ساياسات • 22 مامىر، 2020

قولداۋ – ەلدىگىمىزدىڭ بەلگىسى

15 رەت كورسەتىلدى

حالقىمىز: «دوسىم دەپ بىرگە جۇرەسىڭ، ءىسىڭ ءبىر تۇسكەندە بىلەرسىڭ» دەگەندەي، تۇركىستان وبلىسىنىڭ ماقتاارال اۋدانىنا كەزدەيسوق تونگەن سۋ اپاتىنان زارداپ شەككەن جاندارعا حالقىمىز ءبىر اتانىڭ بالاسىنداي قولداعى بارىن اياماستان بەرىپ جاتتى.

وسىلايشا، حالقىمىز ىن­تى­­ماق-بىرلىگىن، مىزعىماس بو­لات­تاي بەرىكتىگىن ءىس جۇزىندە دالەل­دەپ، كورسەتە ءبىلدى. اتا­لارىنا مىڭ راحمەت! ءادىل ءسوز، ءادىل ءىس، ءادىل قارىم-قاتىناس ار­قا­­شاندا شام-شىراقتاي بيىك­تەردە جارقىراپ جانىپ تۇرا­دى. كورشى ءارى تۋىس وزبەك اعاي­ىن­داردىڭ دا توسىننان كەلگەن سۋ تاسقىنىنان حالقى، جەرى زارداپ شەكتى. ولار دا وراسان شىعىنعا ۇشىرادى.

وزبەكستان پرەزيدەنتى ش.مير­­زيوەۆ وزدەرىنىڭ ابەستىك­تەن جىبەرگەن ايىپتارىن مەملە­كەت دارەجەسىندە مويىنداپ، ءبىزدىڭ حالقىمىزدان، ماق­تا­ارالدىق اعايىندارىنان ارنايى كەشىرىم سۇرادى. بۇگىندە قاراپ وتىرماستان، باۋىرلاس وز­بەك ەلى دە قولدارىنان كەلگەن كومەكتەرىن بەرۋدە، بەرىپ تە جا­تىر. وزبەكستان ۇكىمەتى حال­قىمەن بىرلەسە وتىرىپ، ەكى ەلدىڭ دوستىعىنا ەشقانداي دا سىزات تۇسپەۋىنە، سۋ اپاتىنان كەلگەن زارداپتاردى ءبىر ادامنىڭ بالاسىنداي بىرىگىپ جويۋعا، بۇرىنعى قالپىنا كەلتىرۋگە بارىنشا ات­سالىسۋدا. جاقىندا عانا وز­بەكستان پرەمەر-ءمينيسترى ابدۋللا اريپوۆ پەن قازاقستان پرەمەر-ءمينيسترى اسقار ما­مين باستاعان ۇكىمەت باسشى­لارى ماقتاارال اۋدانىنا كەلىپ، زارداپ شەككەن اۋىلدار مەن ەلدى مەكەندەردى، ەگىستىك جەر­لەرىن ارالاپ كورىپ شىعىپ، قۇلا­عان ۇيلەردى، بۇزىلعان مەكەنجايلاردى، ارىقتار مەن اتىز­داردى، كوللەكتورلاردى قاي­تا قالپىنا كەلتىرۋگە، بىر­لەسىپ جۇمىس جۇرگىزۋگە ۋادە­لەسىپ، ءبىر كەلىسىمگە كەلدى.

مىرزاكەنت كەنتىندە بەس ءجۇز تولىق ينفراقۇرىلىمدى ورتا كولەمدەگى ۇيلەردى سالۋدىڭ جۇ­مىستارى باستالىپ، ونىڭ العاشقى ىرگەسىنىڭ بەتونىن ەكى ەلدىڭ ۇكىمەت باسشىلارى ا.مامين مەن ا.اريپوۆتار قۇيدى. سۋ تاسقىنىنان زارداپ شەككەندەرگە ارناپ سالى­نىپ جاتقان شاعىن اۋدان ءۇش كوشەدەن تۇرادى. تولىق سالىنىپ ءبىتۋ مەرزىمى – 2-3 اي.

پرەزيدەنت قاسىم-جومارت توقاەۆ العاش­قى اپات بولعان كۇن­دەردەن باس­تاپ-اق ماقتا­ارال­دىق باۋىرلارىن دالادا قال­دىر­مايتىنىن سەنىمدى تۇردە سە­زىندىرگەن بولاتىن. پرەزي­دەنتىمىز حا­لىق­پەن بىرگە ەكەنىن كەشەگى ارىس قالا­سىن­داعى جارىلىس­تا دا، قورداي­داعى توسىن جاع­دايدا دا، ەندى مىنە، سۋ تاسقى­نىنان زار­داپ شەككەن ماقتا­ارالدىق­تار­دىڭ باستارىنا قيىنشىلىق تۇس­كەندە دە كور­سەتە ءبىلدى. پرەزي­دەنت مەملە­كەت جاعىنان ۇلكەن كو­مەك جاساپ وتىر. «بىردە-ءبىر وتبا­سى، بىر­دە-ءبىر قاسىرەتكە دۋ­شار بول­عان ازا­ماتىمىز قول­داۋ­سىز، قامقور­سىز، كومەكسىز قال­ماي­دى»، دەدى پرەزيدەنتىمىز.

سۋ تاسقىنىنان زارداپ شەككەن ماقتاارالدىقتار ۇكىمەت پەن حالقىمىزدىڭ ناق­تىلاي كومەكتەرىن ايقىن سەزىندى. ءار­بىر ادامعا 100 مىڭ تەڭگەدەن جار­­دەم بەرىلدى. قازاقستاننىڭ تۇك­پىر-تۇكپىرىنەن كەلگەن ازىق-ت ۇلىكتەردىڭ، كيىم-كەشەكتەر مەن كورپە-توسەكتەردىڭ، قارجىلاي كومەكتەردىڭ ەسەبى جوق. تۇر­عىن ۇيلەردىڭ، الەۋمەتتىك نىسان­داردىڭ، مال-م ۇلىكتەردىڭ شى­عىن­دارى تۇگەلدەي ارنايى كو­ميسسيا مۇشەلەرىمەن ەسەپتە­لىپ، بارلىعى ۇكىمەت تاراپىنان وتەلەتىن بولدى. بۇگىندە تۇر­كىستان وبلىسىنىڭ اكىمى ومىرزاق شوكەەۆ باستاعان سۋ تاس­­قىنىنان زارداپ شەككەن ەل­دى ­مەكەندەر مەن ەگىستىك جەر­لەردى شۇعىل تۇردە قالپىنا كەل­تىرۋ بويىنشا كوميسسيا قۇرى­لىپ، كۇندىز-ءتۇنى تىنىمسىز جۇ­مىستار جۇرگىزىلۋدە. وب­لى­سى­مىزدىڭ ءتۇرلى سالاداعى باسشى قىزمەتكەرلەرى اپات باستال­عالى بەرى حالىقپەن بىرگە بولىپ، ءوز كومەكتەرىن بەرۋدە.

قۇداي قالاسا، بۇل قيىن­شىل­ىق­تاردى دا ارتتا قالدى­رىپ، حالقىمىزدىڭ باسىنا تۇس­كەن اۋىرتپاشىلىقتاردى دا بىرلەسىپ جەڭەرمىز.

ءسوز سوڭىندا ماقتا­ارال­دىقتاردىڭ باسىنا وسىنداي كۇتپەگەن اۋىر قايعى-قاسىرەت تۇس­كەندە قولۇشىن بەرىپ، قول­داۋ جاساعان قازاقستاندىق بار­شا باۋىرلارىمىزعا شەك­سىز ريزاشىلىعىمىزدى ءبىلدى­رىپ، راحمەتىمىزدى ايتامىز! وسىن­داي بىرلىگى مەن ىنتىماعى جا­راسقان ەلىمىزدىڭ كوك تۋى ارقاشاندا بيىكتە، تورىمىزدە جەلبىرەپ، جاساپ-جايناپ، كوركەيىپ، وركەندەپ وسە بەرسىن دەمەكپىز! دوستىق ەلى بولعان قازاقستانىمىز جاساسىن!

 

ايىپبەرگەن بالتاباي ۇلى،

اقىن، جازۋشى،

ماقتاارال اۋدانىنىڭ قۇرمەتتى ازاماتى

 

تۇركىستان وبلىسى

 

سوڭعى جاڭالىقتار

ۇقساس جاڭالىقتار