ايماقتار • 03 ماۋسىم، 2020

ەلوردادا قاۋىپسىزدىك پەن سانيتارلىق نورمالار ساقتالىپ ءجۇر مە؟

45 رەت كورسەتىلدى

قالا اكىمىنىڭ ورىنباسارى باقتيار ماكەننىڭ توراعالىعىمەن تج ەسكەرتۋ جانە سالدارىن جويۋ بويىنشا كوميسسيانىڭ وتىرىسى ءوتىپ، وندا كوروناۆيرۋس جاعدايى مەن كارانتين رەجيمىن ساقتاۋ ماسەلەسى قارالدى.

كوميسسيا وتىرىسى بارىسىندا قالانىڭ ءىرى ساۋدا، ويىن-ساۋىق جانە فيتنەس ورتالىقتارى باسشىلارىنىڭ قاتىسۋىمەن بەينەكونفەرەنتسيا ءوتتى. كاسىپكەرلەر ءوز قىزمەتىن قايتا باستاۋعا بايلانىستى سۇراقتار قويدى.

نۇر-سۇلتان قالاسىنىڭ ينۆەستيتسيالار جانە كاسىپكەرلىكتى دامىتۋ باسقارماسىنىڭ باستىعى ەرلان بەكمۋرزاەۆ بەينەكونفەرەنتسيا بارىسىندا جۇمىسىن قايتا باستاعانىنا قاراماستان، كاسىپكەرلىك سۋبەكتىلەرى سانيتارلىق تالاپتاردى قاتاڭ ساقتاۋعا مىندەتتى ەكەنىن ەسكە سالدى.

ءوز كەزەگىندە ەلوردالىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باستىعىنىڭ ورىنباسارى ايگۇل شاعالتاەۆا ساۋدا جانە ويىن-ساۋىق ورتالىقتارى باسشىلارىنىڭ قىزمەتىن قايتا باستاۋ مۇمكىندىگى تۋرالى سۇراقتارىنا جاۋاپ بەردى. ءار كاسىپكەرگە جەكە جاۋاپ بەرىلدى.

اكىمدىكتىڭ ءموبيلدى توبى پوليتسيا جانە ەپيدەميولوگتارمەن بىرگە سانيتارلىق نورمالاردىڭ ساقتالۋى بويىنشا كۇندەلىكتى رەيد وتكىزەدى. رەيدتىك ءىس-شارالار بارىسىندا مونيتورينگ توبى 500 نىساندى تەكسەردى. كوروناۆيرۋستىڭ تارالۋىن بولدىرماۋ ءۇشىن قاتاڭ ەرەجەلەر قابىلداندى. بۇعان دەيىن 70-تەن استام نىسان سانيتارلىق نورمالارعا ساي كەلمەگەنى ءۇشىن جابىلعان بولاتىن.

وتىرىسقا قاتىسقاندار قازىرگى ۋاقىتتا قالادا كوروناۆيرۋس ينفەكتسياسىنىڭ تارالۋىنا جول بەرمەۋگە باعىتتالعان سانيتارلىق-پروفيلاكتيكالىق شارالاردىڭ جالعاسىپ جاتقانىن اتاپ ءوتتى.

نۇر-سۇلتان اكىمىنىڭ ورىنباسارى باقتيار ماكەن ازاماتتاردىڭ قاۋىپسىزدىگىن جانە سانيتارلىق-ەپيدەميولوگيالىق تالاپتاردى قاتاڭ ساقتاۋ قاجەتىنە نازار اۋداردى. سونداي-اق ول مەملەكەتتىك ورگاندارعا كۇن سايىن نىساندارعا رەيد جۇرگىزىپ، سانيتارلىق نورمالاردىڭ ساقتالۋىن تەكسەرۋدى تاپسىردى.

ەسكە سالا كەتەيىك، ەلوردادا ماسكا تاعۋ رەجيمى ساقتالادى. ادام كوپ جەرلەردە، اۆتوبۋستاردا، دۇكەندەردە جانە باسقا قوعامدىق ورىنداردا ماسكا كيىپ، قاشىقتىق ساقتاپ، انتيسەپتيك قولدانۋ كەرەك. قاتاڭ سانيتارلىق-ەپيدەميولوگيالىق تالاپتاردى ساقتاماعان جاعدايدا قالا بۇرىنعى قاتاڭ كارانتيندىك رەجيمگە ورالۋعا ءماجبۇر بولادى.

سوڭعى جاڭالىقتار

ەلگە كەرەك ەكى كىتاپ

رۋحانيات • بۇگىن، 08:52

«عارىشقا اپارار جول»

رۋحانيات • بۇگىن، 08:50

العاشقى عارىش ايلاعى

وقيعا • بۇگىن، 08:48

تاريحي جەرلەردىڭ تاعىلىمى بولەك

رۋحانيات • بۇگىن، 08:30

شيرەك فينالدا ءسۇرىندى

تەننيس • بۇگىن، 08:11

ەل-كلاسيكودا جەڭىسكە جەتتى

فۋتبول • بۇگىن، 08:06

رۋحى بيىك ەل ەشقاشان جەڭىلمەيدى

رۋحانيات • بۇگىن، 08:05

يزرايلدەن باسىم ءتۇستى

سپورت • بۇگىن، 08:04

عىلىمنىڭ جاڭا بەلەسى

عىلىم • بۇگىن، 08:01

ۇقساس جاڭالىقتار