بىرقاتار ۋاقىتتان بەرى ازاماتتىق اۆياتسيا كوميتەتى, «قازاقستاننىڭ اۆياتسيالىق اكىمشىلىگى» جانە ددۇ ساراپشىلارىمەن اۋە كولىگى ارقىلى اۋرۋدىڭ تارالۋ ماسەلەلەرى بويىنشا بىرلەسىپ جۇمىس ىستەۋدە. ناتيجەسىندە, قازاقستانعا اۋرۋدىڭ تارالۋ قاۋپىنە قارسى كۇرەس ءۇشىن يكاو مەن ددۇ قۇرعان ەرىكتى حالىقارالىق ورگان CAPSCA-عا قوسىلۋ ۇسىنىلدى. بۇل اۆياتسيالىق قاۋىپسىزدىكتى جەتىلدىرۋ ءۇشىن ەلدىڭ اۆياتسيالىق بيلىك ورىندارى جۇرگىزەتىن قىزمەتتىڭ از عانا بولىگى. جۇرگىزىلگەن جۇمىستاردىڭ ناتيجەسىندە حالىقارالىق ۇيىمنىڭ اۆياتسيالىق قاۋىپسىزدىك سالاسىندا قول جەتكىزگەن جەتىستىكتەردى مويىندادى.
بۇگىنگى تاڭدا CAPSCA ماماندارى ازاماتتىق اۆياتسيانىڭ جولاۋشىلار تاسىمالىن قالپىنا كەلتىرۋ جانە COVID-19 تارالۋى جاعدايىندا اۋە كەمەلەرى ەكيپاجدارىنىڭ ۇشۋدى قاۋىپسىز ورىنداۋىن قامتاماسىز ەتۋ شارالارىن تالقىلاۋدا. ۇشۋلاردى ۇزدىكسىز ورىنداۋدى قولداۋ بويىنشا CAPSCA كەڭەسى تۇراقتى تۇردە ونلاين رەجيمىندە ازاماتتىق اۆياتسيادا مۇددەلى تاراپتارمەن ددۇ-مەن, قوعامدىق دەنساۋلىق ساقتاۋ ورگاندارىمەن جانە يكاو ۇيلەستىرۋشىلەرىمەن تىعىز ىنتىماقتاستىقتا وتكىزەدى. قازاقستاننىڭ اۆياتسيالىق اكىمشىلىگى وسى فورۋمدارعا قاتىسۋ ءۇشىن مەديتسينالىق قىزمەتكەرلەرىنىڭ ءبىرىن جانە جەدەل ساراپشىنى تاعايىندادى.
COVID-19 شىققاننان بەرى جۇزدەگەن عىلىمي ماقالالار جاريالاندى جانە ۇلكەن عىلىمي-زەرتتەۋ جۇمىستارى جۇرگىزىلۋدە. ياتا مەديتسينالىق كونسۋلتانتتارى مەن 10 ءىرى اۋە كومپانياسىنىڭ مەديتسينالىق ديرەكتورلار توبىنىڭ ساراپتامالىق باعالارى نەگىزىندە دايىندالعان ەسەپتە, سونداي-اق 70 اۋە كومپانياسىنىڭ (الەمدىك جولاۋشىلار اعىنىنىڭ جارتىسىن قۇرايتىن) بايانداماسىندا ۇشۋ كەزىندە جولاۋشىدان جولاۋشىعا COVID-19 جۇقتىرعان بىردە-ءبىر جاعداي تىركەلمەگەن.
مامانداردىڭ پىكىرىنشە, ۆيرۋستىڭ ۇشۋ كەزىندەگى تارالۋ ىقتيمالدىعىنىڭ تومەن بولۋى اۋە كەمەسىندەگى ۆيرۋستىق ينفەكتسيانىڭ تىكەلەي تارالۋىنا كەدەرگى كەلتىرەتىن اۋا اعىنىنىڭ سيپاتتاماسى مەن باعىتىنىڭ ەرەكشەلىكتەرىنە بايلانىستى. اۋە كەمەسى - قىسىمداعى اليۋميني قۇبىرىنىڭ ءبىر ءتۇرى. اۋا اتموسفەرادان تۇسەدى جانە سالوننىڭ جوعارعى بولىگىنە بەرىلەدى. تازا اۋا ىشتە اينالادى, ال ەندى قاجەت ەمەس بارلىق شىعاتىن اۋا تومەنگى بولىككە تۇسەدى, ەدەندەگى جەلدەتۋ تەسىكتەرى ارقىلى لاينەردىڭ ارتقى جاعىنا بارىپ, ودان سىرتقا شىعادى. قازاقستاندىق ۇيلەستىرۋشىلەر الەمنىڭ باسقا قاتىسۋشىلارىمەن بىرلەسە وتىرىپ, اۋرۋلاردىڭ بەرىلۋ ماسەلەسىن شەشۋ ءۇشىن وسى ماسەلەلەردى زەرتتەيدى.
