ەرتەڭ ساعات 10:00-دە ەل استاناسىندا مەملەكەتتىك رامىزدەر كۇنىنە ارنالعان چەللەندج وتەدى. ازاماتتار ەلدىڭ باستى ءانۇرانىن ايتىپ, ءبىر-بىرىنە جولدايدى.
مەنىڭتۋىم #مەملەكەتتىكرامىزدەر #بىزبىرگەمىز #مەنىڭەلىمقازاقستان حەشتەگتەرىن قولدانا وتىرىپ, ۆيدەولار ازاماتتاردىڭ جەكە پاراقشالارىندا, سونداي-اق الەۋمەتتىك جەلىلەردەگى مەملەكەتتىك جانە ۆەدومستۆولىق باعىنىستى مەكەمەلەردىڭ پاراقشالارىندا جاريالانادى.
بەينەروليكتەر پاتريوتتىق سەزىمدى, ەلوردا تۇرعىندارىنىڭ بىرلىگىن نىعايتۋعا ارنالعان جانە مەملەكەتتىك رامىزدەرگە قۇرمەت كورسەتۋدىڭ كورىنىسى. شاراعا ەلوردا تۇرعىندارىنىڭ بارلىعى ءۇن قوسا الادى. اكتسيا نۇر-سۇلتان قالاسىنىڭ اكىمدىگى باستاماسىمەن وتەدى.
سونداي-اق «استانا جاستارى» كمم 4 ماۋسىم كۇنى قالا كوشەلەرىمەن 20 اۆتوموبيل مەن 10 موتوتسيكل قاتىساتىن ميتينگ وتكىزۋدى جوسپارلاپ وتىر.
سونىمەن قاتار, 1 ماۋسىمنان قوعامدىق كولىكتەردە مەملەكەتتىك رامىزدەر تۋرالى بەينەماتەريال تاراتىلا باستادى. ءىرى ساۋدا ورىندارى: «ەۆرازيا», «استانالىق بازار», «ارۋجان», «جاننۋر», «گۇلجان» ساۋدا ورتالىقتارىندا حابارلاندىرۋ جاريالانعان.
4 ماۋسىم – قازاقستان رەسپۋبليكاسىنىڭ مەملەكەتتىك رامىزدەرى كۇنى. مەملەكەتتىك رامىزدەر – بۇكىل الەمدە ەلدىڭ تاۋەلسىزدىگىن, حالىقتىڭ ءپاتريوتيزمىن, باتىرلىعى مەن دانالىعىن, جارقىن بولاشاققا ۇمتىلىسىنىڭ, مەملەكەتىمىزدىڭ وتكەنى, بۇگىنى مەن بولاشاعى اراسىنداعى ساباقتاستىقتىڭ بەينەسى. وسى مەرەكەنى اتاپ ءوتۋ جانە مەملەكەتتىك رامىزدەرگە دەگەن قۇرمەتتى ارتتىرۋ ماقساتىندا نۇر-سۇلتان قالاسىندا بىرقاتار ءىس-شارالار وتكىزىلەدى.
