مەملەكەتتىك قارجى جونىندەگى قوعامدىق كەڭەستىڭ وتىرىسى ءوتتى

ناتيجەلەر تۋرالى قارجى ءبىرىنشى ۆيتسە-ءمينيسترى بەرىك شولپانقۇلوۆ باياندادى.

جالپى, بەرىك شولپانقۇل ۇلى مينيسترلىكتىڭ قۇرىلىمى مەن شتات سانىن وڭتايلاندىرۋ, جەكەشەلەندىرۋ, بيزنەس-ۇدەرىستەردى تسيفرلاندىرۋ, 2350 اۋىلدىق وكرۋگكە بيۋدجەتتىڭ 4-ءشى دەڭگەيىن ەنگىزۋ, سالىقتىق-كەدەندىك اكىمشىلەندىرۋ جانە ت. ب. بويىنشا جۇرگىزىلىپ جاتقان جۇمىستار تۋرالى حابارلادى.

ءداستۇرلى تۇردە مەملەكەتتىك ساتىپ الۋ, ىشكى مەملەكەتتىك اۋديت سالاسىنداعى جەتىلدىرۋ مەن جەتىستىكتەر تۋرالى اتاپ ءوتىلدى.

وسىلايشا, مەملەكەتتىك ساتىپ الۋدا ەلەكتروندىق دۇكەن, ەلەكتروندىق دەپوزيتاري جانە مودەراتورلىق ينستيتۋت ەنگىزىلەتىن بولادى.

بۇل ءبىر كوزدەن ساتىپ الۋدى قىسقارتۋعا, تاۋارلاردى 1 كۇن ىشىندە باسەكەلەستىك نەگىزدە ساتىپ الۋعا, وتىنىمدەردى قاراۋ جانە زاڭدى شەشىم قابىلداۋ مەرزىمىن قىسقارتۋعا مۇمكىندىك بەرەدى.

سىبايلاس جەمقورلىق تاۋەكەلدەرىن تومەندەتۋ جانە مەملەكەتتىك ساتىپ الۋ پروتسەسىنە ادام قاتىسۋدى تولىق جويۋ ءۇشىن رەيتينگتىك-باللدىق جۇيەنى ەنگىزۋ ۇسىنىلادى. ۆەب-پورتال اۆتوماتتى تۇردە ءونىم بەرۋشىلەرگە بالل سانى بويىنشا رەيتينگ بەرەدى, باعا جانە ساپالىق ولشەمشارتتاردى ەسكەرە وتىرىپ, كونكۋرس جەڭىمپازىن انىقتايدى.

مەملەكەتتىك قىزمەت كورسەتۋ شەڭبەرىندە 50 مەملەكەتتىك قىزمەت كورسەتۋدىڭ 42-سى نەمەسە 84%-ىاۆتوماتتاندىرىلدى. 2019 جىلى جانە اعىمداعى جىلدىڭ 4 ايىندا 30,7 ملن. مەملەكەتتىك قىزمەت, ونىڭ 91% استامى ەلەكتروندىق تۇردە كورسەتىلدى.

قارجى ءبىرىنشى ۆيتسە-ءمينيسترى ستراتەگيالىق جوسپاردىڭ ماقساتتارىنا قول جەتكىزۋ جانە بيۋدجەتتىك باعدارلامالاردى يگەرۋ جوعارى دارەجەدەگى تيىمدىلىكپەن (100-دەن 94,9 بالل) بايقالاتىنىن حابارلادى.

سالىقتىق-كەدەندىك اكىمشىلەندىرۋ بولىگىندە سالىقتىق باقىلاۋ ءۇشىن سۋبەكتىلەردى نۇكتەلى ىرىكتەۋگە مۇمكىندىك بەرەتىن تبج تۇراقتى جەتىلدىرىلەدى.

بۇل شارالار سالىقتىق تەكسەرىستەردى 29% - عا قىسقارتتى.

بۇل رەتتە, انىقتالعان بۇزۋشىلىقتاردىڭ سوماسى 2 ەسەگە ارتتى - 344 ملرد.تەڭگە.

تۇسىمدەردىڭ 36%-عا نەمەسە 323 ملرد. تەڭگەگە وسۋى قامتاماسىز ەتىلدى.

سونداي-اق, تاۋارلاردى تازالاۋ كەزەڭىندە كەدەندىك تبج تيىمدىلىگى 18%-عا (78%-عا دەيىن) جانە كەدەندىك تەكسەرۋ كەزەڭىندە 26%-عا (49%-عا دەيىن) وستى, ولار كەدەندىك زاڭنامانى 80 مىڭنان استام بۇزۋشىلىقتى انىقتاۋعا مۇمكىندىك بەردى.

قارجى مونيتورينگى جانە ىشكى مەملەكەتتىك اۋديت كوميتەتتەرى قىزمەتىنىڭ قورىتىندىلارى بويىنشا قوعامدىق كەڭەس مۇشەلەرى وڭ پىكىر بەردى.

جالپى, مينيسترلىكتىڭ جۇمىسى ەكونوميكانىڭ تۇراقتى دامۋى بويىنشا ستراتەگيالىق مىندەتتەردى ىسكە اسىرۋعا, سونداي-اق قازاقستاندىقتاردىڭ ناقتى ءال-اۋقاتىن ارتتىرۋعا باعىتتالعان.