– توتەنشە جاعدايعا بايلانىستى ۆولونتەرلىك شتاب قۇرىلىپتى. ونىڭ بۇگىنگى ناتيجەسىمەن بولىسسەڭىز.
– مامىردىڭ باسىندا ماقتاارال اۋدانىندا بولعان توتەنشە جاعداي̆عا باي̆لانىستى تۇركىستان وبلىسى ماقتاارال اۋدانىنىڭ جامبىل اۋىلدىق وكرۋگى №36 جالپى ورتا مەكتەبى بازاسىندا تۇركىستان وبلىسى اكىمدىگى جانە Nur Otan پارتياسىنىڭ قولداۋىمەن جاستار مەن ۆولونتەرلەردىڭ باستاماسىمەن «بىرگەمىز, ماقتاارال!» ەرىكتىلەر شتابى قۇرىلعان. باسىم كوپشىلىگى تۇركىستان وبلىسى مەن شىمكەنت قالاسىنىڭ جاستارىنان قۇرالعان ۆولونتەرلەر ء«بىر جەڭنەن قول, ءبىر جاعادان باس شىعارىپ», زارداپ شەككەندەرگە جان-جاقتى جاردەم بەرۋدە.
ەرىكتىلەر شتابىنىڭ نەگىزگى ماقساتى – تەحنوگەندىك اپاتتان زارداپ شەككەن تۇرعىندارعا كومەك بەرۋ, قولداۋ كورسەتۋ جۇمىستارىن جۇي̆ەلى جۇزەگە اسىرۋ مەن ۆولونتەرلىكتىڭ جوعارى مادەنيەتىن ساقتاي وتىرىپ, كومەككە مۇقتاجداردىڭ الەۋمەتتىك-ەكونوميكالىق قاۋىپسىزدىگىن قامتاماسىز ەتۋ.
– شتاب جۇمىسىن ناقتى كورسەتكىشتەر ارقىلى سيپاتتاپ بەرسەڭىز.
– رەسپۋبليكامىزدىڭ بارلىق وڭىرىنەن, سونداي-اق تۇركىستان وبلىسىنىڭ اۋدان, قالالارىنان جانە «شىمكەنت ۆولونتەرلەر قاۋىمداستىعى», باسقا دا جاستاردىڭ باستامالارىمەن ۇي̆ىمداستىرىلعان گۋمانيتارلىق-ماتەريالدىق كومەك كەرۋەندەرى ءالى دە ماقتاارال اۋدانىنا تولاسسىز كەلىپ جاتىر.
وسى كۇنگە دەيىن «بىرگەمىز, ماقتاارال!» ۆولونتەرلەر شتابى 170-كە جۋىق وتباسىنا جانە 1500-گە جۋىق تۇرعىنعا الەۋمەتتىك كومەك پەن جەكەلەگەن سۇرانىستار بويىنشا كومەك كورسەتتى.
شتاب الداعى ۋاقىتتا ماقتاارال اۋدانىنداعى الەۋمەتتىك از قامتىلعان وتباسىلاردىڭ بالالارىنا جازعى وقۋ-جاتتىعۋ لاگەرىن ۇيىمداستىرۋ جۇمىستارىن قولعا الماق. سونداي-اق تابيعي اپاتتان زارداپ شەككەن تۇرعىندار, جاسوسپىرىمدەر مەن بالالاردىڭ قورقىنىشىن سەي̆ىلتەتىن ارنايى ترەنينگتەر مەن وي̆ىندار وتكىزۋدە.
اڭگىمەلەسكەن
سۆەتلانا عالىمجانقىزى,
«Egemen Qazaqstan»
