قازاقستان رەسپۋبليكاسى پارلامەنتى سەناتىنىڭ ءتوراعاسى قايرات ءمامي ليۋكسەمبۋرگ ۇلى گەرتسوگتىگىنىڭ ەلشىسى پەر فەررينگتى قابىلدادى, دەپ حابارلادى پالاتانىڭ ءباسپاسوز قىزمەتى.
قازاقستان رەسپۋبليكاسى پارلامەنتى سەناتىنىڭ ءتوراعاسى قايرات ءمامي ليۋكسەمبۋرگ ۇلى گەرتسوگتىگىنىڭ ەلشىسى پەر فەررينگتى قابىلدادى, دەپ حابارلادى پالاتانىڭ ءباسپاسوز قىزمەتى.
كەزدەسۋدە ەكى ەلدىڭ ساياسات جانە ساۋدا-ەكونوميكا سالالارىنداعى ءوزارا ءىس-قيمىلىنىڭ وزەكتى ماسەلەلەرى تالقىلاندى. جوعارى دەڭگەيدەگى ءوزارا سەنىمدى ديالوگ قالىپتاسقانى, ۇكىمەتتىك جانە ىسكەرلەر قاۋىمداستىقتارى دەڭگەيىندەگى بايلانىستار ورىستەپ كەلە جاتقانى ايتىلدى.
ق.ءمامي اتاپ وتكەندەي, ەكى ەلدىڭ پارلامەنتشىلەرى اراسىنداعى ۇنقاتىسۋ مەملەكەتارالىق ءوزارا ءىس-قيمىلدىڭ ماڭىزدى بولىگى بولىپ تابىلادى. قازاقستان پارلامەنتىنىڭ سەناتى ليۋكسەمبۋرگ پارلامەنتىمەن تىعىز بايلانىستار ورناتۋعا, سونداي-اق ەقىۇ جانە ناتو پارلامەنتتىك اسسامبلەيالارى سەكىلدى حالىقارالىق پارلامەنتارالىق ۇيىمدار اياسىندا كوپجاقتى بايلانىستاردى دامىتۋعا مۇددەلى. وسىعان قوسا, قازاقستان ءۇشىن ليۋكسەمبۋرگپەن ەكىجاقتى ىنتىماقتاستىقتى دامىتۋ ەۋروپالىق وداقپەن ستراتەگيالىق ارىپتەستىكتى ورىستەتۋ تۇرعىسىندا دا ماڭىزدى بولىپ تابىلادى.
«قازاقستان ليۋكسەمبۋرگتىڭ ايماقتاعى نەگىزگى ارىپتەسى بولىپ تابىلدى جانە ءبىز ءسىزدىڭ ەلىڭىزبەن ىنتىماقتاستىقتى كەڭەيتۋگە مۇددەلىمىز», – دەدى پ.فەررينگ ءوز كەزەگىندە. ونىڭ پىكىرىنشە, ليۋكسەمبۋرگ قازاقستانعا حالىقارالىق ينۆەستيتسيا تارتۋ ءۇشىن جاقسى تۇعىرناما بولا الادى.
