دارىگەرلەر, ەرىكتىلەر مەن پوليتسەيلەر قر ءىىم ءمينيسترى ەرلان تۇرعىمباەۆ, ەلوردا اكىمى التاي كولگىنوۆ جانە نۇر-سۇلتان قالاسىنىڭ پوليتسيا دەپارتامەنتىنىڭ باسشىسى ەرجان سادەنوۆتىڭ اتىنان گراموتا جانە العىس حاتتارمەن ماراپاتتالدى.
«دارىگەرلەر, پوليتسەيلەر مەن ۆولونتەرلەر بىرىگىپ, ىندەتتى جەڭىپ جانە تەزىرەك ۇيرەنشىكتى ومىرىمىزگە ورالۋعا كومەكتەستى. پوليتسەيلەر مەن ەرىكتىلەرگە ەرەن ەڭبەگى ءۇشىن العىس ايتامىز. ءبىزدىڭ ازاماتتارىمىزدىڭ دەنساۋلىعى سىزدەردىڭ جۇمىستارىڭىزعا بايلانىستى بولدى. سىزدەر ناعىز جاناشىرلىق پەن قامقورلىقتىڭ جارقىن ۇلگىسى بولدىڭىزدار», - دەدى ەرجان سادەنوۆ.
ەرىكتىلەر پوليتسەيلەرمەن بىرگە رەيدتەر مەن پروفيلاكتيكالىق شارالارعا قاتىسىپ, ءتۇسىندىرۋ جۇمىستارىن جۇرگىزدى. ۋچاسكەلىك ينسپەكتورلارمەن بىرگە ازاماتتارمەن كەزدەسىپ, ولارعا قاۋىپسىزدىك شارالارىن ەسكە سالدى. دارىگەرلەر تاۋلىك بويى ادامداردىڭ ءومىرىن قۇتقارىپ, ينفەكتسيامەن الدىنعى شەپتە كۇرەستى.
كارانتين كەزىندە ناعىز ەرلىكتىڭ ەرەن ۇلگىسىن كورسەتكەن پوليتسەيلەر از ەمەس. ونىڭ ىشىندە بلوك بەكەتتەردەن جۇكتى ايەلدەردى الىپ پەرزەنتحانالارعا, ءتۇرلى جاراقاتتارمەن كەلگەن ناۋقاستاردى اۋرۋحانالارعا جەتكىزگەن پوليتسەيلەر بار.
بۇعان قوسا, پوليتسيا دەپارتامەنتى كارانتين رەجيمى اياقتالمادى, ەپيدەميا جويىلعان جوق. سوندىقتان ماسكا كيىپ, سانيتارلىق-ەپيدەميولوگيالىق رەجيمدى قاتاڭ ساقتاۋ كەرەگىن ەسكەرتتى.
