اۋعانستانداعى «تاليبان» قوزعالىسىنا قارۋ-جاراق ساتپاق بولعان اقش ازاماتى الۆار پۋريان 25 جىلعا باس بوستاندىعىنان ايىرىلدى. بۇل تۋرالى يتار-تاسس حابارلادى.
الۆار پۋريان ءوزىنىڭ سەرىگى ودەد ورباكپەن بىرگە 2011 جىلدىڭ اقپانىندا رۋمىنيادا تۇتقىندالعان بولاتىن. اقش-تىڭ ارنايى قىزمەتى انىقتاعانداي, الۆار پۋريان مەن ودەد ورباك «تاليبان» قوزعالىسىنىڭ مۇشەلەرى بولعان.
اقش پروكۋراتۋراسىنىڭ ايتۋىنشا, پۋريان مەن ورباك وزدەرىنىڭ ساتپاق بولعان قارۋ-جاراقتارىمەن اقش اسكەرىنە سوققى جاسالاتىنىن بىلگەن.
بۇلاردىڭ «تاليبان» قوزعالىسىمەن جاساسقان كەلىسىمدەرىنىڭ قۇنى 25 ملن. دوللارعا باعالانعان. پۋريان مەن ورباك وزدەرىنىڭ دەلدالدىق قىزمەتتەرى ءۇشىن 800 مىڭ دوللار الاتىن بولعان.
ال ودەد ورباكتىڭ ىسىنە الداعى 1 قاراشادا نۇكتە قويىلماق.
جولدىباي بازار.
