پاۆلوداردا پارلامەنت سەناتى الەۋمەتتىك-مادەني دامۋ كوميتەتىنىڭ «حالىق دەنساۋلىعىن قورعاۋ ءجونىندەگى مەملەكەتتىك ساياسات جانە قازاقستان رەسپۋبليكاسى پرەزيدەنتىنىڭ قازاقستان حالقىنا جولداۋى اياسىندا دەنساۋلىق ساقتاۋ جۇيەسىن قۇقىقتىق قامتاماسىز ەتۋدى جەتىلدىرۋ شارالارى تۋرالى» تاقىرىبى بويىنشا كوشپەلى وتىرىسى بولدى, دەپ حابارلادى وسى پالاتانىڭ ءباسپاسوز قىزمەتى.
پاۆلوداردا پارلامەنت سەناتى الەۋمەتتىك-مادەني دامۋ كوميتەتىنىڭ «حالىق دەنساۋلىعىن قورعاۋ ءجونىندەگى مەملەكەتتىك ساياسات جانە قازاقستان رەسپۋبليكاسى پرەزيدەنتىنىڭ قازاقستان حالقىنا جولداۋى اياسىندا دەنساۋلىق ساقتاۋ جۇيەسىن قۇقىقتىق قامتاماسىز ەتۋدى جەتىلدىرۋ شارالارى تۋرالى» تاقىرىبى بويىنشا كوشپەلى وتىرىسى بولدى, دەپ حابارلادى وسى پالاتانىڭ ءباسپاسوز قىزمەتى.
سەناتورلار وبلىستىق ءماسليحات دەپۋتاتتارىمەن, دارىگەرلەر قاۋىمىمەن جانە ۇكىمەتتىك ەمەس ۇيىمدارمەن دەنساۋلىق ساقتاۋ جۇيەسىنىڭ قۇقىقتىق نەگىزدەرىن جەتىلدىرۋ ماسەلەسىن, اتاپ ايتقاندا, «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسكە وزگەرىستەر مەن تولىقتىرۋلار ەنگىزۋ تۋرالى» زاڭ جوباسى اياسىنداعى جۇمىستاردىڭ بارىسىن تالقىلادى.
دارىگەرلىك قىزمەت كورسەتۋلەرگە قول جەتكىزۋ جانە ولاردىڭ ساپاسى, ءدارى-دارمەكپەن قامتاماسىز ەتۋ, دارىگەرلىك مەكەمەلەردىڭ ماتەريالدىق-تەحنيكالىق بازاسىن جاقسارتۋ, مەديتسينالىق اكادەميالار تۇلەكتەرىن قىزمەتكە ورنالاستىرۋ, مەديتسينا سالاسى قىزمەتكەرلەرىن قايتا دايارلاۋ جانە بىلىكتىلىگىن ارتتىرۋ, بالالار جانە پەرزەنتحانا مەكەمەلەرىن قازىرگى زامانعى دارىگەرلىك قۇرال-جابدىقپەن جابدىقتاۋ ماسەلەلەرىنە ەرەكشە نازار اۋدارىلدى.
پارلامەنت سەناتى الەۋمەتتىك-مادەني دامۋ كوميتەتىنىڭ توراعاسى اقان بيجانوۆ ايتقانداي, وتكەن جىلى حالىق دەنساۋلىعىن قامتاماسىز ەتۋ جونىندەگى مىندەتتەردى ورىنداۋدا ەلەۋلى تابىستارعا قول جەتتى. 2013 جىلى دەنساۋلىق ساقتاۋ سالاسىن قارجىلاندىرۋ كولەمى ىشكى جالپى ءونىمنىڭ 3,8 پايىزىنا جەتتى. دەنساۋلىق ساقتاۋ جۇيەسىن دامىتۋعا اعىمداعى ءۇش جىلدىق كەزەڭدە رەسپۋبليكالىق بيۋدجەتتە 1 641,1 ميلليارد تەڭگە قاراستىرىلىپ وتىر.
شاراعا قاتىسۋشىلار, سونىمەن بىرگە, الەمنىڭ دامىعان 30 ەلىنىڭ قاتارىنا كىرۋ جونىندەگى ستراتەگيالىق مىندەتتىڭ اياسىندا دەنساۋلىق ساقتاۋدىڭ ۇلتتىق جۇيەسىن ودان ءارى جەتىلدىرۋ جونىندەگى جۇمىستاردى جۇزەگە اسىرۋ قاجەت, دەپ سانايدى.
«حالىقتى دارىگەرلىك كومەكپەن تۇگەلدەي قامتۋدى قامتاماسىز ەتە الاتىن مەملەكەتتىك كەپىلدىكتىڭ تومەنگى ستاندارتىن بەلگىلەۋ ماڭىزدى مىندەت بولىپ وتىر. سونىمەن بىرگە, الەۋمەتتىك ءالسىز توپتار جانە ەرەكشە الەۋمەتتىك سىرقاتتارعا ارنالعان جەكە باعدارلامالار ىسكە قوسىلۋى ءتيىس», دەپ اتاپ ءوتتى ا.بيجانوۆ.
وتىرىستا پاۆلودار وبلىسىنىڭ اكىمى ەرلان ارىن, دەنساۋلىق ساقتاۋ مينيسترلىگىنىڭ جاۋاپتى حاتشىسى سەرىكبول مۋسينوۆ, وبلىستىق ءماسليحاتتىڭ دەپۋتاتى, پاۆلودار وبلىسى اكىمدىگىنىڭ جانىنداعى ەمدەلۋشىلەر قۇقىقتارىن قورعاۋ جونىندەگى قوعامدىق كەڭەستىڭ مۇشەسى ايمان وسپانوۆا, دارىگەرلىك مەكەمەلەردىڭ, ءدارى-دارمەك جاساۋشى كومپانيالاردىڭ, ۇكىمەتتىك ەمەس ۇيىمداردىڭ باسشىلارى ءسوز سويلەدى.
كوميتەتتىڭ كوشپەلى وتىرىسى اياسىندا سەناتورلار قالالىق ەمحانادا, ايماقتىق كارديولوگيا ورتالىعىندا, كەنجەكول اۋىلىنداعى دارىگەرلىك امبۋلاتورياسىندا, وبلىستىق جەدەل جاردەم ستانساسىندا جانە «بايانتاۋ» سپورت سارايىندا بولدى.
