توقسانىنشى جىلداردىڭ باسىندا نارىق كەلىپ ەسىك قاققاندا بۇرىن كاسىپكە بەيىمى جوق دەپ ەسەپتەلىپ كەلگەن قازاق ازاماتتارىنىڭ ءسال ابدىراپ قالعانى راس. قازىر, ينشاللا دەپ ايتايىق, دالامەن بىرگە قالادا دا ءوز شارۋاسىن دوڭگەلەتىپ اكەتكەن جىگىتتەرىمىز بارشىلىق.
توقسانىنشى جىلداردىڭ باسىندا نارىق كەلىپ ەسىك قاققاندا بۇرىن كاسىپكە بەيىمى جوق دەپ ەسەپتەلىپ كەلگەن قازاق ازاماتتارىنىڭ ءسال ابدىراپ قالعانى راس. قازىر, ينشاللا دەپ ايتايىق, دالامەن بىرگە قالادا دا ءوز شارۋاسىن دوڭگەلەتىپ اكەتكەن جىگىتتەرىمىز بارشىلىق.
سولاردىڭ ءبىرى ابايلىق ازامات ايان جارىلعاپوۆ. ول سولايى سولاي. بىراق ايان قازىر سەمەيدە تۇرادى. ەندى اڭگىمەنى باسىنان باستاپ ايتاتىن بولساق...
ءيا, اڭگىمەنى باسىنان باستاپ ايتاتىن بولساق, بۇل جىگىتتىڭ ۇلىلار ەلىندە تۋىپ, وسىندا وقىپ جەتىلگەنى ءبار-ءبارى شىندىق. سودان ول توقسانىنشى جىلداردىڭ باس- ىندا قالاعا اتتانىپ, ماماندىعى بويىنشا سونداعى №2 اۆتوپارككە جۇرگىزۋشى بولىپ ورنالاسادى. سونسوڭ «كەلدىم, كوردىم, جەڭدىم» دەپ اتاقتى قولباسشى ەسكەندىر, الەكساندر ماكەدونسكي ايتپاقشى, قالاعا كەلىپ كورگەننەن سوڭ جەڭىسكە جەتە باستايدى.
بۇل ەندى ايتقانعا عانا وڭاي. بولماسا اۋىلدان كەلگەن بوزبالانىڭ اقىر سوڭىندا سول اتالعان اۆتوبۋس پاركىنىڭ يەسى اتانۋى وڭايعا ءتۇستى دەيسىز بە! پاركتى جەكەشەلەندىرىپ جاتقاندا بۇنىڭ يەلىگىنە بار بولعانى ءبىر «يكارۋس» اۆتوبۋسى تيگەن. ىسكەرلىگى مەن تاباندىلىعىنىڭ ارقاسىندا ۋاقىت وتكەن سايىن ونىڭ قاتارى كوبەيە تۇسكەن. قازىردە بۇلارداعى اۆتوبۋس سانى ون التىعا جەتىپ وتىر. ولار وبلىس ىشىندە اباي مەن اقسۋاتقا, ەل كولەمىندە استانا, قاراعاندى مەن كوكشەتاۋعا, ونىڭ سىرتىندا حالىقارالىق مارشرۋت بويىنشا رەسەي, قىتاي, قىرعىزستان مەن موڭعولياعا جولاۋشىلاردى تاسىمالداۋدا. ايان ەندى وبلىس ورتالىعى وسكەمەن مەن ۇرجارعا اۆتوبۋس شىعارامىن دەپ وتىر.
بۇگىنگى كۇنى مۇندا ەلۋگە جۋىق ادام جۇمىس ىستەسە, ولاردىڭ ورتا تابىسى سەكسەن مىڭ تەڭگە كولەمىندە. دەمەك, بۇل ەرىنبەي ەڭبەك ەتىپ كەلە جاتقانداردىڭ تابىسى بۇدان دا جوعارى دەگەن ءسوز. مىنە, اياننىڭ قالاداعى تىرلىگى وسىنداي بولسا, دالاداعى تىرلىگى دە كىسى قىزىعارلىقتاي. ال وعان دالەل كەرەك بولسا, ايتايىق.
انادا مەدەۋ اۋىلدىق وكرۋگىندە بولعانىمىزدا اۋىل اكىمى دارىن مۇحتار ۇلى ءبىزدى ورازباي سىندى كەشەگى جىلقىلى بايدىڭ اتامەكەنى شۇناي تاۋى جاعىنا باستاپ الىپ بارعان. بۇل ءوزى ەجەلدەن قۇت قونعان ءوڭىر. بايلىعىنا ماستانىپ, حاكىم ابايدىڭ جاعاسىنا جارماسقان دالانىڭ كوكجال شونجارى اۋەلى قۇدايىما, سونسوڭ شۇنايىما سەنەمىن دەگەن ەكەن. مۇندا بۇگىنگى زاماندا دا قۇدايى مەن شۇنايىنا سەنىپ, جىلقى شارۋاشىلىعىمەن اينالىسىپ جاتقان ازاماتتار بار بولىپ شىقتى.
دوعالاڭ مەن ارشالى تاۋلارىنىڭ ورتاسىنداعى سىلدىر تاۋىن جايلاعان اياننىڭ دالاداعى تىرلىگىن كورگەندە جانە ريزا بولدىق. تاۋدىڭ ورتاسىنداعى قالاشىق ۇلگىسىندەگى مەكەن كوزگە وتتاي باسىلعان. بىراق ول جولى يەسى بولماعان سوڭ, تاعى ءبىر اينالىپ سوعارمىز دەپ اتتانىپ كەتكەنبىز. ارادا ءبىر اي شاماسىندا ۇلىلار ەلىنە كەلگەن بەلگىلى ابايتانۋشى عالىم, اكادەميك عاريفوللا ەسىم مەن ءبىزدى اۋدان اكىمى تۇرسىنعازى مۇساپىربەكوۆ پەن ونىڭ ورىنباسارى ەرلان ىلديباەۆ جاقسىنى كورمەككە دەگەندەي, اياننىڭ اۋىلىنا ارنايى باستاپ الىپ بارعان.
قالا ۇلگىسىمەن سالىنعان كوتتەدج, ساۋنا, بالالارعا ارنالعان الاڭقاي, ءۇي ارالىعىنا ەگىلگەن ەكپە ءشوپ, ەلەكتر ستانساسىنىڭ ارقاسىندا سامالاداي جارقىراعان ەلەكتر شامدارى, سونشا ۇقىپتىلىقپەن سالىنعان جىلقى قورالارى كوڭىلگە جىلىلىق ۇيالاتادى. بايگە اتتارىنا ارنالعان قورا ءوز الدىنا. اياننىڭ ءتىپتى كوگەرشىن وسىرۋمەن اينالىساتىنىن كورىپ جانە سۇيسىندىك.
اياننىڭ قالاداعى جەكەمەنشىك اۆتوبۋس پاركى اكەسىنىڭ اتىمەن «جارىلعاپ» دەپ اتالسا, مۇنداعى شارۋا قوجالىعى «كاۋسار» دەپ اتالاتىن كورىنەدى. ال كاۋسار قۇداي قوسقان قوساعى قاليمامەن ەكەۋىنىڭ ۇلدارى قۇرمەت پەن مەدەتتەن سوڭ ون سەگىز جىلدان كەيىن كورگەن كەنجەلەرى ەكەن. ۇلكەن ۇلدارىنىڭ اتى اكەسى ۇزاق جىلعى شوپاندىق ەڭبەگىنىڭ جەمىسىن كورىپ, «قۇرمەت بەلگىسى» وردەنىمەن ماراپاتتالعاندا سوعان وراي قويىلعان. قازىردە سول قۇرمەت تە, مەدەت تە ومىردەن ءوز ورىندارىن تاۋىپ ۇلگەرىپتى.
ايان كەلەسى ءبىر ءسوز اراسىندا ءوزىنىڭ قۇجات بويىنشا شىن ەسىمى ەلجان ەكەندىگىن ايتىپ قالعان. سويتسەك, ونىڭ وزىندىك سەبەبى بار ەكەن. ياعني بۇل ءتورتىنشى سىنىپقا كوشكەنگە دەيىن ناعاشى اجەسى ماعريپانىڭ قولىندا ءوسىپتى. ال وسى كىسىنىڭ تۇڭعىش اناسى اسەۋ بولسا كەشەگى جان-جاقتى تالانت يەسى جانىبەك كارمەنوۆتىڭ تۋعان اپايى بولىپ تابىلادى. نەگە ەكەندىگى بەلگىسىز, ماعريپا اجەسى مۇنى ايان دەپ اتاپ كەتىپتى. سودان بەرىدە مۇنى ابايلىق
