ايماقتار • 03 ماۋسىم، 2020

جاس تىلشىلەر بايقاۋى مارەسىنە جەتتى

186 رەت كورسەتىلدى

ءال-فارابي اتىنداعى قازاق ۇلتتىق ۋنيۆەرسيتەتى جۋرناليستيكا فاكۋلتەتى ءباسپاسوز جانە ەلەكتروندى باق كافەدراسىنىڭ  ءداستۇرلى XLV «جاس تىلشىلەر» ونلاين فورۋمى ءوتتى.  ءۇش كۇندىك فورۋم اياسىندا جاس تىلشىلەرگە ارنالعان «جۋرناليستيكا نەگىزدەرى» كۋرسى بويىنشا ونلاين شەبەرلىك سىنىپتارى ءوتىپ،  رەسپۋبليكالىق مەكتەپ وقۋشىلارى  اراسىندا جاريالانعان  «جۋرناليست بولعىڭ كەلە مە؟» شىعارماشىلىق بايقاۋىنىڭ جەڭىمپازدارى ماراپاتتالدى.

بيىلعى بايقاۋدىڭ ەرەكشەلىگى جۇمىستار ەلەكتروندى تۇردە قابىلدانىپ، ناتيجەسى ونلاين فورماتتا تانىستىرىلدى.   بايقاۋعا كەلىپ تۇسكەن جۇزگە جۋىق شىعارمالار مەن ەسسەلەردىڭ جەڭىمپازدارى «اباي - الەمدىك مادەنيەتتىڭ تۇلعاسى»، « ۇلى دالانىڭ جەتى قىرى»، ء«ال-فارابي مۇراسى - اقىل ويدىڭ مارجانى»، « ۇلى جەڭىسكە تاعزىم، «گازەت، الدە ينتەرنەت؟»، «كوسەمسوز قۇدىرەتى»، «مۋلتيمەديا ءجۋرناليسىنىڭ ءبىر كۇنى» نوميناتسيالارى بويىنشا ءى، ءىى، ءىىى دارەجەلى ديپلومدارمەن ماراپتتالىپ، كىتاپتار سىيعا تارتۋ ەتىلدى.

ەلىمىزدىڭ بارلىق وڭىرلەرىنەن  جۋرناليست ماماندىعىن تاڭداعان تالاپكەرلەر «جاس تىلشىلەر فورۋمى» اياسىندا وتەتىن شىعارمالار، ەسسەلەر، فوتو، اۋديو، ۆيدەوماتەريالدار مەن  گرافيكالىق تۋىندىلارىن بايقاۋعا جىبەرۋگە اسىعادى.  تالاپكەرلەردىڭ شىعارماشىلىق الەۋەتىن سىنايتىن بۇل بايقاۋدىڭ ءوز تاريحى، ءداستۇرى بار. وسىدان 45 جىل بۇرىن 1975 جىلىنىڭ مامىر ايىندا العاش رەت  رەسپۋبليكالىق «جاس تىلشىلەر» سلەتى ورتالىق كومسومول كوميتەتىنىڭ ۇيىمداستىرۋىمەن ءوتتى. سول جىلدارى قازاقستان رەسپۋبليكاسىنىڭ ورتالىق پارتيا كوميتەتىنىڭ ناسيحات جانە ۇگىت ءبولىمىنىڭ باسشىسى ق. سۇلتانوۆ بولاتىن. بۇل شارانىڭ باستاۋىنا و. سۇلەيمەنوۆ، ف. وڭعارسىنوۆا، د. ستامبەكوۆ، ش. سماحان ۇلى سياقتى تانىمال اقىن-جازۋشىلار اتسالىسقان. تەك سوڭعى ون سەگىز جىلدا  «جاس تىلشىلەر فورۋمى» جاڭا فورماتتا، زاماناۋي ۇلگىدە ۇيىمداستىرىلىپ، اۋقىمى مەن سالماعى  ارتا ءتۇستى.

باعدارلاما اياسىندا «ۇلان»، «درۋجنىە رەبياتا» بالالار باسىلىمدارى جۋرناليستەرى،  «Egemen Qazaqstan»، «قازاق گازەتتەرى» جشس،  «قازاقپارات» اق، «قازاق راديولارى» جشس، «حابار» اق، «Qazaqstan»  ۇلتتىق ارناسى تىلشىلەرى مەن رەپورتەرلارىنىڭ ونلاين شەبەرلىك سىنىپتارى ءوتتى.

ۇزدىك تانىلعان جاس تىلشىلەر اراسىندا باۋىرجان مومىش ۇلى اتىنداعى الماتى رەسپۋبليكالىق «جاس ۇلان» مەكتەبىنىڭ 10 سىنىپ وقۋشىسى. ءدىنيسلام ەگامبەرديەۆ، الماتى قالاسى نازارباەۆ زياتكەرلىك مەكتەبى 12-سىنىپ وقۋشىسى  مۇرات قىمبات ارمانقىزى،  اباي اتىنداعى رەسپۋبليكالىق مامانداندىرىلعان دارىندى بالالارعا ارنالعان قازاق ءتىلى مەن ادەبيەتىن تەرەڭدەتە وقىتاتىن ورتا مەكتەپ-ينتەرناتىنىڭ 10-سىنىپ وقۋشىسى ابدىبەك نۇراي، قاسكەلەڭ قالاسى، الماتى وبلىسى  اباي اتىنداعى ورتا مەكتەپ-گيمنازياسىنىڭ 11-سىنىپ وقۋشىسى ايسۇلۋ سەزحان، اتىراۋ وبىلىسى، ساعىز سەلوسى ساعىز ورتا مەكتەبىنىڭ 11- سىنىپ وقۋشىسى ارالباي كامشات جانىبەكقىزى، پاۆلودار وبلىسى باياناۋىل اۋدانى، مۇسا شورمان اۋىلى، «اكادەميك قانىش ساتباەۆ اتىنداعى مەكتەپ-بالاباقشا وقۋ-تاربيە كەشەنى» كوممۋنالدىق مەملەكەتتىك مەكەمەسى 10  سىنىپ وقۋشىسى اۋعالي مەرەي ارداققىزى، تۇركىستان وبلىسى، سارىاعاش اۋدانى، №53  م. عابدۋللين اتىنداعى جالپى ورتا مەكتەبىنىڭ 11-سىنىپ وقۋشىسى، ماليكاجداروۆا التىناي باۋىرجانقىزى، احمەت جۇبانوۆ اتىنداعى دارىندى بالالارعا ارنالاعان رەسپۋبلكيالىق مەكتەپ-ينتەرناتتىڭ 12-سىنىپ وقۋشىسى ءسۇنادىللا نۇرسۇلتان مەيىربەك ۇلى سياقتى بايگەدەن وزىپ شىققان دارىندى ورەندەردىڭ شىعارماشىلىقتارى ەرەكشە اتاۋعا تۇرارلىق. 

جەڭىمپازداردىڭ ءبىرى التىناي ماليكاجداروۆا: «وسىدان ءبىر جىل بۇرىن قازۇۋ-دا توسبەلگىمدى تاعىپ، قۋانىشتى كوڭىل-كۇيمەن سۇيىكتى ۇستازدارىمنىڭ باتاسىن الىپ قايتقان بولاتىنمىن. بيىل سول ۇستازدارىممەن ونلاين جۇزدەسۋ بۇيىرعان ەكەن.  بۇل جولى دا مىنبەرىمنەن تايماي، ءوز ورنىمدى ساقتاپ قالدىم ءى ورىن! ەڭ باستىسى، ورىنعا ىلىگۋ ەمەس، ۇستازدارىممەن، قۇربىلارىممەن قاۋىشۋ بولاتىن.  بۇيىرعان كەتپەيدى، اسىققان جەتپەيدى دەگەن وسى بولار بəلكىم»، - دەپ جازدى الەۋمەتتىك جەلىدەگى پاراقشاسىندا.  

بيىلعى جىلى تالاپكەرلەرگە «جۋرناليستيكا» ماماندىعىمەن قاتار جوعارى بىلىممەن سوڭ ماگيسترلىك «Data  جۋرناليستيكا»،   «بيزنەس كوممۋنيكاتسيا»، «مەديا جانە كوممۋنيكاتسيالار» PhD باعىتىتارىندا باعدارلامالارى بويىنشا ءبىلىم الۋعا مۇمكىندىكتەرى بار.

سوڭعى جاڭالىقتار

مۇحتار شاحانوۆ اۋىرىپ جاتىر

قازاقستان • بۇگىن، 11:56

قحل اڭىزدارىنىڭ قاتارىندا

حوككەي • بۇگىن، 07:56

«اباي اندەرى» اسقاقتايدى

اباي • بۇگىن، 07:46

وڭىرلەردەگى جاعداي باقىلاۋدا

ۇكىمەت • بۇگىن، 07:37

قوعامدا سەنىم پايدا بولدى

قوعام • بۇگىن، 07:16

قاجەت سوزدەر ۋاقىتىندا ايتىلدى

رۋحانيات • بۇگىن، 07:10

ءموبيلدى توپ باقىلايدى

ايماقتار • بۇگىن، 07:03

ۇپايدان شاشاۋ شىقپايدى

تەننيس • بۇگىن، 07:01

كوڭىلگە مەدەۋ بولعان ۇندەۋ

قوعام • بۇگىن، 06:59

انتيبيوتيك كەرى اسەر ەتۋى مۇمكىن

مەديتسينا • بۇگىن، 06:57

COVID-19: كۇرەس شارالارىنا قارجى ءبولىندى

كوروناۆيرۋس • بۇگىن، 06:45

بەيقامدىقتان ارىلار ەمەس

قوعام • بۇگىن، 06:39

ءوندىرىس كولەمىن 5 ەسەگە ارتتىردى

تەحنولوگيا • بۇگىن، 06:36

ەرەكشە دارىن يەسى ەدى

رۋحانيات • بۇگىن، 06:35

ساقتىقتا قورلىق جوق

كوروناۆيرۋس • بۇگىن، 06:30

ۇقساس جاڭالىقتار