«25 مامىردا ءداستۇر بويىنشا مەكتەپ وقۋشىلارى مەن مۇعالىمدەرى وقۋ جىلىنىڭ اياقتالۋىن اتاپ وتەدى. ال تۇلەكتەر ءبىلىم جانە تاربيەنىڭ بەسىگىنە اينالعان التىن ۇيا مەكتەبىمەن قوشتاسىپ, سان تاراۋلى ءومىر جولىنا اياق باسادى. وكىنىشكە وراي, بيىل بالالاردىڭ كوپشىلىگى سوڭعى قوڭىراۋ ءۇنىن ەستىمەيدى, كوروناۆيرۋستىق پاندەميا ادام جوسپارلارىنا تۇزەتۋلەر ەنگىزدى», - دەپ بيىلعى جىلدىڭ ەلمەن قوسا جاس تۇلەكتەر ءۇشىن دە ەرەكشە بولعانىن ايتتى.
سونداي-اق ول ەل ءۇشىن قيىن كەزەڭدە, باسقا دا ماڭىزدى ماماندىقتار ساناتىندا, ۇستاز ەڭبەگىنىڭ قادىرىن دە, اۋىرتپالىعىن دا, ماڭىزىن دا كوپتەگەن قازاقستاندىقتار تەرەڭ سەزىنگەنىن جاسىرمادى.
«وسى ورايدا, ءوزىمنىڭ دە اسىل ۇستازدارىم, ماعان بىلىممەن بىرگە, ءتالىم-تاربيە بەرگەن الماتى وبلىسىنىڭ جامبىل ورتا مەكتەبىنىڭ مۇعالىمدەرىنە العىسىمدى بىلدىرەمىن. مەكتەپ قابىرعاسىنان مۇعالىمدەرىمنىڭ ەڭبەگىنىڭ ارقاسىندا قالىپتاسقان قاسيەتتەر ماعان ماقساتتارىما جەتۋگە, ءوز كاسىبىمدى اداسپاي تابۋعا, جەمىستى جۇمىس ىستەۋگە جانە ءومىر بويى ىزدەنىستە بولۋعا مۇمكىندىك بەردى», - دەپ اياۋلى ۇستازدارىنا العىس ايتۋدى دا ۇمىتپادى.
اقپارات جانە قوعامدىق دامۋ ءمينيسترى ەلدەگى بارلىق تۇلەكتى وقۋ جىلىنىڭ اياقتالۋىمەن قۇتتىقتاپ, ماماندىق تاڭداۋدا وتە مۇقيات بولۋعا كەڭەس بەردى.
«كاسىپ - ومىرلىك رۋحاني دا ازىق. ادام ءوزىنىڭ سۇيىكتى ىسىمەن اينالىسقان كەزدە عانا باقىتتى بولا الادى. ماقسات قويىڭىز, ەڭبەكقور, ءتارتىپتى جانە ماقساتتى بولىڭىز, سوندا بارلىق ارماندار ورىندالادى!», - دەدى ول.
