يراكتاعى شيتتەر مەشىتىندە جارىلىس بولىپ,40 ادام قازا تاپتى. بۇل تۋرالى يتار-تاسس حابارلادى.
يراكتىڭ بىرقاتار باق وكىلدەرى مالىمدەگەندەي, تەراكت ەل-مۋسايب قالاسىندا ورىن العان. جارىلىستان 50-گە جۋىق ادام جاراقات الدى.
«اش-شارك» اقپارات پورتالىنىڭ دەرەگى بويىنشا, جانكەشتى تەرروريست كوپشىلىك قاۋىم جينالعان مەشىتتىڭ ىشىندە ءوز ءوزىن جارىپ جىبەرگەن. جارىلىستىڭ كۇشتى بولعانى سونشالىق, ءتىپتى, مەشىتتىڭ توبەسى وپىرىلىپ تۇسكەن ەكەن. قۇقىق قورعاۋ قىزمەتكەرلەرىنىڭ ايتۋىنشا, قيراندىلار استىندا ءالى دە ادامدار قالىپ قويعان. سوندىقتان قازا بولعاندار مەن جاراقات العانداردىڭ سانى ءوسۋى مۇمكىن. ەلدەگى بىردە-ءبىر تەرروريستىك توپ بۇل وقيعاعا قاتىستى جاۋاپكەرشىلىكتى ءوز مويىندارىنا العان جوق.
ايدار ورىسباەۆ.
