توتەنشە جاعداي رەجىمىن قامتاماسىز ەتۋ جونىندەگى مەملەكەتتىك كوميسسيانىڭ قورىتىندى وتىرىسىندا پرەزيدەنت قاسىم-جومارت توقاەۆ الداعى ۋاقىتتا ەلىمىزدە قانداي ىستەر اتقارىلاتىنىن رەت-رەتىمەن بايانداعان. جاۋاپتى تۇلعالارعا تاپسىرمالار جۇكتەلدى. راسىندا, توتەنشە جاعداي رەجىمى اياقتالعانىمەن, كارانتيننىڭ جالعاسقانى وتە ورىندى بولدى. ويتكەنى ىندەتتىڭ قاۋپى ءالى دە بار.
توتەنشە جاعداي رەجىمىن قامتاماسىز ەتۋ جونىندەگى مەملەكەتتىك كوميسسيا اۋقىمدى جۇمىس اتقاردى. ال پرەزيدەنتتىڭ شەشىمىمەن قولجەتىمدى نەسيە بەرۋ, كوكتەمگى ەگىس ناۋقانىن جۇرگىزۋ, جۇمىس ورىندارىن اشۋ جانە ساقتاۋ ءۇشىن ايتارلىقتاي قاراجات ءبولىندى. مۇنىڭ بارلىعى دا ەل يگىلى ءۇشىن ىستەلىپ جاتقان شارۋالار. ساراپشىلار جاھان ەكونوميكاسى سوڭعى ءجۇز جىل ىشىندە بولماعان دەڭگەيگە تۇسەتىنىن بولجاپ وتىر. وسىنداي جاعدايعا قاراماستان, ەلىمىز بىرقاتار باسىمدىققا يە بولىپ وتىرعانىن ايتقىم كەلەدى.
پرەزيدەنت ءوز مالىمدەمەسىندە بۇگىنگى كۇنگە دەيىن قازاقستان بويىنشا 4 ميلليون 250 مىڭ ازاماتقا قارجىلاي كومەك, 570 مىڭنان استام ادامعا ازىق-ت ۇلىك بەرىلگەنىن ايتتى. جۇمىستارى توقتاپ, ۇيلەرىندە وتىرۋعا ءماجبۇر بولعانداردىڭ ارقايسىسىنا 42 500 تەڭگەدەن بەرىلۋى حالىقتى قۋانتىپ, سەنىمدەرىن نىعايتىپ تاستاعانى بەلگىلى.
مەملەكەت باسشىسى ءوز مالىمدەمەسىندە ءساۋىر-مامىر ايلارىندا 1,6 ميلليوننان استام ادامعا كوممۋنالدىق تولەم كومەگى كورسەتىلگەنىن ايتتى. سونىمەن بىرگە شاعىن جانە ورتا بيزنەسكە دە قولداۋ كورسەتۋ جالعاسا بەرەتىنى پرەزيدەنتتىڭ وسى مالىمدەمەسىندە انىق ايتىلدى. مىسالى, بيزنەس وكىلدەرىنە نەسيەلەرىن كەيىن تولەۋ مۇمكىندىگىنىڭ جاسالۋى دا ەكونوميكانىڭ نەگىزگى ءبىر بۋىنىنىڭ السىرەمەي, نىعايا تۇسۋىنە وڭ اسەر ەتەرى دە انىق.
ەلىمىزدىڭ ىندەت ءورشىپ تۇرعان وڭىرلەرىندە كارانتين جالعاسادى. سوندىقتان ەلدەگى كوروناۆيرۋس قاۋپى سەيىلمەي بىرقاتار شەكتەۋلەر كۇشىندە قالا بەرمەك. قاۋىپسىزدىك ەرەجەلەرىن ساقتاپ, ادام كوپ شوعىرلانعان ورىنداردا مۇقيات بولايىق.
باحادىر نارىمبەتوۆ,
Nur Otan پارتياسى شىمكەنت قالاسى فيليالى توراعاسىنىڭ ءبىرىنشى ورىنباسارى
