ايماقتار • 02 ماۋسىم، 2020

ەلوردادا بالالارعا ارنالعان ويىن-ساۋىق باعدارلاماسى ۇيىمداستىرىلدى

8 رەت كورسەتىلدى

بالالاردى قورعاۋ كۇنىنە وراي «مەيىرىمدىلىك پەن قۋانىش كۇلكىسى» اكتسياسى ءوتتى دەپ حابارلايدى ەلوردا اكىمدىگىنىڭ رەسمي سايتى.

1 ماۋسىم كۇنى ەلوردادا 40-تان استام اۋلادا قالالىق اكىمدىك، پوليتسيا دەپارتامەنتى، ەۋرازيالىق يۆەنت قاۋىمداستىعىمەن جانە بالالار مەرەكەسى اگەنتتىكتەرىنىڭ ۇيىتقى بولۋىمەن، ينتەراكتيۆتى مۋزىكالىق-ويىن-ساۋىق باعدارلامالار ۇيىمداستىرىلدى.

«ۆيرۋسقا قاتىستى جاعداي ادەتتەگى مەرەكەلىك جوسپاردى بۇزدى. كوپتەگەن سىن-قاتەر مەن شەكتەۋلەرگە الىپ كەلدى. الايدا ءبىز بارلىق سانيتارلىق نورمانى ساقتاي وتىرىپ، شىعارماشىلىق كوزقاراسپەن، جاسامپازدىقپەن، بالالارعا مەرەكە ۇيىمداستىرىپ، ويىن-ساۋىق پەن قاۋىپسىزدىك ساباقتارىن وتكىزۋدى شەشتىك»، – دەيدى ۇيىمداستىرۋشىلار «Elorda Aqparat» رەسۋرسىندا.

يۋۆەنالدىق پوليتسيا ينسپەكتورى، پوليتسيا كاپيتانى ايگەرىم ەسىمسەيىتوۆا انيماتورلار مەن پوليتسەيلەردىڭ ءتۇسىندىرۋ جۇرگىزگەنىن ايتتى.

«بالالار ۇزاق ۋاقىت بويى كارانتيندە وتىرعاندىقتان، انيماتورلارمەن بىرگە ولاردىڭ كوڭىل-كۇيىن كوتەرۋدى ءجون دەپ شەشتىك. باعدارلاما بارىسىندا ءبىز بالالارعا ماسكا تاعىپ ءجۇرۋ رەجيمىن ساقتاۋ مەن ساقتىق شارالارى بويىنشا (تەرەزەلەر جايلى) ءتۇسىندىرۋ جۇرگىزدىك. ودان بولەك جول قوزعالىسى ەرەجەلەرىن ساقتاۋدى تۇسىندىردىك. قازىر جاعاجاي ماۋسىمى باستالعاندىقتان، ءبىز بالالارعا بەلگىلەنبەگەن جەرلەردە سۋعا تۇسپەۋىن، ساقتىق شارالارىن ساقتاۋىن ۇعىندىردىق. بالالار ۇيدە وتىرىپ، سىرىڭكەمەن ويناماۋى كەرەگىن تۇسىندىردىك. بۇل اكتسيا قالانىڭ بارلىق اۋداندارىندا وتەدى»، – دەيدى ينسپەكتور.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار