ء«بىزدىڭ الدىمىزدا تۇرعان باستى ماقسات – ءبىر اۋىسىمدى مەكتەپتەرگە كوشۋ. ونسىز ارينە ءبىلىم بەرۋدىڭ ساپاسىن جاقسارتۋ مۇمكىن ەمەس. الداعى وقۋ جىلى جاڭارتىلعان باعدارلاماعا كوشۋ تولىق اياقتالادى. ەندى تەك ءبىلىم ساپاسىن رەتتەۋمەن اينالىساتىن بولامىز», دەدى اسحات ايماعامبەتوۆ.
ونىڭ ايتۋىنشا, اۋەلى ءبىلىم باعدارلامالارى مەن وقۋلىقتاردىڭ ساپاسىن ارتتىرۋ قولعا الىنادى. بۇدان سوڭ, باعالاۋ ناتيجەسى جەتىلدىرىلەدى.
«تاعى دا ءبىر وتە ماڭىزدى ماسەلە – تاربيە جۇمىسى. «تاربيەسىز بەرىلگەن ءبىلىم – ادامزاتتىڭ قاس جاۋى» دەگەندەي, قازىر مەكتەپ قابىرعاسىندا تاربيە جۇمىسىن دۇرىس رەتكە قويۋ ماسەلەسىن قولعا الدىق. سوندىقتان وسى جىلدان باستاپ جاڭا تاربيە جۇمىسى پاراديگماسى ىسكە اسىرىلۋدا. ول وتباسىلىق قۇندىلىقتاردى بويىنا سىڭىرگەن ازاماتتار قالىپتاستىرۋعا باعىتتالعان», دەدى مينيستر.
