كYي كەشى

پرەزيدەنتتىك مادەنيەت ورتا­لىعىنىڭ كونتسەرت زالىندا كۇيشى-كومپوزيتور سەكەن تۇرىسبەكتىڭ جە­­تەكشىلىگىندەگى “اق جاۋىن” كا­مە­­رالىق وركەسترىنىڭ شىعار­ما­شىلىق كونتسەرتى ءوتتى. كەش بارىسىندا ورىندالعان س.تۇرىسبەكتىڭ “كوڭىل تولقىنى” , “بالاۋسا”, “مالگاجدار”, “كۇل­تەگىن”, “دارابوز” سياقتى كۇيلەرى, اقىن ن.ايت ۇلىنىڭ ولەڭدەرىنە جازىلعان اندەرى تىڭداۋشىسىن وي مەن سەزىم تۇڭعيىعىنا تارتىپ, نازىك سەزىمگە بولەدى. كونتسەرت سوڭىندا مادەنيەت ءمينيسترى م.قۇل-مۇحاممەد وركەستر ۇجىمىنا گۇل شوقتارىن تاپسىرىپ, ءوز ىقىلاسىن ءبىلدىردى: ء“بىر شى­عارمامەن تاريحتا اتى قالعان اۆتورلار بار. س.تۇرىسبەكتىڭ ءبىر عانا “كوڭىل تولقىنى” كۇيىنىڭ قازاق كۇي ونەرىندە ەرەكشە ورنى بار. “اق جاۋىن” وركەسترى “قۇر­مانعازى”, “وتىرار سازى” وركەس­ترلەرى سياقتى ۇجىمى ۇلكەن بول­ماعانىمەن, قازاقتىڭ كۇي ونەرىن ناسيحاتتاۋدا تابىستى ەڭبەك ەتىپ كەلەدى. بۇرناعى جىلدارى بەيجىڭ قالاسىندا, موڭعولياداعى قان­داستارىمىزدىڭ ورتاسىندا ۇلتتىق ونەرىمىزدىڭ جوعارى دەڭگەيىن كورسەتىپ, تىڭدارمانىن ءتانتى ەتىپ قايتى. وسى كەشتە سەزىمدى تەربەتكەن تاماشا كۇيلەردىڭ ءبىرازى “قازاقتىڭ 100 كۇيى” كىتابىنان ورىن الارى ءسوزسىز.” – دەدى. ادامنىڭ جان دۇنيەسىن كۇيمەن الديلەگەن س. تۇرىسبەكتىڭ ونەرىنە: ءتاڭىردىڭ سىيلىعىنداي سەندەگى ونەر, قىزىعىن فانيدەگى پەندە كورەر. شاناقتا شالقار تەڭىز ءۇيىرىلىپ, ۇشىندا ساۋساعىڭنىڭ ءدوڭ­گەلەنەر, – دەپ ن.ايت ۇلى ءسۇي­سىن­گەندەي, وعان ونەردىڭ بيىك اسۋلارىن باعىندىرۋدا اق جول تىلەيمىز. “ەگەمەن-اقپارات”. استانا.