راسىندا دا ادامزات تاريحىندا بىردە-ءبىر مەملەكەت ءوز حالقىنا ءدال كەڭەس وداعىنداي ز ۇلىمدىق جاساماعان بولار. پرەزيدەنتىمىز ءوز ۇندەۋىندە «حح عاسىردىڭ 20-50 جىلدارىنداعى ساياسي قۋعىن-سۇرگىن زوبالاڭى – حالقىمىزدىڭ تاريحىنداعى قاسىرەتتى كەزەڭ» ەكەندىگىن ايتا وتىرىپ, ءبىزدىڭ ەلىمىز بويىنشا عانا 100 مىڭعا جۋىق ازاماتىمىز قۋعىن-سۇرگىنگە ۇشىراپ, سونىڭ 20 مىڭنان استامى اتىلعاندىعىن جانە دە كەڭەس زامانىندا ءومىر سۇرگەن حالىقتارعا «ۇلكەن تەرروردىڭ» وراسان زور قاسىرەت اكەلگەنىن, زۇلمات جىلداردا قازاقستانعا كسرو-نىڭ تۇكپىر-تۇكپىرىنەن بەس ميلليوننان استام ادام جەر اۋدارىلعاندىعىن اتاپ كورسەتىپتى. سول قيىن دا قاسىرەتتى كەزەڭدە ءبىزدىڭ حالقىمىز كەز كەلگەن ۇلتتىڭ بالاسىن باۋىرىنا باستى. وزدەرى جارىماي وتىرسا دا, قۇرت-مايىمەن, باۋىرساعىمەن ءبولىستى, تورىنە وتىرعىزدى. قازاقتاردىڭ سول مارتتىگى, سول ادالدىقتارى, سول دارحاندىقتارى, ادامزات تاريحىنىڭ التىن بەتتەرىنە التىن ارىپتەرمەن جازىلعانى دا ابزال بولار ەدى. ەلوردادا وتكەن ءبىر جيىندا «ەگەر دە الەم بويىنشا ادال دا ءتوزىمدى ءبىر حالىققا نوبەل سىيلىعى بەرىلەتىن بولسا, وعان تەك مەنىڭ قازاق دەگەن حالقىم عانا لايىقتى» دەپ ايتقان دا بولاتىنمىن!
شۇكىر, ءتاۋبا دەيمىز! «كەڭ بولساڭ كەم بولمايسىڭ» دەگەن اتا-بابا كوڭىل-نيەتىمەن ءومىر سۇرە ءجۇرىپ, تاۋەلسىز ەل بولدىق! تاعى دا سول كەڭدىگىمىزگە باعىپ, قازاقستاندى مەكەندەپ وتىرعان بارلىق دياسپوراعا جاعداي جاساپ وتىرمىز. ەلدىڭ بىرلىگىن, ىنتىماعىن ويلاپ, سونى بارىنەن دە بيىك قويامىز. مەملەكەت باسشىسى قاسىم-جومارت توقاەۆ ءوز ۇندەۋىندە بىلاي دەيدى: «توتاليتاريزمنەن زارداپ شەككەن كوپتەگەن ۇلت وكىلدەرى ءۇشىن قازاق جەرى قۇتتى مەكەنگە اينالدى. اتا-بابالارىمىزدان دارىعان قايسارلىق پەن توزىمدىلىكتىڭ ارقاسىندا قاتاڭ سىننان ابىرويمەن ءوتىپ, ءبىرتۇتاس ۇلت رەتىندە بىرىگۋگە مۇمكىندىك الدىق!».
مەملەكەت باسشىسىنىڭ ۇندەۋىندە «بۇگىندە رەسپۋبليكا وڭىرلەرىندە «قازاق حالقىنا – مىڭ العىس» مونۋمەنتتەرى ورناتىلعان. بۇل – قازاق جۇرتىنىڭ اق پەيىلى مەن دانالىعىنا دەگەن شەكسىز ريزاشىلىقتىڭ بەلگىسى» دەگەن جولدار بار. جانە دە پرەزيدەنتىمىزدىڭ «تاريحي ادىلدىكتى قالپىنا كەلتىرۋ جۇمىستارىن اياقتاپ, ساياسي قۋعىن-سۇرگىن قۇرباندارىن اقتاۋ ءۇشىن ارنايى مەملەكەتتىك كوميسسيا قۇرۋدى تاپسىردىم» دەپ وتىرعاندىعى وسى ماسەلەنى تولىق جەرىنە جەتكىزۋدى ماقسات ەتكەنى دە بولار دەپ ويلايمىز.
قازاق حالقىنىڭ قاسىرەتتى كەزەڭىنىڭ ءالى دە اقتاڭداق بەتتەرى كوپ. ءالى كۇنگە دەيىن كامپەسكە, ياعني قازاق بايلارى مەن اۋقاتتىلارىن كامپەسكەلەۋ تاريحى تولىق زەرتتەلگەن جوق. اشتىق وسى كامپەسكەلەۋدەن باستالعانى انىق.
ء«بىز جازىقسىز جازالانعانداردىڭ ارقايسىسىن ەستە ساقتاۋ ارقىلى عانا كەمەل كەلەشەككە جول اشامىز. بولاشاقتىڭ بەرىك نەگىزى تاۋەلسىزدىكتەن باستاۋ الادى», دەگەن قاسىم-جومارت توقاەۆتىڭ ۇندەۋ سوزىندە ايتىلعان قاعيدانى ءاردايىم جادىمىزدا ۇستاۋ ارقىلى كەلەر كۇندەرىمىز بەن كەلەر ۇرپاعىمىزدى زاڭسىزدىقپەن جاسالعان سۇرگىندەردەن امان ساقتاپ تۇرارىمىز بار. ساياسي قۋعىن-سۇرگىننىڭ قاسىرەتتى زاردابىن تارتقان ۇرپاقپىز ءبىز دە! ەندى سول زۇلماتتار قايتالانباسىن! ەلدىڭ بىرلىگى مەن ىنتىماعىن ساقتاۋ ارقىلى وركەندەۋگە جازسىن!
جابال ەرعاليەۆ,
قازاقستاننىڭ ەڭبەك سىڭىرگەن قايراتكەرى, سەناتورلار كەڭەسىنىڭ مۇشەسى
