بەرىك قاماليەۆ وڭىردەگى قايتا جاڭارتىلۋ ۇستىندەگى جول ۋچاسكەلەرىندە بولىپ قايتتى. مۇندا سونداي-اق, ««QazAvtoJol» ۇك» اق قاراعاندى وبلىسى بويىنشا فيليالىنىڭ, مەردىگەر ۇيىمداردىڭ وكىلدەرى قاتىسقان كەڭەس وتكىزىلدى.
ۆيتسە-مينيستر جوبالار بويىنشا جول ۋچاسكەلەرىندە اسفالت جابىندىسىن توسەۋ جۇمىستارىن باستاۋ مەرزىمىن ناقتىلاپ, جولداردا قوزعالىستى بيىل اشۋدى جۇكتەدى.
ايتا كەتۋ كەرەك, ۇزىندىعى 363 شاقىرىمدى قۇرايتىن «قاراعاندى – بالقاش» جولى كولىك باسقارۋشىلارعا كۋرمينكا, اقشاتاۋ, اقسۋ-ايۋلى ەلدى مەكەندەرى مەن بالقاش قالاسىن اينالىپ وتۋگە مۇمكىندىك بەرەدى. قۇرىلىس جۇمىستارىن CITIC Cinstruction Co.Ltd» جانە «كازگەرستروي» كومپانيالارى جۇرگىزىپ جاتىر. جۇمىستاردىڭ ساپاسىن «جول-جوبا KZ», «ارسنابيك» جانە «سترويسەرۆيسگارانت» كومپانيالارى باقىلاۋدا.
جوباعا سايكەس اۆتوموبيل جولى رەكونسترۋكتسيادان وتكەن سوڭ, كولىك قوزعالىسىنا ارنالعان 4 جولاعى بار ءى تەحنيكالىق ساناتتاعى جولعا سايكەستەندىرىلەتىن بولادى. جولدىڭ تومەنگى قاباتىمەن كولىك باسقارۋشىلار بيىلدىڭ وزىندە جۇرە الادى دەپ جوسپارلانعان. تاسجولدى قايتا جاڭارتۋ جۇمىستارى 2022 جىلى تولىقتاي اياقتالادى دەپ كۇتىلۋدە. «تەمىرتاۋ – قاراعاندى» جانە «قاراعاندى قالاسىنىڭ سولتۇستىك-شىعىس بۇرما جولى» جوبالارى بيىل اياقتالماق.
