ايماقتار • 03 ماۋسىم، 2020

نۇر-سۇلتاندا 357 وقۋشى «التىن بەلگى» يەلەندى

15 رەت كورسەتىلدى

نۇر-سۇلتاندا 6،5 مىڭنان استام تۇلەك مەكتەپ ءبىتىردى. 357 وقۋشى «التىن بەلگى» يەگەرى اتانسا، 384-ءى مەكتەپتى ۇزدىك ءبىتىردى دەپ حابارلايدى ەلوردا اكىمدىگىنىڭ رەسمي سايتى.

بۇگىن ەلوردانىڭ بارلىق مەكتەپتەرىندە تۇلەكتەرگە سەرتيفيكاتتار مەن ۇزدىك وقۋشىلارعا «التىن بەلگى» تاپسىرۋ سالتاناتى وتۋدە. العاش رەت بۇل ەكى وقيعا قاتار اتاپ وتىلۋدە. №60 مەكتەپ-ليتسەيىنىڭ ديرەكتورى ايمان دۇيسەنوۆانىڭ ايتۋىنشا، جاڭا ەرەجەلەر قاتاڭ كارانتينگە بايلانىستى قابىلدانعان.

«بۇگىن بىزدە ەرەكشە كۇن. بۇرىن ءبىز بۇكىل مەكتەپ بولىپ قاتىساتىن شاراعا قازىر كوروناۆيرۋستىڭ كەسىرىنەن بالالاردى سىنىپ بويىنشا شاقىرامىز. سوڭعى قوڭىراۋ مەن اتتەستات تاپسىرۋ شاراسىن بىرگە وتكىزەتىن بولدىق»، – دەپ ءتۇسىندىردى ا.دۇيسەنوۆا.

ءراسىم مەكتەپ اۋلالارىندا وتەدى. تازا اۋا جانە تۇلەكتەر اراسىنداعى قاشىقتىق شارانىڭ باستى تالاپتارىنىڭ ءبىرى. ءاربىر 11-ءشى سىنىپ جيىنعا كەستەگە سايكەس كەلەدى.

ء«بىرىنشى سالتاناتتى جيىن ساعات 10: 00-دە ءوتتى، سوڭعىسى شامامەن 17: 00-دە وتەدى. تۇلەكتەرمەن قاتار پرەزەنتاتسياعا ءبىر اتا-انا كەلەدى. ءار سىنىپتا ورتا ەسەپپەن 25-30 وقۋشى وقيدى. سالتاناتتى جيىن 20-30 مينۋتقا سوزىلادى»، – دەدى ليتسەي ديرەكتورى.

بيىل وسى وقۋ ورنىن 153 وقۋشى ءتامامدادى. ولاردىڭ سەگىزى «التىن بەلگى»، ەكەۋى ۇزدىك اتتەستات يەگەرى.

«مەن بۇل وقيعاعا وتە قۋانىشتىمىن. قازىر ءبىز ۇلكەن جاۋاپكەرشىلىكتى قاجەت ەتەتىن جاڭا، ەرەسەك ومىرگە قادام باسۋدامىز»، – دەيدى مەكتەپ تۇلەگى الينا پريادكو ءوز اسەرلەرىمەن ءبولىسىپ.

راسىمنەن كەيىن تۇلەكتەر اللەياسىنا اعاش وتىرعىزۋ جوسپارلانعان. بيىل قازاقستان رەسپۋبليكاسى ءبىلىم جانە عىلىم مينيسترلىگىنىڭ ۇسىنىسى بويىنشا مەكتەپ ءبىتىرۋ شارالارى «Birgemiz: تۇلەك-2020» ۇرانىمەن وتكىزىلۋدە.

ەستەرىڭىزگە سالا كەتەيىك، بيىل نۇر-سۇلتاننىڭ ورتا مەكتەپتەرىن 6515 وقۋشى ءبىتىردى. ونىڭ 699-ى ۇبت-عا قاتىسۋعا ءوتىنىش بەردى، بۇل بارلىق وقۋشى سانىنىڭ 95%-ى. 6،5 مىڭنان استام تۇلەك اتتەستات الىپ، 357 وقۋشى «التىن بەلگىگە» يە بولدى. تاعى 384-ءى مەكتەپتى ۇزدىك اتتەستاتپەن اياقتادى.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار