قازاقستان • 02 ماۋسىم، 2020

ۇبت وتكىزىلەتىن پۋنكتتەرگە اتا-انالار بارماي ما؟

168 رەت كورسەتىلدى

اتا-انالارعا جانە تۇلەكتەردى الىپ ءجۇرۋشى باسقا تۇلعالارعا بالالاردى ۇبت وتكىزۋ پۋنكتتەرىندە كۇتۋگە تىيىم سالىنادى. بۇل تۋرالى مينيستر اسحات ايماعامبەتوۆ ۇكىمەت وتىرىسىندا ايتتى.

«اتا-انالارعا جانە تۇلەكتەردى الىپ ءجۇرۋشى باسقا تۇلعالارعا بالالاردى ۇبت وتكىزۋ پۋنكتتەرىندە كۇتۋگە تىيىم سالىنادى. اتا-انالارعا ۇبت ءوتۋ بارىسىن سول جەرگە كەلمەي-اق ۇيىندە وتىرىپ كورۋ ءۇشىن ونلاين كورسەتىلىمدى ۇيىمداستىرامىز. ۇبت وتكىزۋ پۋنكتتەرى توسقاۋىل تاسپالارىمەن جابدىقتالادى. ۇبت وتكىزۋ پۋنكتتەرىنە كىرۋ تارتىبىندە تەستىلەۋشىلەردىڭ اراسىندا 2 مەتر قاشىقتىقتىڭ ساقتالۋى قامتاماسىز ەتىلەدى. بۇل 2 مەتر اراقاشىقتىق ۇبت تاپسىراتىن اۋديتوريا ىشىندە دە ساقتالادى»، - دەدى مينيستر.

كوروناۆيرۋستىڭ تارالۋ قاۋپىن ازايتۋعا ارنالعان قوسىمشا تاعى 5 ساقتىق شاراسى قولدانىلادى.

«بىرىنشىدەن - تەست تاپسىرۋشىلاردى زالاسىزداندىرۋ تۋننەلدەرىنەن وتكىزۋ. ەكىنشىدەن - اياق كيىمدەردى ارنايى زالاسىزداندىرۋ كىلەمشەلەرىمەن وڭدەۋ. ءۇشىنشى - ەدەندى سانيتايزەرلەرمەن زالاسىزداندىرۋ. ءتورتىنشى - ءار تالاپكەردىڭ دەنە قىزۋىن ولشەۋ. بەسىنشى - ءبىر جولعى قولدانىلاتىن جاڭا ماسكالار بەرۋ. جالپى، باس سانيتارلىق دارىگەرمەن كەلىسىلگەن قاتاڭ سانيتارلىق تالاپتار بارلىق جەرلەردە ساقتالاتىن بولادى»، - دەدى اسحات ايماعامبەتوۆ.

سونداي-اق مينيستر ۇلتتىق بىرىڭعاي تەستىلەۋ وتكىزۋ كەزىندە ءتۇرلى گادجەتتەردى، بايلانىس قۇرالدارىن، شپارگالكالاردى، ادەبيەتتەردى كىرگىزۋگە تىيىم سالىناتىنىن ايتتى.

سوڭعى جاڭالىقتار

«جىرى» بىتپەيتىن جول

قوعام • بۇگىن، 06:48

اكىمدەر ءھام الەۋمەتتىك جەلى

ساياسات • بۇگىن، 06:40

قالدىق نەگە قاجەتسىز؟

ەكولوگيا • بۇگىن، 06:36

ۇقساس جاڭالىقتار