موبيلدىك دايىندىق ءبولىمىنىڭ باسشىسى راسۋل سارمانوۆ حابارلادى. ادام شىعىندارى مەن زارداپ شەككەندەر جوق. قالپىنا كەلتىرۋ جۇمىستارى جۇرگىزىلۋدە.

چ

ماماننىڭ مالەمەتى بويىنشا 2 ماۋسىم ساعات 19.00-دەن 23.00-كە دەيىن جەلدىڭ جىلدامدىعى سەكۋندىنا 22 مەترگە جەتكەن.

ۋ

كوكپەكتى اۋىلىنداعى جاقيا ءشايجۇنىسوۆ اتىنداعى ورتا مەكتەپ سپورت زالىنىڭ، اۋداندىق ورتالىق اۋرۋحانىنىڭ، ۇلگىلىمالشى اۋىلىنداعى اباي اتىنداعى ورتا مەكتەپ قازاندىعىنىڭ، كوكجايىق اۋىلىنداعى اۋىلدىق وكرۋگ اكىمشىلىگى عيماراتىنىڭ، «بوبەك ءلۇپىلى» بالاباقشاسىنىڭ، «ەلىم-اي» شارۋا قوجالىعى مال بورداقىلاۋ الاڭىنىڭ، تاسساي اۋىلىنداعى مۇحتار اۋەزوۆ اتىنداعى ورتا مەكتەپ جانە ينتەرنات عيماراتتارىنىڭ شاتىرىن جەل ۇشىرىپ كەتكەن.     

ي

قازىرگى ۋاقىتتا بيعاش، ۇلگىلىمالشى، ۇزىنبۇلاق، تاسساي، كوكجايىق، كوكپەكتى ەلدى مەكەندەرىندە اۆاريالىق اجىراتۋ سالدارىنان مىڭعا جۋىق تۇرعىن جارىقسىز وتىر. اۆاريالىق بريگادالار ۇزدىكسىز جۇمىس ىستەۋدە.

شىعىس قازاقستان وبلىسى،

كوكپەكتى اۋدانى

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار