ەلباسى • 03 ماۋسىم، 2020

نۇرسۇلتان نازارباەۆ ءباا-ءنىڭ قازاقستانداعى ەلشىسىمەن كەزدەستى

36 رەت كورسەتىلدى

نۇرسۇلتان نازارباەۆ بىرىككەن اراب امىرلىكتەرىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى مۇحاممەد ءال-دجابەرمەن كەزدەستى. بۇل تۋرالى ەلباسىنىڭ ءباسپاسوز قىزمەتى حابارلادى.

 

كەزدەسۋدە ەلباسى ەكىجاقتى ىنتىماقتاستىقتى نىعايتۋعا قوسقان ۇلەسى ءۇشىن قازاقستانداعى ديپلوماتيالىق ميسسياسىن اياقتاپ جاتقان مۇحاممەد ال-دجابەرگە العىسىن بءىلدىردى.

ء سىز ءبىزدىڭ ەلدە ءۇش جارىم جىل قىزمەت ەتتىڭىز. وسى ۋاقىتتا قازاقستان مەن ءباا قاتىناسى ەداۋىر نىعايا ءتۇستى. اتاپ ايتقاندا، مەملەكەتتەر اراسىندا ۆيزاسىز رەجيم ەنگىزىلدى. ءسىزءدى قازاقستاننىڭ سەنىمدى دوسى دەپ بىلەمىن. الداعى ۋاقىتتا دا جاقسى قارىم-قاتىناستا بولامىز دەگەن سەنىمدەمىن، – دەدى قازاقستاننىڭ تۇڭعىش پرەزيدەنتى.

ءوز كەزەگىندە مۇحاممەد ءال-دجابەر ەلباسىعا جانە بارشا قازاقستان حالقىنا قوناقجايلىق كورسەتىپ، جەمىستى ىنتىماقتاستىق پەن ەكى ەل اراسىنداعى قاتىناستاردى دامىتۋدا جان-جاقتى كومەك بەرگەنى ءۇشىن العىس ايتتى.

– ماعان باۋىرلاس قازاقستان رەسپۋبليكاسىندا ەلشى بولۋ مارتەبەسى بۇيىردى. ءسىز بەن ءباا باسشىلىعى اراسىندا دوستىق قارىم-قاتىناس ورناعان. مەنىڭ قازاقستانعا جانە ونىڭ حالقىنا دەگەن ىقىلاسىم ەرەكشە. ەلدەن جارقىن جانە ۇمىتىلماس اسەر الدىم. ديپلوماتيالىق قىزمەتتەگى العاشقى لاۋازىمىمدا «قازاقستان مەكتەبىنەن» وتكەنىمدى ماقتان تۇتامىن، - دەدى ءباا ەلشىسى.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار