«مەن ءۇشىن بۇل ماڭىزدى شارا بولىپ تابىلادى. سەبەبى مۇنداي ساباقتاردىڭ ناتيجەسى بويىنشا جاۋىنگەرلىك ءبىلىمدى باعالاۋعا بولادى. شتاتتىق سناريادپەن وق اتقان ادامدى تولىقتاي تانكيست دەپ اتاۋعا بولادى دەپ بەكەر ايتپايدى عوي», دەيدى ءتورتىنشى كۋرس كۋرسانتى ءداۋىتباي زامانبەك.
تانكتەن شتاتتىق ارتيللەريالىق وق اتۋ جاتتىعۋلارى كۋرسانتتاردىڭ جيناعان تەوريالىق بىلىمدەرىنىڭ ساپاسىن عانا ەمەس, كۋرسانتتاردىڭ اعىمداعى جانە ءبىتىرۋ ەمتيحاندارى قارساڭىندا دايارلىعىنىڭ جالپى دەڭگەيىن تەكسەرۋگە مۇمكىندىك بەردى. قويىلعان مىندەتتەردى بارلىعى دەرلىك ورىندالدى. كۋرسانتتار شتاتتىق وق اتۋدى «جاقسى» دەگەن باعاعا تاپسىردى.
«شتاتتىق وق اتۋ بارىسىندا كۋرسانتتار ماقساتتى بارلاۋعا كىرىسپە مەن وققا قاتىستى مىندەتتەردى شەشۋ بويىنشا ءوز بىلىمدەرىن كورسەتتى. شتاتتىق اتۋدىڭ ناتيجەلەرى كۋرسانتتاردىڭ نىسانا جاعدايىنىڭ ءارتۇرلى نۇسقالارى بويىنشا جۇمىس ىستەۋگە بەيىمدەلگەنىن كورسەتەدى. سونىمەن قاتار وسىنداي اتىستاردى وتكىزۋ كۋرسانتتار ءۇشىن وزىندىك پسيحولوگيالىق كەمەلدەنۋ ەمتيحانى بولادى», دەيدى اسكەري ينستيتۋتتىڭ اتۋ دايىندىعى كافەدراسى باستىعىنىڭ ورىنباسارى پودپولكوۆنيك اسقار مايلىباەۆ.
اتۋ دايارلىعى قۇرلىق اسكەرلەرى اسكەري ينستيتۋتى كۋرسانتتارىنىڭ جاۋىنگەرلىك دايارلىق پەن دالالىق ماشىقتى جەتىلدىرۋدەگى نەگىزگى پاندەردىڭ ءبىرى بولىپ تابىلادى. ول اسكەري قىزمەتشىلەردى كەز كەلگەن قاشىقتان جىلدام قارقىنمەن وقتى ءدال تيگىزۋگە ۇيرەتەدى. جوعارى اتىس شەبەرلىگى كۋرسانتتاردىڭ كاسىبي دايارلىعى مەن بولىمشەلەردىڭ جاۋىنگەرلىك ۇيلەسىمدىلىگى كەزىندە جەتىلدىرىلە تۇسەدى.
