قازاقستان • 03 ماۋسىم، 2020

پرەزيدەنت: بايقوڭىر – بۇكىل ادامزاتتىڭ يگىلىگى

51 رەت كورسەتىلدى

مەملەكەت باسشىسى قاسىم-جومارت توقاەۆ رەسەيدىڭ «كومسومولسكايا پراۆدا» گازەتىنە بەرگەن سۇحباتىندا وسىنداي پىكىر ءبىلدىردى.

«عارىش سالاسىنداعى بىرلەسكەن ءوزارا ءىس-قيمىلدار مەن بايقوڭىر قالاسىن بىرلەسىپ دامىتۋ ءىسى – قازاقستان مەن رەسەيدىڭ كوپجاقتى ىنتىماقتاستىعىنىڭ ايقىن كورىنىسى. عارىش ايلاعىنىڭ تىرشىلىگى مەن ونىڭ ءتيىمدى دامۋ ماسەلەلەرىن ۇكىمەتارالىق كوميسسيا قاراستىرادى. اسىرەسە، بايلانىس، تەلەۆيزيا جانە عىلىمي زەرتتەۋلەر سالاسىندا قولدانىلاتىن ازاماتتىق عارىش اپپاراتتارىن قۇرۋ ماسەلەسىنە باسىمدىق بەرىلەدى. «گاگارين ستارتى» جوباسى بويىنشا بىرلەسكەن جۇمىستار اتقارىلۋدا»، - دەدى ق. توقاەۆ.

سونداي-اق مەملەكەت باسشىسى «بايقوڭىر» ەركىن ەكونوميكالىق ايماعىن قۇرۋ تۋرالى قازاقستاننىڭ باستاماسىن ەرەكشە اتاپ ءوتتى.

«عارىشقا جول اشقان وسى تاريحي الاڭدى جاڭعىرتۋعا قازاقستان، رەسەي جانە ءباا ينۆەستورلارى قاراجات سالۋعا نيەتتى. «بايتەرەك» بىرلەسكەن جوباسىنىڭ ماقساتى – ۋلى وتىنمەن ۇشىرىلاتىن «پروتون» زىمىرانىنىڭ ورنىنا ەكولوگيالىق قاۋىپسىز تاسىمالداۋشى اپپارات ۇشىرۋعا ارنالعان زىمىران-عارىشتىق كەشەنىن قۇرۋ. ەكى ەل ەكونوميكاسىنىڭ دامۋىنا ايتارلىقتاي ۇلەس قوسا الاتىن «بايقوڭىر» ەركىن ەكونوميكالىق ايماعىن قۇرۋ تۋرالى قازاقستاننىڭ باستاماسىن ەرەكشە اتاپ وتكىم كەلەدى. بيىل قازان ايىندا عارىش ايلاعىنىڭ سالىنعانىنا 65 جىل تولادى. ءبىزدىڭ ەلدەرىمىز بۇل اتاۋلى داتانى لايىقتى دارەجەدە اتاپ ءوتۋى كەرەك دەپ سانايمىن. ويتكەنى بايقوڭىر – بۇكىل ادامزاتتىڭ يگىلىگى. ونىڭ الەمدىك كوسموناۆتيكاداعى تاريحي ءرولى زور»، - دەدى پرەزيدەنت.

سوڭعى جاڭالىقتار

سەمەيگە «سەرگەك» ورناتىلادى

ايماقتار • بۇگىن، 14:56

اكىم اقىنعا قۇرمەت كورسەتتى

ايماقتار • بۇگىن، 14:52

ۇقساس جاڭالىقتار