«وسىعان وراي, العاش رەت Elicense.kz پورتالى ارقىلى ونلاين-رەجيمدە ينۆەستيتسيالىق كەلىسىمشارت جاسالدى. كەلىسىم-شارت «كاز سولار 50» كومپانياسىمەن جاسالدى, ول «Solarnet Investment GmbH» نەمىس كومپانياسىمەن بىرلەسىپ قاراعاندى وبلىسىنىڭ اۋماعىندا 5 ملرد تەڭگەدەن استام سوماعا جەك سالاسىندا قۋاتى 26 مۆت قۇرايتىن جوبانى جۇزەگە اسىرادى.
ونلاين فورماتتا ينۆەستيتسيالىق كەلىسىم-شارتتاردى جاساۋ ءۇشىن تەحنيكالىق مۇمكىندىك جاساۋ بىرقاتار وزگەرىستەرگە جول اشاتىن بولادى. ولاردىڭ قاتارىندا مەملەكەت پەن بيزنەس-قاۋىمداستىعى اراسىنداعى ءتيىمدى ءوزارا ءىس-قيمىلدى قامتاماسىز ەتۋگە مۇمكىندىك بەرەتىن ءوتىنىم بەرۋ پروتسەسىن وڭتايلاندىرۋ جانە ونى كەلىسۋ, ليتسەنزيالاۋ پروتسەستەرىن, رۇقسات بەرۋ قۇجاتتارىن اۆتوماتتاندىرۋ ماسەلەلەرى بار.
سونىمەن قاتار قىزمەت كورسەتۋ ۋاقىتى دا قىسقارتىلدى: بۇگىنگى كۇنى ول 27 جۇمىس كۇنىن قۇرايدى. پايدالانۋشىلىق ينتەرفەيس قىزمەتتەردى اۆتوماتتاندىرۋعا قويىلاتىن تالاپتارعا سايكەس قىزمەت الۋ قولايلىلىعى قاراستىرىلىپ, مەملەكەتتىك ورگاندارعا ءوز بەتىنشە جۇگىنۋ قاجەتتىلىگى جويىلدى.
مۇنداي سەرۆيستەردىڭ پايدا بولۋى جانە راسىمدەردى وڭتايلاندىرۋ قازاقستاننىڭ ينۆەستورلار الدىنداعى باسەكەلەستىك ارتىقشىلىعىن قۋاتتايدى» دەلىنگەن حابارلامادا.
