قاراعاندىلىق عالىمدار ىسىك اۋرۋىنىڭ بەتىن قايتاراتىن اششى جۋساننان ازىرلەنگەن ارگلابين ءدارىسىن ويلاپ تاپتى. بۇل ءدارىنى قازىر الەمنىڭ 11 ەلى پاتەنتتەگەن. بۇل تۋرالى Nur.kz حابارلادى.
قازاقتىڭ ونكولوگيا جانە راديولوگيا عىلىمي-زەرتتەۋ ينستيتۋتىنىڭ ديرەكتورى قۋانىش نۇرعازيەۆتىڭ مالىمدەۋىنشە,ءبىزدىڭ ەلدە وكپە ىسىگى مەن اسقازان, ىشەك, ءسۇت بەزدەرىنىڭ قاتەرلى ىسىگى بەلەڭ العان. ناقتى ايتقاندا, سوڭعى 5 جىل ىشىندە قاتەرلى ىسىك تىرناعىنا ىلىككەندەر سانى 4,4 پايىزعا وسكەن. دەگەنمەن, جوعارىدا اتالعان ءدارىنى قولدانىسقا ەنگىزگەلى بەرى وڭ ناتيجە بەرگەن كورىنەدى. نەگىزىنەن بۇل ءدارىنى باۋىر, جاتىر مويىنى, ءسۇت بەزدەرى مەن وكپەنىڭ قاتەرلى ىسىگىنە قارسى قولدانادى ەكەن. ال وسى ۋاقىتقا دەيىن مۇنى 3 مىڭ سىرقات پايدالانعان جانە سونىڭ 76 پايىزىنا وڭ اسەر ەتكەن.
باقىتبەك كەنەش ۇلى.
