بىرىككەن ۇلتتار ۇيىمىنىڭ ينسپەكتورلارى 25 قىركۇيەكتە تاعى دا سيرياعا كەلدى. بۇل تۋرالى ريا «نوۆوستي» اگەنتتىگى حابارلادى.
بىرىككەن ۇلتتار ۇيىمىنىڭ باس حاتشىسى پان گي مۋننىڭ سيريا ۇكىمەتى 21 تامىزدا جاپپاي قىرىپ جوياتىن حيميالىق قارۋ قولدانعانىن نە قولدانباعانىن ودان ارى تەكسەرە ءتۇسۋ ءۇشىن داماسكىگە ەكىنشى رەت ساراپشىلار جىبەرىلگەنىن مالىمدەدى.
شۆەتسيالىق پروفەسسور وكە سەلسترومنىڭ باسقارۋىنداعى ينسپەكتورلار 22-25 تامىز ارالىعىندا سيريادا حيميالىق قارۋعا قاتىستى تەكسەرۋ جۇمىستارىن جۇرگىزگەن ارىپتەستەرىنىڭ بارماعان جەرلەرىن زەرتتەمەك.
رەسەي تاراپى بۇعان دەيىن سيريادا بولعان ەكسپەتتەرتىڭ زەرتتەۋ جۇمىستارىنىڭ جەتكىلىكسىز بولعانىن العا تارتۋدا. سول سەبەپتى بىرىككەن ۇلتتار ۇيىمى ءوز ينسپەكتورلارىن داماسكىگە تاعى دا جىبەرىپ وتىر.
جولدىباي بازار.
