«نۇر وتان» حدپ اقتوبە وبلىستىق فيليالىنىڭ كەزەكتەن تىس حVI كونفەرەنتسياسى وتكىزىلدى. وعان پارلامەنت دەپۋتاتتارى, بارلىق باستاۋىش ۇيىمداردان سايلانعان 177 دەلەگاتتىڭ 162-ءسى, پارتيانىڭ وبلىستىق فيليالى ساياسي كەڭەسىنىڭ مۇشەلەرى, قالالىق جانە اۋداندىق فيليالدارى توراعالارىنىڭ ءبىرىنشى ورىنباسارلارى, ۇكىمەتتىك ەمەس ۇيىمدار وكىلدەرى قاتىستى.
«نۇر وتان» حدپ اقتوبە وبلىستىق فيليالىنىڭ كەزەكتەن تىس حVI كونفەرەنتسياسى وتكىزىلدى. وعان پارلامەنت دەپۋتاتتارى, بارلىق باستاۋىش ۇيىمداردان سايلانعان 177 دەلەگاتتىڭ 162-ءسى, پارتيانىڭ وبلىستىق فيليالى ساياسي كەڭەسىنىڭ مۇشەلەرى, قالالىق جانە اۋداندىق فيليالدارى توراعالارىنىڭ ءبىرىنشى ورىنباسارلارى, ۇكىمەتتىك ەمەس ۇيىمدار وكىلدەرى قاتىستى.
كونفەرەنتسيادا «نۇر وتان» حدپ وبلىستىق فيليالى توراعاسىنىڭ ءبىرىنشى ورىنباسارى اسقار عابيدۋللين «قازاقستان-2050» ستراتەگياسىن جۇزەگە اسىرۋ اياسىندا «نۇر وتان» حدپ جاڭا مىندەتتەرى جانە پارتيانىڭ «نۇر وتان». نۇرلى بولاشاق جولىندا!» ساياسي جوباسى تۋرالى» دەگەن تاقىرىپتا بايانداما جاسادى. ول ساياسي دوكترينانىڭ باسىم باعىتتارىن تاراتا اڭگىمەلەي كەلىپ, پارتيانىڭ ۇزاق مەرزىمدى باعدارلاماسىن جۇزەگە اسىرۋعا بايلانىستى بايلامدى ويلارىن ورتاعا سالدى.
– قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ ايقىنداعان «قازاقستان-2050» ستراتەگياسىنىڭ جاڭا ساياسي باعىتىنا بايلانىستى بارلىق جوسپارلارىمىز بەن مىندەتتەرىمىزدى ەلدى 2050 جىلعا دەيىن دامىتۋدىڭ ستراتەگياسى باستى قاعيدالارىمەن سايكەستەندىرۋىمىز قاجەت. بۇل – باستى دامۋ جولىمىز جانە بولاشاقتاعى جەتىستىكتەرىمىزدىڭ كەپىلى. دامۋدىڭ ۇزاق مەرزىمدى باعىت-باعدارى مەن جالپىۇلتتىق جەتىستىكتەردىڭ ستراتەگيالىق كورىنىسىن ازىرلەۋگە دەگەن وبەكتيۆتى تاريحي سۇرانىستى «نۇر وتان» پارتياسى عانا ساباقتاستىرۋدا. ەل ازاماتتارىنىڭ ءومىرىن ساپالى جاقسارتۋعا ۇمتىلىس, ونى قوعامنىڭ ءبىرلەسكەن كۇش-جىگەرىمەن جانە الەۋمەتتىك كەلەڭسىزدىكتەرسىز قامتاماسىز ەتۋگە دايىن بولۋ – پارتيا دوكتريناسىنىڭ ارقاۋى مەن وزەگى بولىپ تابىلادى, – دەدى اسقار عابيدۋللين.
كونفەرەنتسيادا ءسوز العان پارلامەنت سەناتىنىڭ دەپۋتاتى, «نۇر وتان» حدپ ساياسي كەڭەسىنىڭ مۇشەسى سەرگەي گروموۆ بارلىق باسىمدىعىمىزدىڭ وزەگى مەملەكەتىمىزدىڭ تاۋەلسىزدىگى, ەلىمىزدىڭ ەگەمەندىگى دەگەندى العا تارتا وتىرىپ, پارتيانىڭ ساياسي دوكتريناسىنىڭ وسى قۇندىلىقتارىمىزدى نىعايتۋعا باعىتتالعانىن اتاپ ءوتتى. ال پارلامەنت ءماجىلىسىنىڭ دەپۋتاتى, «نۇر وتان» حدپ فراكتسياسى جەتەكشىسىنىڭ ورىنباسارى ەرگەن دوشاەۆ ساياسي دوكترينانى دامۋدىڭ جاڭا كوكجيەكتەرىن اشقان, پارتيانىڭ يدەيالىق-دۇنيەتانىمدىق جانە قۇندىلىقتى باعدارلارىن انىقتاعان باياندى قۇجات رەتىندە باعالادى.
باسقا سويلەگەندەر دە ساياسي دوكترينادان تۋىندايتىن مىندەتتەردى جۇزەگە اسىرۋ جايىنا جان-جاقتى توقتالدى.
كونفەرەنتسيادا الدا بولاتىن «نۇر وتان» حدپ-نىڭ كەزەكتەن تىس حV سەزىنە دەلەگات بولىپ 58 اقتوبەلىك سايلاندى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
