الماتى ازياداعا ادىمداپ بارادى

اۋەلى از عانا تاريح. وسىدان ءتورت جىل بۇرىن, 2006 جىلدىڭ 4 ناۋرىزىندا الىستاعى كۋۆەيتتە ازيانىڭ وليمپيالىق كەڭەسىنىڭ باس اسسامبلەياسى جاس قازاق مەملەكەتى ءۇشىن ماڭىزى زور شەشىم قابىلدادى. ول شەشىم بويىنشا 2011 جىلعى ءVىى قىسقى ازيا ويىن­دارىن وتكىزۋ قۇقىعىن قازاقستاننىڭ يەلەنۋى بارشا وتانداستارى­مىزدى مەرەيلەندىرىپ, ماقتانىش سەزىمىنە بولەگەن ەدى. اتالمىش ويىنداردى استانا جانە الماتى قالالارىندا ويداعىداي وتكىزۋ ماقساتىندا پرەمەر-مينيستر كارىم ءماسىموۆ باستاعان ۇيىمداستىرۋ كوميتەتى قۇرىلعان بولاتىن. سودان بەرى ۇلكەن جارىستى وتكىزۋگە دايىندىق جۇمىستارى تولاسسىز ءجۇرىپ جاتىر. ءاربىر كۇن ءبىزدى ەلىمىزدە بۇرىن-سوڭدى بولىپ كورمەگەن عالامات سپورت دوداسى – ازياداعا جاقىنداتا تۇسۋدە. استانا جانە الماتى قالالارىندا 2011 جىلدىڭ 30 قاڭتارى مەن 6 اقپانى ارالى­عىندا وتەتىن وسىناۋ ءVىى قىسقى ازيا ويىن­دارىنىڭ اۋقىمى اۋىز تولتىرىپ ايتۋعا تۇرارلىقتاي. ونىڭ جالپى باعدارلاماسىنا كەلەر بولساق, سپورتتىڭ 11 ءتۇرى بويىنشا 70 مەدالدار جيىنتىعىن ساراپقا سالۋ كوزدەل­گەن. ازيادا باعدارلاماسىنىڭ الماتىلىق بولىگىندە جارىستار سپورتتىڭ 8 ءتۇرى بويىن­شا: شاڭعىمەن جۇگىرۋ, بياتلون, تاۋ شاڭ­عىسى, فريستايل, شاڭعىمەن تۇعىردان سەكىرۋ, دوپتى حوككەي (بەندي), شاڭعىداعى قىسقى سپورتتىق باعدارلاۋ جانە ايەلدەر حوككەيى­نەن وتەتىن بولىپ كەلىسىلگەن. قازاقستاندا تۇڭعىش تۋ كوتەرگەن اق ازياداعا ازيانىڭ 30-عا جۋىق ەلى, 1000-نان استام سپورتشى قاتىسادى دەپ كۇتىلۋدە. بۇلاردىڭ قاتارىندا قىتاي, جاپونيا, كورەيا, كحدر, موڭعوليا, گونكونگ, تاي­لاند, كۋۆەيت, مالايزيا, فيليپپين, باە, پاكىستان, ءۇندىستان, يران, ليۆان, يوردا­نيا, پالەستينا, نەپال, اۋعانستان جانە باسقا ەلدەر بار. سونداي-اق وسى ويىندار­دىڭ اياسىندا 45 ازيا ەلىنىڭ سپورت قوزعالى­سى باسشىلارى قاتىساتىن ازيا وليمپيا­لىق كەڭەسىنىڭ كەزەكتى باس اسسامبلەياسى بولماقشى. الدىن-الا ەسەپتەۋلەر بويىنشا ازيادا كەزىندە ەلىمىزگە 10 مىڭعا جۋىق شەتەلدىك قوناقتار كەلمەك. البەتتە, مۇندايلىق جوعارى دەڭگەيدەگى الەمدىك جارىستى ابىرويلى وتكىزۋ, سونىڭ بارلىق جاعدايلارىنا ىقتياتتى دايىندىق­پەن ساقاداي ساي تۇرۋ ەلدىگىمىزگە دە سىن ءارى بۇل وزىمىزگە دە ۇلكەن مەكتەپ بولىپ, شىڭدا­لىپ وسە تۇسپەكپىز, حالىقارالىق جيىندار­دىڭ ۇلگىلى تاجىريبەسىن جيناپ, وسى ورايداعى مادەنيەت ورەمىز بيىكتەي تۇسپەك. ازيادانى نەعۇرلىم جاقسى وتكىزسەك, ايداي الەمگە قازاق ەلى سولعۇرلىم جارقىراپ تانىلماق, بەدەلى­مىز ارتا بەرمەك. ەندەشە, تورىمىزدە تورەدەي قابىلدايتىن ازيادا تەك سپورتتىق جارىس قانا ەمەس, ول الەمدىك قوعامداستىققا كىرىگۋ­دىڭ, ەلىمىزدى ءدۇيىم دۇنيەگە تانىتۋدىڭ ىزگىلىككە تولى ۇلكەن ساياساتى. ەلباسىمىز جالىق­پاي ايتاتىن وزىق 50 ەلدىڭ قاتارىنا قوسىلۋ, باسەكەگە قابىلەتتىلىك ماسەلەلەرى دە ناق وسى سىندارلى ساياساتتىڭ اياسىنان تابىلماق. ولاي بولسا, ءVىى قىسقى ازيا ويىندارى­­نا دايىندىقتىڭ جايىنا مەملەكەت باسشىسىنىڭ ەرەكشە ءمان بەرىپ, تىكەلەي باقى­لاۋىنا الۋى تەگىن بولماسا كەرەك. وتكەن جىلدىڭ العاشقى ايلارىندا الەمدىك قارجى داعدارىسىنا بايلانىستى ازيادا وتەدى-وتپەيدى دەگەن الىپقاشپا اڭگىمەلەرگە ءۇزىلدى-كەسىلدى توقتاۋ سالىپ, كۇمان-كۇدىكتى ءبىرجولا سەيىلتكەن دە ەلباسىمىزدىڭ ءوزى بولاتىن. سوندا 9 ساۋىردە الماتى قالاسى­نىڭ اكىمدىگىندە وتكىزگەن كەڭەستە الماتى­داعى ازيادا نىساندارىنىڭ قۇرىلىسىن اياقتاۋعا قوسىمشا 13 ملرد. تەڭگە بولگىزىپ, بۇل ماسەلە­گە نۇكتە قويعان ءساتى دە ءبىزدىڭ كوز الدىمىزدا. جاڭا جىل قارساڭىندا شىم­بۇلاقتا جۋرناليستەرگە شاي بەرىپ وتىرىپ وڭتۇستىك استانا اكىمى احمەتجان ەسىموۆتىڭ: “سول جولى ازيادانى الماتىدا وتكىزۋ قاجەتتىگىنە نۇرسۇلتان ءابىش ۇلىنىڭ كوزىن جەتكىزگەنىمدى ماقتانىش ەتەمىن!” دەپ مەرەي­لەنە سويلەۋى دە بۇل ورايدا ابدەن جاراسىم­دى كورىنگەن. البەتتە, 2010 جىل – ءVىى قىسقى ازيا ويىندارىنا ازىرلىكتىڭ اسا ماڭىزدى نەگىزگى كەزەڭى. قاڭتار ايىندا ازياداعا قاتىستى بارلىق سپورت نىساندارىندا كەزەڭ-كەزەڭىمەن سىنامالىق جارىستار وتكىزۋدىڭ كەستەسى جاسالعان-دى. قازىردىڭ وزىندە “مىڭ ءبىر ءتۇن” ەرتەگىسىندەي عاجايىپقا اينالىپ ۇلگەرگەن شىمبۇلاق تاۋ شاڭعىسى كەشەنىن­دە, بۇرىنعى پوشىمىنان تانىماستاي وزگەرىپ ەڭسەلەنگەن بالۋان شولاق اتىنداعى سپورت سارايىندا شاڭعىمەن جۇگىرۋدەن, بياتلوننان, شايبالى حوككەيدەن جۇرتقا قۋانىش سىيلاعان جارىستار ساتىمەن وتكىزىلىپ تە جاتىر. 30 قاڭتاردا الماتىدا “ازياداعا 1 جىل قالدى” دەگەن اتپەن وتكەن ءارتۇرلى مادەني-كوپشىلىك شارالار دا كوپشىلىك كوڭىلىنەن شىقتى. 2011 جىلعى ازيادا كەزىندە اتوي-دۇبىرگە تولاتىن الماتى قالاسىنىڭ سپورتتىق نىساندارىنا توقتالار بولساق, ولارداعى جاڭارتۋ, جوندەۋ جونىندەگى بارلىق قۇرىلىس جۇمىستارى ءوز قارقىنىن باسەڭدەتپەي, بەلگىلەنگەن كەستەگە ساي اتقارىلىپ كەلەدى. قارجى ورايىندا ايتا قالعانداي قيىندىق تۋىنداي قويعان جوق. وتكەن جىل بويى بۇلارداعى جۇمىستىڭ جاي-كۇيىن پرەمەر-مينيستر باقىلاۋىندا ۇستاپ, بىرەر رەت ارنايى كەلىپ كوردى. بارلىق قۇرىلىس نىسان­­دارى بويىنشا الماتى قالاسىنىڭ اكىمىنە اپتا سايىن ەسەپ بەرىلىپ تۇرادى. وتكەن جىلدىڭ 16 جەلتوقسانىندا جاراق­تانىپ-جاسانىپ, زاماناۋي كەيىپكە ەنگەن “مەدەۋ” مۇز ايدىنى حالىقتىڭ سىرعاناۋى ءۇشىن رەسمي تۇردە اشىلدى. سونىمەن, ازيا­دا جارىستارى تاۋ شاڭعىسى سپورتى مەن فريستايلدان – “شىمبۇلاق” تاۋ شاڭعىسى كەشەنىندە, دوپتى حوككەيدەن – بيىكتاۋلى “مەدەۋ” مۇز ايدىنىندا, تۇعىردان شاڭعى­مەن سەكىرۋدەن – شاڭعى تۇعىرلارى كەشەنىن­دە, شاڭعىمەن جۇگىرۋدەن جانە بياتلون مەن شاڭعى سپورتىنداعى باعدارلاۋدان – تالعار اۋدانىنداعى شاڭعى جانە بياتلون ستاديون­دارى كەشەنىندە, ايەلدەر اراسىنداعى شايبالى حوككەيدەن – بالۋان شولاق اتىنداعى مادەنيەت جانە سپورت سارايىندا وتەتىن بولادى. بۇلارداعى جاڭارتۋ-جوندەۋ جۇمىستارىنىڭ نەگىزىنەن كوبى ءبىتىپ, ارلەۋ, ساندەۋ سياقتى ازى قالعان. بىلتىرعىداي “بىتپەي قالادى-اۋ” دەگەن, قارجىعا تىرەلگەن ءدۇدامال اڭگىمە قازىر ساپ تىيىلعان. ازياداعا دايىندىق ءىسى سپورتتىق نىسان­دار, سپورت ماسەلەلەرىمەن عانا شەك­تەل­مەيدى. ول جان-جاقتى بولىپ, بارلىق سالا­لاردى قامتىپ, كوپتەگەن جايتتەردى قاعىس قالدىر­ماي ەسكەرۋى ءتيىس. ايتالىق, قالانى وسىناۋ الەمدىك دودا رۋحىنا ساي بەزەندىرۋ ورايىن­داعى جۇمىستار باستالىپ تا كەتكەن. اۋەجاي­دا, شىمبۇلاق پەن مەدەۋ باعىتىن­داعى جول بويىندا ازيادا مانەر-ورنەگىن­دەگى ايشىقتى بيلبوردتار ورنالاستىرىلدى. وسى رەتتە جىگەرلى دە بىلىكتى ازامات سۇلتانماحمۇت شوق­پىتوۆ باسقاراتىن 2011 جىلعى قىسقى ازيا ويىندارىنىڭ الماتى قالاسىنداعى ديرەك­تسياسى كوپتەگەن يگى ىستەرگە ۇيتقى بولۋدا. “الماتى-جارناما” جانە “الماتى­قا­لا­لىق­بەزەندىرۋ” مەكەمەلەرىمەن بىرلەسە وتى­رىپ بۇل ديرەكتسيا وڭتۇستىك استانانى ايرىقشا تالعاممەن بەزەندىرۋگە كىرىستى. ازيادا ءرامىز­دەرىنىڭ اقپاراتتىق تۇرعىدان ناسيحاتتالىپ, كوپشىلىككە كەڭىنەن تانىلۋىنا جول اشتى. وسى زاماندا بىردە-ءبىر سپورتتىق شارا ۆولونتەرلەرسىز وتپەيتىنىنە كوز جەتىپ بول­عالى قاشان. ازيا ويىندارى كەزىندە الماتى قالاسى بويىنشا جاردەمشىلىككە 2000 ۆولون­تەر تارتۋ كوزدەلگەن. سول ءۇشىن قالالىق دي­رەك­تسيا نەگىزىندە ۆولونتەرلەر قۇرامى جينا­لىپ جاساقتالۋدا. بارلىق ۆولونتەرلەر “قىسقى ازيا ويىندارىنىڭ تاريحى مەن ماڭى­زى”, “قاتىسۋشى ەلدەردىڭ تاريحى مەن مادەنيەتى”, “العاشقى دارىگەر­لىك كومەك نەگىز­دەرى”, “جارىستىڭ وتەتىن ورىنى مەن ۋاقى­تى”, “سپورت تۇرلەرى جايلى ادەپكى ءبىلىم” اتتى سەمينارلىق كۋرستاردا وقىتى­لادى. ۆولونتەرلەر الماتى قالاسىندا وتەتىن مادەني-كوپشىلىك جيىندارعا, سونداي-اق ءىرى سپورتتىق جارىستارعا قىزمەت ەتۋگە تارتىلاتىن بولادى. قۋانارلىق ءبىر جاي, “مادەني ازيادا” دەپ اتالاتىن مادەني-كوپشىلىك شارالار باعدار­لاماسى ازىرلەندى. “مادەني ازيادا” ويىن­دار باستالاردان ەكى اي بۇرىن مۇز مۇسىندەر مەرەكەسىمەن اشىلماق. جالپى, بۇل جوبا وتە مۇقيات ويلاستىرىلىپ, نەگىزىنەن شەتەلدىك قوناقتاردى قازاقستاننىڭ, قازاق ۇلتىنىڭ مادەنيەتىمەن جانە سالت-ءداستۇر­لەرىمەن تانىس­تىرۋدى, الماتىداعى ازيا ويىندارى باعدار­لاماسىن وقيعالىق تۇرعى­دان قىزعىلىقتى ەتىپ, مازمۇنىن بايىتا ءتۇسۋدى ماقسات تۇتقان. سونىمەن قاتار رەسمي دەلەگاتسيالاردىڭ, قۇرمەتتى مەيمان­داردىڭ, جارىستارعا قاتىسۋشىلاردىڭ, جۋرناليس­تەر­دىڭ, سونداي-اق قالا تۇرعىندارى مەن قوناق­تارىنىڭ بوس ۋاقى­تىن كوڭىلدى ەتىپ ءماندى-ماعىنالى تۇرعى­دان ۇيىمداستىرۋ نازاردان تىس قالماعان. “مادەني ازيادا” اياسىنداعى جوبالارعا توقتالار بولساق, ولار – قارلى بارىس سايا­باعى, “ ۇلى جىبەك جولى” جارمەڭكە-فەستي­ۆالى, الماتىنىڭ مادەني ارنالارى مەن ءداس­تۇر­لەرى, ازيادانىڭ “7 جۇلدىز” اللەياسى, عا­جايىپ قالا وتتارى, ازيا ەلدەرىنىڭ مادەنيەت فەستيۆالى دەگەن اتاۋلارمەن سالا-سالا بولىپ تارامدالا ءبولىنىپ كەتەدى. مىسا­لى, ازيا ەلدەرىنىڭ مادەنيەت فەستي­ۆالى سول ەلدەردىڭ مادەنيەتتەرىمەن تانىستىرۋدى كوزدەيدى. بۇل ءۇشىن ازيا فيلمدەرىنىڭ فەستيۆالى, ءداستۇرلى تەاتر قويىلىمدارى, ازيا حالىقتارىنىڭ قولدانبالى ونەر كورمەسى, “ازيا اس ءمازىرىنىڭ” گاسترونوميا­لىق فەستيۆالى سياقتى ساناتتى باعدار­لامالار ىسكە اسىرىلماق. “جەتى جۇلدىز” اتتى ازيادا داڭقىنىڭ اللەياسىن جاساۋ دا الماتىنى اجارلان­دى­رىپ, قالا تاريحىن ايشىقتاي تۇسەر ايتۋلى وقي­عا بولماق. وندا ءVىى قىسقى ازيا ويىن­دارىندا جەڭىستىڭ ەڭ بيىك تۇعىرىنا كوتەرىل­گەن بارلىق چەمپيونداردىڭ ەسىمدەرى ماڭگى­لىك ەستە قالدىرىلىپ جازىلادى. اللەيا جەڭىم­پازدارعا دەگەن قۇرمەتتى بەينەلەپ, ال­ماتى­نىڭ سپورت­تىق جەتىستىكتەرىنىڭ نىشانى­نا, سپورتتىق وردالى وتباسى بىرلىگى مەن دوستىق نىشانىنا اينالار ۋاقىت تا الىس ەمەس. قاتىسۋشىلاردىڭ تىركەلۋى مەن اككرە­ديتا­­تسياسىن قامتاماسىز ەتىپ, ورنالاستىرۋ­دى, تاسىمالداۋدى ءھام تاماقتاندىرۋدى بارىنشا وڭتايلاندىرۋ ءۇشىن لوگيستيكالىق ورتالىق ۇيىمداستىرىلۋى دا الەمدىك تالاپ­قا ساي دەمەكپىز. سونىمەن بىرگە ۆيزالىق قولداۋ, جۇكتەردى جەتكىزۋ, تەحنيكالىق قامتا­ماسىز ەتۋ ماسەلەلەرى دە شەشىمىن تاۋىپتى. نەگىزگى اككرەديتاتسيالىق ورتالىق رەتىندە الماتى قالاسىنىڭ حالىقارالىق اۋەجايى تاڭدالۋى دا تابىلعان اقىل. مۇنىڭ سىر­تىن­دا قوسىمشا اككرەديتاتسيالىق ورتالىق­تار دا ويلاستىرىلعان ەكەن. ياعني, سپورتشى­لار, باپكەرلەر, تورەشىلەر, دارىگەرلەر جانە باسقالار ءۇشىن – “Astana ءىnternatىonal”, ازيا وليمپيالىق كەڭەسى وتباسىلارىنىڭ مۇشە­لەرى جانە جوعارى لاۋازىمدى ادامدار ءۇشىن – ء“ىnter ءContىnental Almaty The Ankara ءىn Kasakhstan” قوناق ۇيلەرى. جۋرناليستەر “قازاقستان” قوناق ۇيىندە تىركەۋدەن وتەدى. 2011 جىلعى ءVىى قىسقى ازيا ويىندارىنىڭ ۇيىمداستىرۋ كوميتەتى سونداي-اق كەلۋ ۆيزا­سى­نىڭ قىزمەتىن اتقاراتىن اككرەديتا­تسيا­لىق كارتوچكالاردى دا جوبالاپ وتىرعان كورىنەدى. ازياداعا قاتىسۋشىلار مەن قوناقتاردىڭ ورنالاسۋ جايى دا مۇقيات ويلاستىرىلىپ, ولاردى توپتارعا ءبولۋ جۇيەسى قولدانىلماق. جوعارىدا اتالعان قوناق ۇيلەرمەن قاتار “راحات پالاس وتەل”, “Golden ءHىlls”, “امباسسادور”, “دوستىق”, “تيان-شان”, “حوليدەي ينن” جانە باسقا مەيمانحانالار ەسىكتەرىن ايقارا اشىپ, اتاقتى الماتى قوناقجايلىعىن تانىتپاق. جالپى ايتار بولساق, الداعى ازيادا-2011-ءدى مۇلتىكسىز وتكىزۋ اۋقىمى مول, جاۋاپ­كەر­شىلىگى زور مەملەكەتتىك ءىس. ۇلكەن ۇيىم­شىل­دىق, سوعان قوسا مەملەكەتتىك جانە مەم­لە­كەتتىك ەمەس قۇرى­لىم­داردىڭ قيمىل بىرلىگى قاجەت ەتىلەدى. سون­دىقتان دا بولار, ەلىمىزدە ازيا ويىندارىن وتكىزۋگە ازىرلىك ماسەلەسى­مەن وسى ماقساتتا ارنايى قۇرىلعان ءۇش بىردەي قۇرىلىم بەل شەشىپ شۇعىلدانۋدا. ولار كىمدەر دەسەڭىز, اۋەلگىسى – تۋريزم جانە سپورت مينيسترلىگى تارا­پىنان قۇرىلعان “2011 جىلعى ءVىى قىسقى ازيا ويىندارى ۇيىم­داستىرۋ كوميتەتىنىڭ اتقارۋشى ديرەك­تسيا­سى” اق, ەكىنشىسى – استانا قالا­سىنىڭ اكىمدىگى قۇرعان “2011 جىلعى ءVىى قىسقى ازيا ويىن­دارىن جانە ازيا وليمپيالىق كەڭەسى وليم­پيالىق الاۋىنىڭ ەستافەتاسىن ۇيىمداستىرۋ مەن وتكىزۋ جونىندەگى قالالىق ديرەكتسياسى” مەملەكەتتىك كوممۋنال­دىق قازى­ناشىلىق كاسىپورنى. ال, يگى ىستەرى ءبىز­دىڭ اڭگىمەمىزگە ارقاۋ بولىپ وتىرعان ناق وسىن­داي ءۇشىنشى ديرەكتسيا الماتى قالاسى اكىمدىگىنىڭ قۇزىرىندا جۇمىس ىستەپ جاتىر. مۇنىڭ سىر­تىن­دا قالا اكىمى احمەتجان ەسىموۆ­تىڭ شەشىمى­مەن ازيادانى ازىرلەۋ جانە وتكىزۋ جونىندەگى قالالىق كوميتەت قۇرىلىپ, وعان قالانىڭ بارلىق سالالىق بولىمشە­لەرىنىڭ باس­شى­لارى, رەسپۋبليكالىق مەملە­كەت­تىك جانە قوعام­دىق قۇرىلىم­دار­دىڭ (تۋريزم جانە سپورت, مادەنيەت مينيسترلىكتەرى, ۇلتتىق وليمپيا­لىق كوميتەت, قۇرىلىس ىستەرى جونىندەگى كومي­تەت, قر ۇقك شەكارا قىزمەتى) وكىلدەرى كىردى. سايىپ كەلگەندە, بەيبىت ءومىردىڭ شات-شادىمان كوگەرشىنىندەي وسىناۋ سپورت مەرەكەسىنەن تىس قالاتىن سالا جوق دەسە دە بولعانداي. ازيادا كۇندەرىندە ىشكى ىستەر مي­نيسترلىگىنىڭ, ۇلتتىق قاۋىپسىزدىك كوميتەتى­نىڭ, قورعانىس مينيسترلىگىنىڭ, توتەنشە جاعدايلار مينيسترلىگىنىڭ ءتيىستى قىزمەتتەرى تۇگەلدەي ات ۇستىندە بولماق. الماتىنىڭ ىشكى ىستەر دەپار­تامەنتى ۇسىنعان ۇسىنىقتى جوسپارعا سايكەس پوليتسيا تاراپىنان 5 مىڭ ادام قوعامدىق ءتارتىپتى ساقتاۋ ىسىنە تارتىلماق. توتەنشە جاعدايلار جونىندەگى قىزمەت­كەر­لەرگە جۇكتەلگەن مىندەت تە جاۋاپتى. سپورت نىساندارى مەن الماتى قالاسى اۋرۋ­حانالارىنىڭ قاسىندا تىكۇشاق الاڭ­دارىن ورنالاستىرۋ ماسەلەلەرى الدىن-الا ايقىن­دال­دى. بۇل ورايدا قالقامان, №4, ورتالىق قالالىق كلينيكالىق اۋرۋحانالار جانە باسقالارى – بارلىعى جەتى مەكەمە ساقاداي سايلانىپ تۇرادى. ازياداعا قىزمەت كورسەتۋ ءۇشىن 80 مەديتسينا قىزمەتكەرىنە شەت تىلدەرى ۇيرەتىلىپ, دايارلىقتان وتكىزىلۋدە. سپورت نىساندارىنداعى قاۋىپسىزدىكتى, ەلەكتروندى بيلەت پەن بايلانىستى, باقىلاۋدى قامتاماسىز ەتۋ جۇيەلەرى تالاپقا ساي بولۋى كۇنىلگەرى قامدالىپ قاراستىرىلۋدا. قورىتا ايتقاندا, الماتى قالاسىن الداعى ويىندارعا كەشەندى ازىرلەۋ ءجونىن­دەگى تاپسىرمالار ورايىمەن ورىندالىپ جاتىر. بۇكىل جۇمىستىڭ ۇيلەستىرۋ تىزگىنىن وسىنداعى قىسقى ازيا ويىندارىنىڭ ديرەكتسياسى ءوز قولىندا نىق ۇستاعانىن بايقادىق. ناۋرىز­دىڭ العاشقى اپتاسىندا شىمبۇلاقتا ازياداعا دايىندىق اياسىندا تاۋ شاڭعىسى سپورتىنان جاسوسپىرىمدەر اراسىنداعى 19-شى ازيا بىرىنشىلىگى تابىستى ءوتۋى دە قازاقستان ءۇشىن قۋانارلىق جاعداي. وتكەن جىلعى ءساۋىر ايىنداعى ساپارى كەزىن­دە ەلباسى وڭتۇستىك استانادا ىسكەرلىكپەن, دابىراسىز اتقارىلىپ جاتقان ناقتى جۇمىستارعا ريزاشىلىعىن ءبىلدىرىپ, ۇلكەن سەنىم ارتقانىنا ءبىز دە كۋا بولىپ ەدىك. سول قاسيەتتى سەنىمگە ەلدىكتى تانى­تار, ۇلتتىق نامىسىمىزعا سىن الەمدىك دودا­نى وتكىزەر شاقتا دا سەلكەۋ تۇسپەيدى دەپ سەنەمىز. ءيا, الاتاۋ باۋرايىنداعى ارۋ قالا, الىپ مەگاپوليس سول ۇلى سىنعا تىنىمسىز دا تولاسسىز دايىندىق ۇستىندە. الماتى ازياداعا ادىمداپ بارادى... ءيا, ءسات! قورعانبەك امانجول. سۋرەتتى تۇسىرگەن ءالىمجان بارانعۇلوۆ.