الداعى قازان ايىنىڭ 8-9-ى كۇندەرى استاناداعى تاۋەلسىزدىك سارايىندا VIII ەۋرازيالىق KAZENERGY فورۋمى وتەدى.
الداعى قازان ايىنىڭ 8-9-ى كۇندەرى استاناداعى تاۋەلسىزدىك سارايىندا VIII ەۋرازيالىق KAZENERGY فورۋمى وتەدى.
وسىعان وراي, «KAZENERGY» قاۋىمداستىعى توراعاسىنىڭ ورىنباسارى ج.سارسەنوۆ, قاۋىمداستىقتىڭ باس ديرەكتورى ءا.ماعاۋوۆ, ورىنداۋشى ديرەكتورى ت.قوجاليەۆا, قارجىلىق-ەكونوميكالىق تالداۋ دەپارتامەنتىنىڭ ديرەكتورى ن.جانەكەنوۆ ءباسپاسوز ءماسليحاتىن وتكىزدى. فورۋمدا ج.سارسەنوۆ جاڭا ەنەرگەتيكالىق جۇيەنى قالىپتاستىرۋ, قاتەرلەر مەن تىڭ مۇمكىندىكتەر, سونداي-اق تۇراقتى ەنەرگەتيكالىق كەلەشەكتى قامتاماسىز ەتۋدەگى ەۋرازيا ايماعىنىڭ ءرولى تالقىلاناتىنىن ايتتى. ەنەرگەتيكالىق ءساميتتىڭ نەگىزگى سپيكەرلەرى اراسىندا پرەمەر-مينيستر سەرىك احمەتوۆپەن بىرگە, فرانتسيانىڭ, يسپانيانىڭ بۇرىنعى پرەمەر-مينيسترلەرى, ءۇندىستاننىڭ, بىرىككەن اراب امىرلىكتەرىنىڭ وسى سالاعا جاۋاپتى مينيسترلەرى, سونداي-اق تاعى بىرقاتار حالىقارالىق ۇيىمدار مەن كومپانيالاردىڭ جەتەكشىلەرى بولادى.
فورۋمنىڭ العاشقى كۇنىنىڭ رەسمي ءبولىمى «جاڭا ەنەرگەتيكالىق جۇيەنى قالىپتاستىرۋ: نەگىزگى ويلار, قاتەرلەر مەن تىڭ مۇمكىندىكتەر» اتتى جالپى وتىرىسپەن اشىلادى. ءبىرىنشى كۇنى ءۇش دوڭگەلەك ۇستەل وتكىزىلەدى. شارا اياسىندا, حالىقارالىق ەنەرگەتيكالىق فورۋممەن بىرگە «بولاشاقتىڭ قۋاتى – ءتيىمدى شەشىمدەر ىزدەۋ» جانە «ءداستۇرلى ەنەرگەتيكا – ءداۋىردىڭ تۇگەسىلەر تۇسى ما, الدە سالانىڭ تۇرلەنۋى مە؟» دەپ اتالاتىن پانەلدى سەكتسيالار جۇمىسى جوسپارلانعان.
مۇنىمەن قاتار, فورۋمدا تۇڭعىش رەت ايەلدەر ەنەرگەتيكالىق كلۋبىنىڭ «ەنەرگەتيكانى تۇراقتى دامىتۋداعى ايەلدەردىڭ ءرولى» اتتى وتىرىس ۇيىمداستىرىلادى. اتالعان ءىس-شارا مۇناي-گاز جانە ەنەرگەتيكا سالاسىنداعى الەۋمەتتىك-ەكونوميكالىق, قۇقىقتىق, گەندەرلىك جانە وزگە دە ماسەلەلەردى تالقىلاپ, ءتيىمدى شەشىمىن ىزدەۋدە نازىك جاندى كومپانيا باسشىلارى, مەملەكەتتىك ورگان وكىلدەرى, حالىقارالىق جانە قوعامدىق ۇيىمدارعا جەتەكشىلىك ەتەتىن ايەلدەردى بىرىكتىرۋگە, سونداي-اق بولاشاقتىڭ قۋاتىنداعى ايەلدەردىڭ ءرولىن انىقتاۋعا باعىتتالعان.
ال, KAZENERGY جاستار فورۋمى اياسىندا ينتەللەكتۋالدىق «زەرەك» ويىنىن, «بولاشاقتىڭ قۋاتى: قاتەرلەر مەن جاڭا مۇمكىندىكتەر» اتتى «EXPO-2017» ينتەراكتيۆتى پىكىرسايىسىن, «KAZENERGY» ءبىلىم بەرۋ باعدارلاماسى شاكىرتاقى يەگەرلەرىنىڭ سلەتى مەن مۇناي جانە گاز ءمينيسترىنىڭ «جاستارمەن ديالوگ – كاسىبيلىك اسپەكتىلەرى» شەبەرلىك ءدارىسىن وتكىزۋ كوزدەلگەن. جالپى, ەكى كۇندىك فورۋمدا باسقا دا كوپتەگەن شارالار ۇيىمداستىرىلادى.
نۇرباي ەلمۇراتوۆ,
«ەگەمەن قازاقستان».
