مەملەكەت باسشىسى نۇرسۇلتان نازارباەۆ موناكو كنيازدىگىنە رەسمي ساپارى اياسىندا جەتەكشى ينفراقۇرىلىمدىق كومپانيالار باسشىلارىمەن كەزدەسۋ وتكىزدى. بۇل تۋرالى اقوردا. كz حابارلادى.
كەزدەسۋگە Swissport International كومپانياسىنىڭ پرەزيدەنتى, باسقارما توراعاسى پ.ۋتنەگارد پەن Flughafen Zurich AG كومپانياسىنىڭ قارجى جونىندەگى ۆيتسە-پرەزيدەنتى د.شمۋككي قاتىستى.
اڭگىمەلەسۋ بارىسىندا ەۋرازيالىق كولىك ينفراقۇرىلىمى ماسەلەلەرى, سونداي-اق قازاقستان اۋەجايلارىن دامىتۋ جانە ولاردى حالىقارالىق ستاندارتتارعا سايكەستەندىرۋ سالاسىنداعى ىنتىماقتاستىقتىڭ كەلەشەگى تالقىلاندى.
كەزدەسۋ اياسىندا اۋەجايلار جەلىسىن باسقارۋ جونىندە بىرلەسكەن كاسىپورىن قۇرۋ جونىندە مەموراندۋمدارعا قول قويۋ تۋرالى كەلىسىمگە قول جەتكىزىلدى.
Swissport International – جەرۇستى قىزمەتىن ۇسىناتىن, 38 ەلدىڭ 192 اۋەجايىمەن بايلانىس جاسايتىن الەمدەگى جەتەكشى كومپانيا.
Flughafen Zurich AG – تسيۋريح قالاسى اۋەجايىنىڭ يەسى ءارى وپەراتورى, سونداي-اق بۇكىل الەمنىڭ وزگە دە 10 اۋەجايىن باسقارۋعا قاتىسادى.
