كەشە قاراعاندىدا «نۇر وتان» حدپ وبلىستىق فيليالىنىڭ كەزەكتەن تىس ءحVىىى كونفەرەنتسياسى ءوتتى. ءوڭىر ومىرىندەگى ماڭىزدى باسقوسۋعا پارتيانىڭ جەرگىلىكتى ۇيىمدارىنان سايلانعان 318 دەلەگات قاتىستى.
كەشە قاراعاندىدا «نۇر وتان» حدپ وبلىستىق فيليالىنىڭ كەزەكتەن تىس ءحVىىى كونفەرەنتسياسى ءوتتى. ءوڭىر ومىرىندەگى ماڭىزدى باسقوسۋعا پارتيانىڭ جەرگىلىكتى ۇيىمدارىنان سايلانعان 318 دەلەگات قاتىستى.
كونفەرەنتسيانى پارتيا فيليالىنىڭ توراعاسى, وبلىس اكىمى باۋىرجان ابدىشەۆ اشىپ, «قازاقستان-2050» ستراتەگياسىن جۇزەگە اسىرۋ اياسىندا «نۇر وتان» حدپ-نىڭ جاڭا مىندەتتەرى تۋرالى» بايانداما جاسادى. ايماق باسشىسى ءوز سوزىندە اتالعان باعىتتا اتقارىلىپ جاتقان جۇمىستار مەن العا قويىلعان ماقساتتارعا كەڭىنەن توقتالدى. ءوندىرىستى ولكە بويىنشا ەل ەكونوميكاسىن دامىتۋعا قوسار ۇلەستى ودان ءارى ۇلكەيتۋگە, ەلباسى تاپسىرمالارىن تىڭعىلىقتى ورىنداۋعا تولىق مۇمكىندىكتەر بار. بۇل رەتتە نۇروتاندىقتار بەلسەندىلىگى – باستى ارقا سۇيەر كۇش. ءبىز ءبارىمىز سونىڭ ۇلگىسىن تانىتۋىمىز كەرەك, دەدى باۋىرجان تۇيتە ۇلى.
وبلىستىق پارتيا فيليالى توراعاسىنىڭ ءبىرىنشى ورىنباسارى قاديشا وسپانوۆا ءسوز كەزەگىندە پارتيانىڭ جاڭا ساياسي دوكتريناسى جوباسى بارشا قازاقستاندىقتار سياقتى قاراعاندىلىقتار تاراپىنان دا زور ىنتا تۋدىرىپ, قىزۋ تالقىلانۋدا ەكەنىن تىلگە تيەك ەتتى. جيىنداردا ايتىلعان, كەلىپ تۇسكەن ۇسىنىس-پىكىرلەر جيناقتالىپ, نازارعا الىناتىنىن جەتكىزدى.
كونفەرەنتسيادا «نۇر وتان» حدپ ساياسي كەڭەسى بيۋروسىنىڭ مۇشەسى, رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ توراعاسى اسلان مۋسين ءسوز سويلەدى.
جارىسسوزگە قاتىسقان «نۇر وتان» حدپ وكتيابر اۋداندىق فيليالى «جاڭا مايقۇدىق مادەنيەت ءۇيى» باستاۋىش پارتيا ۇيىمىنىڭ ءتورايىمى ايگۇل ابىلعازينا, «يمستالكون تەمىرتاۋ» جشس جەتەكشىسى يۆان گەورگيادي, مۋزىكالىق كومەديا تەاترىنىڭ ديرەكتورى امانتاي ىبراەۆ جاڭا دوكترينادا ايقىندالعان ۇلتتىڭ ينتەللەكتۋالدى دامۋى, مىقتى ەكونوميكا وركەندەۋدىڭ باستى تۇتقاسى, وزىندىك تۇرمىس مادەنيەتى جانە رۋح كۇشى ەكەنىن ايتا كەلىپ, ءححى عاسىردا قازاقستاندىق بىرەگەيلىكتى ساقتاۋ جايلى وي-پىكىرلەرىن ءبىلدىردى.
القالى باسقوسۋعا قاتىسۋشىلار اتىنان الداعى قازان ايىندا وتەتىن «نۇر وتان» حدپ-نىڭ كەزەكتەن تىس حV سەزىنە قاراعاندى وبلىسىنان 110 دەلەگات سايلاندى.
ايقىن نەسىپباي,
«ەگەمەن قازاقستان».
قاراعاندى.
