ءبىز پرەزيدەنتتىڭ قازىرگى تاڭدا دارىگەرلىك مىندەتتەردى تيىسىنشە ورىنداماۋ تۋرالى ۇعىمدى زاڭ جۇزىندە جانە ناقتى اجىراتۋ قاجەتتىلىگى تۋرالى ايتقان ءسوزىن تولىق قولدايمىز. پرەزيدەنت عىلىمدى دامىتۋعا ۇلكەن كوڭىل بولۋدە. ۇكىمەتتىڭ ىرگەلى عىلىم مەن زەرتتەۋ ينستيتۋتتارىن بازالىق قارجىلاندىرۋ كولەمىن ۇلعايتۋ مۇمكىندىگىن قاراستىرۋ كەرەكتىگىن اتاپ ءوتتى. ايتا كەتەيىك, قازاق ونكولوگيا جانە راديولوگيا عزي-دا كلينيكالىق جانە عىلىمي-زەرتتەۋلەردى ساپالى جۇرگىزۋ ءۇشىن قارجىلاندىرۋدى دا, ماتەريالدىق-تەحنيكالىق بازامەن جابدىقتاۋدى دا تالاپ ەتەتىن كلينيكالىق زەرتتەۋلەر جۇرگىزىلەدى. سونىمەن قاتار ونكولوگيالىق اۋرۋلاردىڭ الدىن الۋ مەن ەرتە اسقىندىرماي دياگنوستيكالاۋعا ۇلكەن كوڭىل ءبولىنىپ وتىرعانىن اتاپ وتكىم كەلەدى. ماسەلەن, قازاقستان حالقى ءۇشىن ەمحانالاردا ونكوسكرينينگتەر ءسۇت بەزى وبىرىنا, كولورەكتالدى وبىرعا جانە جاتىر موينى وبىرىنا تەگىن جۇرگىزىلەدى. جىل سايىن مەملەكەتتىك بيۋدجەتتەن سكرينينگتەر جۇرگىزۋگە 4 ملرد تەڭگە بولىنەدى. قازىرگى تاڭدا, COVID-19-عا قاتىستى جاعدايدى ەسكەرە وتىرىپ, ءاربىر ادام سانيتارلىق-ەپيدەميالىق نورمالار مەن جەكە گيگيەنانىڭ ماڭىزى مەن ساقتالۋىن ءتۇسىنۋى ءتيىس.
قازوجرعزي-دا ءبىزدىڭ ماماندارىمىزدىڭ بىلىكتىلىگىن ارتتىرۋدا جۇيەلى تۇردە جۇمىستار جۇرگىزىلەدى. مىسالى, وقىتۋ كونفەرەنتسيالارى, ماستەر-كلاستار, شەتەلدىك ماماندارمەن بىرلەسكەن تۋموربوردتار. سوندىقتان پرەزيدەنتتىڭ جوعارى بىلىكتى ماماندارعا كوپ كوڭىل بولگەنى قۋانتا-
دى.
قازوجرعزي ۇجىمى مەملەكەت باسشىسىنىڭ بارلىق باستامالارىن قولدايدى جانە وتاندىق مەديتسينانىڭ جاڭا, ساپالى دەڭگەيىن كوتەرۋ ءۇشىن قولىنان كەلگەننىڭ ءبارىن جاسايدى.
ديليارا قايداروۆا,
قازاق ونكولوگيا جانە راديولوگيا عىلىمي-زەرتتەۋ ينستيتۋتىنىڭ باسقارما ءتورايىمى,
ۇعا اكادەميگى
الماتى
