ساياسات • 03 ماۋسىم، 2020

قازاقستان مەن كانادا ءسىم باسشىلارى تەلەفون ارقىلى سويلەستى

10 رەت كورسەتىلدى

كانادا تاراپىنىڭ باستاماسى بويىنشا قازاقستان سىرتقى ىستەر ءمينيسترى مۇحتار تىلەۋبەردى كانادانىڭ سىرتقى ىستەر ءمينيسترى فرانسۋا-فيليپپ شامپانمەن تەلەفون ارقىلى سويلەستى. بۇل تۋرالى سىرتقى ىستەر مينيسترلىگىنىڭ ءباسپاسوز قىزەتى حابارلادى.

اڭگىمە بارىسىندا تاراپتار COVID-19 پاندەمياسىمەن كۇرەسۋ جونىندەگى ەلدەردىڭ شارالارىن، سونداي-اق ەكىجاقتى ىنتىماقتاستىقتىڭ قازىرگى جاي-كۇيى مەن پەرسپەكتيۆالارى، حالىقارالىق ارەناداعى ءوزارا ءىس-قيمىل ماسەلەلەرىن تالقىلادى.

تاراپتار پاندەميا ادامداردىڭ كۇندەلىكتى ءومىرىن تۇبەگەيلى وزگەرتكەنىن جانە حالىقارالىق قاتىناستاردىڭ بارلىق جۇيەسىنە ەلەۋلى اسەر ەتىپ وتىرعانىن اتاپ ءوتتى.

كانادالىق تاراپ كانادانىڭ جانە يامايكانىڭ باستاماسىمەن وتكىزىلگەن كوروناۆيرۋس پاندەمياسى داۋىرىندەگى تۇراقتى دامۋدى قارجىلاندىرۋ جونىندەگى بۇۇ-نىڭ جوعارى دەڭگەيدەگى ءىس-شاراسىندا پرەزيدەنت ق.توقاەۆتىڭ مازمۇندى سويلەگەن سوزىنە جانە ەلىمىزدىڭ قاتىسقانى ءۇشىن العىسىن ءبىلدىردى.

كانادا سىرتقى ساياسي ۆەدومستۆوسىنىڭ باسشىسى قازاقستاننىڭ وڭىردەگى جەتەكشى ءرولىن اتاپ ءوتىپ، وتتاۆانىڭ نۇر-سۇلتانمەن سىندارلى جانە ءوزارا ءتيىمدى قارىم-قاتىناستى ودان ءارى دامىتۋعا دايىن ەكەندىگىن ءبىلدىردى.

م. تىلەۋبەردى ساياسي ديالوگتى ودان ءارى دامىتۋ قاجەتتىگىن اتاپ ءوتىپ، 2020 جىلدىڭ اقپان ايىندا پرەزيدەنت ق.توقاەۆتىڭ كانادانىڭ پرەمەر-ءمينيسترى دج.تريۋدومەن ميۋنحەندە، سونداي-اق كانادانىڭ گەنەرال-گۋبەرناتورى ج.پايەتتىڭ 2018 جىلى قر-نا ساپارى ەكىجاقتى ىنتىماقتاستىقتىڭ دامۋىنا سەرپىن بەرەتىنىن اتاپ ءوتتى.

سونىمەن قاتار، تاراپتار ەكىجاقتى فورماتتا دا، حالىقارالىق ارەنادا دا، سونىڭ ىشىندە يادرولىق قارۋدى تاراتپاۋ، ورنىقتى دامۋ، ازىق-ت ۇلىك قاۋىپسىزدىگى جانە ادام قۇقىقتارى ماسەلەلەرى بويىنشا دا ءوزارا ءىس-قيمىلدى ودان ءارى جانداندىرۋدى قولدايتىندارىن جەتكىزدى.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار