اتاپ ايتقاندا, «قازاقستان اكۆاكۋلتۋرا لتد» جشس ارال اۋدانىندا جىلىنا 4 مىڭ توننا بالىق وڭدەيتىن زاۋىت ىسكە قوسۋدى جوسپارلاپ وتىر. جوبانىڭ قۇنى 160 ملن تەڭگە. ءوندىرىس ورنىندا 100 جاڭا جۇمىس ورنىن قۇرۋ قاراستىرىلعان.
«قارماقشى قۇس» سەرىكتەستىگىنىڭ جىلىنا 1500 توننا قۇس ەتىن وندىرەتىن قۇس فابريكاسى دا ءىرى جوبالاردىڭ ءبىرى. قارماقشى اۋدانىنداعى فابريكانىڭ قۇنى 1,9 ملرد تەڭگە, وندىرىستە شامامەن 50 ادام جۇمىسپەن قامتىلادى.
ءۇشىنشى جوبا-قىزىلوردا قالاسىندا تاباقشا شىنى وندىرەتىن زاۋىت قۇرىلىسى. جوبانى «Orda Glass» جشس جۇزەگە اسىرادى. جىلدىق قۋاتى -197,1 مىڭ توننا. ال, قۇنى 42,1 ملرد تەڭگە. زاۋىت ىسكە قوسىلعان ۋاقىتتا 226 ادامدى جۇمىسپەن قامتاماسىز ەتۋگە مۇمكىندىك بەرەدى.
سونىمەن قاتار, ارال اۋدانىندا «Qazaq Camel» جشس تۇيە سۇتىنەن جىلىنا 130 تونناعا دەيىن قۇرعاق ۇنتاق وندىرەتىن جوبانى ىسكە اسىرۋدى باستادى. قۇنى 1,5 ملرد تەڭگە بولاتىن زاۋىتتا 150 ادام جۇمىس ىستەيدى دەپ جوسپارلانعان.
وسى اۋدانداعى «ارال سودا» جشس جىلىنا 120 مىڭ توننا اس تۇزىن وندىرەتىن جاڭا يسپاندىق تسەح سالۋدى باستادى. ءوندىرىس ىسكە قوسىلعاندا تاعى جۇزدەگەن ادام جۇمىسپەن قامتىلادى.
سەرىكتەستىك ەكىنشى جارتىجىلدىقتا 300 مىڭ توننا كالتسيلەنگەن سودا وندىرەتىن زاۋىت قۇرىلىسىن باستاۋعا بەل بۋىپ وتىر. 93,5 ملرد تەڭگەلىك جوبا 699 جاڭا جۇمىس ورنىن اشۋعا سەپ بولماق.
«ABK Prom Service» جشس قىزىلوردا قالاسىندا جوعارى قىسىمدى شىنى پلاستيك جەلىلىك جانە سورعى-كومپرەسسورلىق قۇبىرلاردى وندىرەتىن زاۋىت سالۋدى باستايدى.
قىزىلوردا وبلىسى
