«س.م. كيروۆ اتىنداعى زاۋىت» اق 2003 جىلى «قازاقستان ينجينيرينگ» ۇلتتىق كومپانياسىنىڭ قاراماعىنا ءوتتى. كاسىپورىن ارنايى ماقساتتاعى ونىمدەردى, ەلەكتر تەحنيكالىق ونىمدەردى, بايلانىس قۇرالدارىن, تەمىرجول جانە مۇناي-گاز سالالارىنا ارنالعان قاۋىپسىزدىك جانە اۆتوماتيكا جۇيەلەرىن وندىرۋگە ماماندانعان. سونداي-اق, سەرۆيستىك قىزمەت كورسەتۋ, مونتاجداۋ, ىسكە قوسۋ-رەتتەۋ جۇمىستارىن, بارلىق وندىرىلەتىن ونىمگە تەحنيكالىق قىزمەت كورسەتۋدى جانە جوندەۋدى ورىندايدى.
قازىرگى ۋاقىتتا كاسىپورىن ءوز سالاسىنىڭ فلاگمانى سانالادى. ءونىمدى ساتۋدان تۇسكەن تابىس تۇراقتى تۇردە ارتىپ كەلەدى.
سونىمەن قاتار, زاۋىت لوكوموتيۆتىك قاۋىپسىزدىك قۇرالدارىنا قىزمەت كورسەتۋ جانە رەلستى قوسقىشتاردى جەتكىزۋ بويىنشا بىرقاتار ۇزاق مەرزىمدى كەلىسىمشارتتاردى ورىنداۋشى. قازىرگى ۋاقىتتا بىرقاتار جوبالاردى ىسكە اسىرۋ جوسپارلانىپ وتىر, اتاپ ايتقاندا:
- 3 جىل ىشىندە كومپيۋتەرلىك تەحنيكا ءوندىرىسىن كەزەڭ-كەزەڭمەن وقشاۋلاپ, 70%-عا دەيىن جەتكىزۋ. جاقىن ارادا ءبىرىنشى پارتيانى شىعارۋ جوسپارلانىپ وتىر;
- قاۋىپسىز تەمىر جول كونتەينەرلىك تاسىمالدارىن قامتاماسىز ەتۋ ءۇشىن «كونۆوي-پ» كۇزەت دابىلداماسى جۇيەسىن ازىرلەۋ جانە ءوندىرۋ;
- اتىس پوليگوندارى ءۇشىن شىعارىلاتىن جابدىقتاردى ودان ءارى جەتىلدىرۋ;
- «بورت» لوكوموتيۆتىك قاۋىپسىزدىك جۇيەلەرى ءوندىرىسىن يگەرۋ;
- رەسەيلىك ارىپتەسپەن بىرلەسىپ, «رلسم» لوكوموتيۆتىك جانە ستاتسيونارلىق راديوستانتسيالار ءوندىرىسىن وقشاۋلاۋ.
بۇدان باسقا, «س.م. كيروۆ اتىنداعى زاۋىت» اق راديوەلەكتروندىق ونىمگە ارنالعان كوپ قاباتتى باسپا پلاتالارىن ءوندىرۋدى ۇيىمداستىرۋ جونىندەگى مەملەكەتتىك ينۆەستيتسيالىق جوبانى ىسكە اسىرۋدا. وسىعان بايلانىستى 2019 جىلعى قىركۇيەكتە سولتۇستىك قازاقستان وبلىسىنا جۇمىس ساپارى اياسىندا مەملەكەت باسشىسى زاۋىتقا بارىپ, كاسىپورىندى جاڭعىرتۋ جۇمىستارىن جوعارى باعالادى.
