بۇدان بولەك, كەنتتەگى دۇكەن ۇستايتىن جەكە كاسىپكەرلەر, اتاپ ايتقاندا قارتايعان بالابەكوۆ, ميناش ءاشىموۆا, كلارا ابەۋوۆا, ۇلتۋسىن تۋرابەكوۆا, قارلىعاش توقاباەۆا, التىن امانباەۆا, «ايدىن» شارۋا قوجالىعىنىڭ باسشىسى اينۇر تۋرابەكوۆا جانە اكىمدىك قىزمەتكەرلەرى دە ورتاق ىسكە ءوز ۇلەستەرىن قوسىپ, مۇقتاجدىعى بار توعىز وتباسىنا ازىق-ت ۇلىك سەبەتتەرىن تابىس ەتتى.
سونىمەن قاتار, اۋىل جاستارى, ەرىكتىلەر توبىنىڭ باستاماسىمەن ءىرى قارا مال سويىلىپ, ونىڭ ەتى تۇرمىسى تومەن وتباسىلارعا تاراتىلىپ بەرىلدى. بۇعان قوسا, بەلسەندى توپ وكىلدەرى جيناعان 750 مىڭ تەڭگە قاراجات پەن ازىق-ت ۇلىك سەبەتتەرى الەۋمەتتىك تۇرعىدا از قامتىلعان وتباسىلارعا ۇلەستىرىلدى.
«باپى ماينينگ» كومپانياسىنىڭ كەنتتەگى تەرمينالىنىڭ قىزمەتكەرلەرى دە قايىرىمدىلىق ءىس-شاراسىنان تىس قالماي, اۋىلدىڭ بەس وتباسىنا ازىق-ت ۇلىك تولى سەبەتتەر تاراتتى.
مويىنتى كەنتىنىڭ اكىمى ساياحات تۋرابەكوۆ ء«بىز بىرگەمىز!» اكتسياسىنىڭ اياسىندا اۋىزبىرشىلىك تانىتىپ, يگى باستامانى شىن نيەتپەن قولداعان اۋىل حالقىنىڭ ۇيىمشىلدىعىن اتاپ ءوتتى.
«قازىرگى تاڭدا مويىنتى كەنتىندە كوشەلەردى اباتتاندىرۋ جانە جارىقتاندىرۋ بويىنشا ءبىرشاما جۇمىستار اتقارىلۋدا. الداعى ۋاقىتتا كەنتتە سپورت الاڭى سالىنىپ, اۋىل جاستارى اراسىندا سالاماتتى ءومىر سالتىن ناسيحاتتاۋ بويىنشا جوبالار قولعا الىنادى», دەيدى كەنت اكىمى.
مويىنتى كەنتىندە اۋىز سۋ ماسەلەسى دە شەشىمىن تاپقان ەكەن. بۇگىنگى كۇندە سۋ قۇبىرلارى اۋىلداعى ءاربىر ۇيگە تارتىلعان. كارانتين شەكتەۋلەرى جەڭىلدەتىلگەنىمەن, كەنتتەگى سانيتارلىق-ەپيدەميولوگيالىق تالاپتاردىڭ قاتاڭ ساقتالۋىنا باسا ءمان بەرىلەدى. «مۇنداي ءتارتىپتىڭ ادام كوپ كەلەتىن جەرلەردە, ناقتىراق ايتقاندا دۇكەندەردە, مەكەمەلەردە ورىندالۋىنا ايرىقشا نازار اۋدارامىز. بۇل تۇرعىدا قۇرامىنا اكىمدىك قىزمەتكەرلەرى ەنەتىن ارنايى توپ رەيدتەر ۇيىمداستىرىپ تۇرادى», دەيدى كەنت اكىمى.
اۋىل حالقى توتەنشە جاعداي رەجىمى مەن كارانتين شەكتەۋلەرى كەزىندەگى قيىن جاعدايدا جەرگىلىكتى اكىمدىكتىڭ شىن جاناشىرلىق تانىتىپ, دەر كەزىندە كومەك قولىن سوزعانىنا ءدان ريزا. «كوپتەگەن مۇقتاج وتباسىلار وسىنداي قامقورلىقتىڭ ارقاسىندا كۇردەلى كەزەڭنىڭ اۋىرتپاشىلىعىن اسا قاتتى سەزىنە قويمادى», دەيدى مويىنتى كەنتىندەگى اقساقالدار القاسىنىڭ توراعاسى ۇمبەت ادامباەۆ.
قاراعاندى وبلىسى,
شەت اۋدانى
