ەلوردالىق جولاۋشىلار قاۋىمداستىعىنىڭ اتقارۋشى ديرەكتورى ساكەن ءحانحوجيننىڭ ايتۋىنشا, تاكسي جۇرگىزۋشىلەرى بەتپەردە مەن قولعاپ كيىپ, كولىك سالونى ءار جولاۋشىدان كەي̆ىن انتيسەپتيكپەن وڭدەلەدى. كولىكتەر ارناي̆ى بازادا كۇنىنە ەكى رەت كولىك جۋاتىن تەحنيكامەن تازارتىلادى.
«بىزدە بارلىعى 14 اۆتوپارك بار. بۇل اۆتوپاركتەر سانيتارلىق تازارتۋ جۇرگىزىلەتىن ءۇش پۋنكتكە بولىنگەن. كۇن ساي̆ىن كولىكتەر ەكى رەت تازالاۋدان وتەدى. ءبىرىنشى كەزەڭ 06:00-دەن 09:00-گە دەي̆ىن, ال ەكىنشى كەزەڭ 14:00-دەن 17:00-گە دەي̆ىن جالعاسادى», – دەپ ءتۇسىندىردى س.حانحوجين.
سونداي-اق ول تولەم كوپ جاعداي̆دا بانك اۋدارىمى ارقىلى جۇزەگە اساتىنىن تىلگە تيەك ەتتى. جۇرگىزۋشىلەر كۇن ساي̆ىن اۋىسىم الدىندا تەكسەرىستەن وتەدى. تەكسەرىس بارىسىندا تاكسي جۇرگىزۋشىسىنىڭ تەمپەراتۋراسىنا ەرەكشە نازار اۋدارىلادى. اۆتوپاركتەردەگى جۇرگىزۋشىلەرگە بارلىق قورعانىس قۇرالدارى (ماسكالار, انتيسەپتيكتەر, قولعاپتار) بەرىلەدى.
ء«بىز قورعانىس قۇرالدارىن كوتەرمە باعادا ساتىپ الۋدى ۇي̆ىمداستىرۋعا تىرىسامىز, سودان كەي̆ىن ولاردى پاركتەرگە تاراتامىز. سوڭعى رەت اتالعان قۇرالداردى مامىر اي̆ىنىڭ باسىندا ساتىپ الدىق, قازىر بارلىق جۇرگىزۋشىلەر قاجەتتى قورعانىس قۇرالدارىمەن قامتاماسىز ەتىلگەن», – دەپ تۇي̆ىندەدى س.حانحوجين.
